Нийгэм

• 
  Улаанбаатарт 10 хэмийн хүйтэн байна
  2016 оны 1 сарын 02
  Ихэнх нутгаар солигдмол үүлтэй. Зарим газраар цас орж, явган шуурга шуурна. Салхи баруунаас секундэд 6-11 метр, Алтайн салбар уулс болон Арц богдын өвөр хоолойгоор секундэд 14-16 метр хүрч ширүүснэ. Увс нуурын болон Дархадын хотгор, Идэр, Тэс, Отгон голын хөндийгөөр 17-22 градус, Хүрэн бэлчир, Орхон-Сэлэнгэ, Хараа, Ерөө, Туул, Тэрэлж Хэрлэн, Онон, Улз, Халх голын сав газраар 11-16 градус хүйтэн, Говийн бүс нутгийн баруун хэсгээр 1-6 градус, бусад нутгаар 6-11 градус хүйтэн байна.
  
  УЛААНБААТАР ХОТ: Үүл багасна. Цас орохгүй. Салхи баруунаас секундэд 5-10 метр. Хүйтэрч 14-16 градус хүйтэн байна.
• 
  2016 оны нэгдүгээр сарын зурхай
  2016 оны 1 сарын 01
  Хонь
  2016 оны 1 сард чи хувийн амжилт, ажил мэргэжлийн тал дээр анхаарлаа хандуулах болно. Энэ нь гарагиудын дийлэнх нь хойд зүгт байгаатай холбоотой юм. Гэр бүл болон хайр дурлалын амьдрал энэ сарын турш хэвийн байдлаар үргэлжилнэ. Зарим нэг тодорхойгүй зүйлсийн өмнө тэвчээртэй байх хэрэг гарна. Мөн энэ сард бизнесээ төлөвлөгөөтэйгөөр авч явах нь ирэх саруудад амжилттай хэрэгжих боломжийг бий болгоно.
  
  Үхэр
  Мэргэжлийн болон хувийн зорилтууд анхаарал татах 1-р сар ирж байна. Одоо Үхрийнхны хувьд карьерээ өсгөхийн тулд эртнээс тавьж байсан зорилтоо биелүүлэх тохиромжтой цаг мөн. Гэр ахуйн асуудлууд тийм ч чухал биш байх болно. Гараг эрхсийн хүч баруунаас зүүн жигүүр лүү шилжиж байгаа учир эхний хэдэн долоо хоногт бие даан шийдвэр гаргах хүсэл эрмэлзэл, нийгмийн шаардлага хоёрын хооронд тэнцвэрийг хадгалахыг хичээх хэрэгтэй. Өөрөөр хэлбэл өөрийнхөө хүслийг, бусдын хүсэлтэй уялдуулж эв эеийг хичээгээрэй. Харин 22-ноос хойш бүх зүйл чиний хүслээс хамаарна. Өөрийгөө танин мэдэхийн тулд аялалаар явах сонирхол төрнө. Үүнийгээ биелүүлэхэд таатай сар.
  
  Ихэр
  Энэ сард Ихрүүд карьер, ажил хэрэгтээ бүх анхаарлаа төвлөрүүлэх бололтой. Энэ хооронд гэр бүлийнхэн чинь чиний арын албыг даана. Нийгмийн хандлага, хэм хэмжээнд тааруулах гэж хичээх нь утгагүй мэт санагдаж, өөрийнхөөрөө байхаар хичээж эхэлнэ. Ихрүүдийн хувьд хувь хүнийхээ аз жаргалын утга учрыг олж нээх сар нь энэ сар болно.
  
  Мэлхий
  2016 оны нэгдүгээр сард чиний хувьд гэр бүлээс илүүтэйгээр ажлын нэр хүнд давамгайлах хандлагатай байна. Чамайг хүрээлж буй хүмүүсийн тусламж дэмжлэг нь чиний амжилтын түлхүүр болно. Биеэ даасан, өөрийнхөөрөө зан араншин өөрт чинь сэтгэл дундуур байх нөхцлийг авчирч болох юм. Мэлхийн ордныхон 2016 онд өөрийгөө нээж, олох ба 1 сард идэвхтэй амьдралын хэмнэлийг бий болгохын төлөө тэмүүлж амьдарна. Энэ нь спортоор хичээллэх болон шинэ хувцас, гоёл чимэглэлд анхаарах зэрэг өөрчлөлтүүдийг чамд авчирна.
  
  Арслан
  Ихэнх гараг эрхэс Арслангийн ордны зүүн талд байрласан байх тул аливаа үйл хэрэгтээ энхийг сахиж, дотооддоо амар амгалан байдлаа хадгалахаар хичээхийг зөвлөж байна. Карьерын тал дээр бодолтой байж, өөрийн зүгээс шалтгаалах зүйлсийг хичээнгүйлэн хийж сорилтуудыг даваарай. Энэ сард бусад хүний хүсэл сонирхол чиний хувийн зорилгод өөрчлөлт оруулах магадлалтай. Бодож яваагаа биелүүлэхийн тулд өөрийн таньж мэдэх хүмүүсээсээ тусламж аваарай. Харин хувийн харилцаануудын хувьд тааламжтай сар өнгөрнө.
  
  Охин
  Од гарагс Охины ордныхны өмнөд хэсэгт байрлаж байгаа учир энэ сард гэр бүл, гэр орны асуудлууд давамгайлах нь ээ. Гэр бүлийн гишүүдээ илүү сайн хүн болгох тал дээр чиний нөлөө шууд мэдрэгдэнэ. Ажил дээрээ өмнөх амжилт ололтуудаа тунгаан бодож, алдаагаа залруулж, шинэ төсөл хөтөлбөр эхлүүлэхэд таатай. Нийгмийн хэм хэмжээ чиний өөрийн үзэл бодлоос дээгүүрт тавигдана. Бусдын өнцгөөс харахад азтай гэж хэлж болохуйц таатай боломж чамайг хүлээж байна. Буд гараг буцах хөдөлгөөнд орчихоод байгаа ч хамтын ажиллагаа, хэлсэн амандаа хүрдэг зан чинь зорилгоо биелүүлэхэд чамд туслах болно.
  
  Жинлүүр
  Энэ сард Жинлүүрийнхэн өөрийн зорилтыг биелүүлэхийн тулд уян хатан байх шаардлагатай болох нь. Өөрийн хувийн зан байдал, үзэл бодлыг үнэлж, таатай өөрчлөлтийг хийх болно. Танилын хүрээгээ өргөсгөхөд анхаарал хандуулах хэрэгтэй. Сарын турш гараг эрхэс Жинлүүрийнхний өмнөдөд байрших ба энэ нь гэр бүлийн дотоод асуудлууд руу анхаарлыг чинь хандуулна. Ажил мэргэжлийн асуудлуудыг энэ сард хоёрт тавина.
  
  Хилэнц
  Энэ сард Хилэнцүүдийг гэр бүл, гэр орныхоо асуудалд илүү ихээр санаа тавиарай хэмээн од эрхэс зөвлөж байна. Ингэснээр сэтгэл санаа чинь сайжирч, гадаад ертөнц, ажил албаны бодит асуудлуудтай нүүр тулах хүчийг чамд өгнө. Од гарагс Хилэнцийнхэний баруун зүгт байрласнаар нийгэмд эзлэх байр сууриа дээшлүүлж, бусдаас хамааралгүйгээр зорилгодоо хүрэхээд тэмүүлэх хүчийг чамд өгөх болно. Хилэнцүүд өмнөх ажлаасаа илүүтэй томоохон бизнес төслүүдэд анхаарал хандуулж эрч хүчээ тэдгээрт зарцуулах бололтой. Хэт ачаалалтай ажилласнаас эрүүл мэнд, сэтгэл санаа чинь асуудалд орж эхлэх магадлалтай учир өөрийгөө мартаж болохгүй шүү.
  
  Нум
  Нумын ордны 2016 оны эхний сарын зурхайнд санасан бодсон зүйлсээ хэрэгжүүлэхэд саадгүй хэмээжээ. Амьдралаа чи өөрийнхөө гарт бүрэн атгах бөгөөд, цээжинд байгаагаа гүйцэлдүүлэхэд хэн нэгний туслалцаа дэмжлэг хэрэг болохгүй. Гэрийн дотоод болон сэтгэл санааны асуудлууд энэ сарын турш голлох байрыг эзэлнэ. Чиний анхаарлыг бүрэн шаардах томоохон шинэ ажлыг эхлүүлэх бололтой. Энэ нь чиний санхүүгийн боломж болон гэр бүлд бага зэрэг дарамт учруулж болзошгүй. Алсдаа ирэх ашиг нь өндөр боловч үүний тулд эхэндээ бүсээ чангалах хэрэгтэй болж мэднэ.
  
  Матар
  Бусадтай хамтран ажиллахдаа уян хатан байж, эвлэрэх эхний алхамыг хийж байх хэрэгтэй. Зорилгодоо хүрэхийн тулд өөрийн оюун санаагаа дэмжлэг болгоорой. Өнгөрсөн амьдралдаа дүгнэлт хийж өөрчлөлт хэрэгтэй гэдгийг өөртөө байн байн сануулж байгаарай. Энэ сард гэр бүлийн чинь хувьд их чухал сар байх болно. Үүнийгээ дагаад санхүү болон гадаад төрхөндөө анхаарал тавих болно.
  
  Хумх
  Энэ 1-р сард чи бие даасан хандлагаар өөрийнхөө амьдралыг зохицуулах болно. Бусдын туслалцаа, дэмжлэгийг харах шаардлагагүй, бүх юм чиний гарт байна. Оюун бодлыг өөдрөг сэтгэл эзэмдэж, дэлхийг ч удирдаж чадах юм шиг хүч чадал мэдрэгдэх болно. Томоохон төсөл эхлүүлэхэд таагүй. Мөн Хумхынхан гадаад төрх, имижээ сайжруулах тал дээр тодорхой хэмжээний анхаарал хандуулна. Биед эрч хүч мэдрэгдэж өөрийн эрхгүй л илүү үзэсгэлэнтэй болох болно. Амбицаа хөгжүүлснээр дотоод хүч чадал нэмэгдэнэ.
  
  Загас
  Энэ сард ажил мэргэжилтэй холбоотой зорилт, зорилгууд гэр бүлээс өмнүүр тавигдана. Ирээдүйн өндөр албан тушаалынхаа төлөө ур чадвараа сайжруулах хэрэг гарна. Энэ хооронд гэр бүлийнхэн чинь бүгдээрээ чиний арыг дааж, чамайг хамгаалах болно. Сорилтын өмнө эргэлзэх хэрэггүй ба зоригтойгоор нүүр тулаад үзээрэй. Буд гараг буцах хөдөлгөөнд орчихсон энэ үед амжилтад хүрэх хамгийн бодит тохиромжтой арга нь азаа турших юм.
• 
  Ард иргэдэд, хоолны хордлогоос сэргийлэх зөвлөмж
  2016 оны 1 сарын 01
  Ард иргэдэд, хоолны хордлогоос сэргийлэх зөвлөмж
• 
  Шинэ оны эхний өдрүүдэд ажиллах зах, худалдааны төвүүд
  2016 оны 1 сарын 01
  Нэгдүгээр сарын 1,2-нд амрах
  
  Нарантуул худалдааны төв
  Хар хорин худалдааны төв
  Бөмбөгөр-1,2 худалдааны төв
  Номингийн бүх салбарууд
  Баянзүрх худалдааны төв-1
  Баянзүрх худалдааны төв-2​
  Нэгдүгээр сарын 1,2-нд ажиллах
  
  Сандэй плаза худалдааны төв
  Макс моллын бүх салбарууд
  Берлин зоогийн бүх салбарууд
  Бургер Кингийн бүх салбарууд
  Номингийн бүх салбар төвүүд
  Да хүрээ зах
  Эх сурвалж:www.polit.mn
• 
  Өнөөдөр Төрийн банкны зарим салбар ажиллана
  2016 оны 1 сарын 01
  Өнөөдөр банкууд амарч байна. Харин Төрийн банкны зарим салбарууд 11-18 цагийн хооронд ажиллаж байгаа аж.
  
• 
  Тээврийн хэрэгслийн шинэчилсэн журам өнөөдрөөс хэрэгжинэ
  2016 оны 1 сарын 01
  Зорчих хэсгийн нэгдүгээр эгнээнд буюу зогсоолгүй газар, бусдын хөдөлгөөнд саад учруулахуйц байрлуулсан автомашиныг ачих, ачилтын төлбөрийг НИТХ шинэчлэн баталсан. Журам нэгдүгээр сарын 1-ээс буюу маргаашаас хэрэгжиж эхэлнэ.
  
  08:00-20:00 тээврийн хэрэгслийг зөөж, шилжүүлэх бөгөөд төлбөрийн тухайд мотоцикл 30 мянган төгрөг, суудлын автомашин, микро автобус болон 3,5 тонн хүртэлх жинтэй ачааны автомашин, автобус 60,000 төгрөг, 3,5 тонноос дээш жинтэй том оврын тээврийн хэрэгслийг 90,000 төгрөгөөр зөөж шилжүүлдэг байхаар тогтоосон.
  
  Харин саатуулах байрны төлбөр 3000-20 мянган төгрөгийн хооронд байх юм.
  
• 
  Онцгойгийнхон өндөржүүлсэн түвшинд ажилласаар байна
  2016 оны 1 сарын 01
  Баярын өдрүүдэд Онцгой байдлын албаныхан амралтгүй ажиллаж, хүн ардынхаа эрүүл мэндийн төлөө зүтгэж байдаг. Тэдний тусламж цаг ямаг хэрэгтэй байдгийн дээр аврагч нарын ачаар хүмүүс аюул ослоос эсэн мэнд үлддэг. Шинэ он солигдох мөчид ч онцгойгийнхон өндөржүүлсэн бэлэн байдалд ажиллаж хүмүүст онцгой тусламж үзүүлжээ.
  
  Төв аймгийн Сэргэлэн сумын Авдар багийн нутаг “Хатуугийн давааны энгэр” гэдэг газар “Тоёото” загварын суудлын автомашинтай 4 том хүн, 2 нялх хүүхэд цасанд суусан тухай дуудлагыг 2015 оны арван хоёрдугаар сарын 31-ний өдрийн 15:35 цагт өгчээ. Төв аймгийн Онцгой байдлын газрын 5 албан хаагч, 1 техник хэрэгсэлтэйгээр ажиллаж, тусламж үйлчилгээ үзүүлэн машиныг цаснаас гарган, хүмүүсийг аймгийн төвд хүргэж өгсөн байна.
  
  Мөн нийслэлийн Хан-Уул дүүргийн 11 дүгээр хороо, Яармагаас Зайсан орох уулын хатуу хучилттай автозамын зорчих хэсэгт “Ниссан” загварын автомашин, “Хонда” загварын автомашинтай мөргөлдөж, зорчигчид гэмтжээ. Иргэн Б /50 настай, эрэгтэй/, Д /49 настай, эмэгтэй/, С /37 настай, эмэгтэй/, Ц /31 настай, эмэгтэй/, Б /21 настай, эрэгтэй/ нар хөнгөн гэмтсэн байсныг анхны тусламж үзүүлэн Яаралтай түргэн тусламжийн эмч нарт шилжүүлэн өгчээ. Дархан-Уул аймгийн Дархан сумын 8 дугаар баг, “Дархан Ус суваг” ХК-ийн зүүн талын хатуу хучилттай автозамын зорчих хэсэгт “Тоёото” загварын автомашин самбар мөргөж, төмөр хийцэнд хүн хавчуулагдсан байсныг мөн аварчээ. Осол урьд шөнө /2016 оны нэгдүгээр сарын 01-ний/ 03:48 цагт гарсан байна. Машинд хавчуулагдсан иргэн Б /27 настай, эрэгтэй/, Л /27 настай, эмэгтэй/ нарт эмнэлэгийн анхны тусламж үзүүлэн, түргэн тусламжийн эмч нарт хүлээлгэн өгчээ.
  
• 
  Танилц: Өнөөдрөөс хэрэгжиж эхлэх хуулиуд
  2016 оны 1 сарын 01
  УИХ-аас 2015 онд хэд хэдэн хуулийн төслийг шинэчлэн баталж, нэмэлт өөрчлөлт оруулсан билээ. Үүний зэрэгцээ шинэ хуулиуд өргөн барьсан.
  Ирэх 2016 оны нэгдүгээр сарын сарын 1-нээс буюу нөгөөдрөөс дараах хуулиуд хэрэгжиж эхэлнэ.
  Хүүхдийн мөнгийг амжиргааны түвшингөөр олгоно
  Өнгөрсөн сарын 13-ны өдөр УИХ Хүний хөгжил сангаас Монгол Улсын иргэнд 2016 онд хүртээх хишиг, хувийн хэмжээг тогтоох тухай тогтоолын төлсийг баталсан юм. Ингэснээр хүүхэд бүрт олгодог байсан хүүхдийн мөнгийг ирэх оны нэгдүгээр сарын 1-ний өдрөөс эхлэн ялгавартайгаар олгохоор бол­сон билээ.
  Тухайлбал, төсөвт 200 гаруй тэрбумыг суулгадаг байсан хүүхдийн мөнгийг эдийн засгийн нөхцөл байдалтай холбогдуулан хасса­наар ирэх оны төсвийн жилд хүүхдийн мөнгө хэлбэ­рээр нийт 144 тэрбум төгрөг улсын төсвөөс гарахаар бол­сон. Энэ нь хүүхэд бүрт хүрэл­цэхгүй учир 0-18 насны, өрхийн амьжиргааны 1-17 ду­гаар бүлгийн хүүхдүүд сар бүр 20 мянган төгрөг олгох юм.
  
  Танай өрх хэддүгээр бүлэгт хамрагдаж байгааг мэдэхийн тулд эхлээд хорооны нийгмийн ажилтантайгаа холбогдож хүсэлт өгөх юм байна. Ингэснээр нийгмийн ажилтан тухайн хүсэлт гаргасан өрхийн гэрт очиж, үнэлгээ хийх аж. Энд цалингийн хэмжээ нэг их нөлөөлөхгүй бөгөөд цахилгаан бараа ихтэй бол өрхийн хамрагдах бүлгийн хэмжээ дээшилж байгаа гэсэн албан бус мэдээлэл байгаа юм.
  Хэрвээ амьжиргааны бүлэг тодорхойлох судалгаатай санал нийлэхгүй байгаа бол дахин нийгмийн ажилтантай холбогдон дахин үнэлгээ хийлгүүлэх боломжтой аж. Ингэсэн тохиолдолд Нийгмийн халамж үйлчилгээний хэлтсээс дахин өрхийн үнэлгээ хийж өгөх юм байна. Дашрамд дурдахад, 7-15 дугаар бүлэгт 294 мянган өрх багтдаг аж.
  Хувиараа “цэцэрлэг” ажиллуулж, гэрээрээ мөнгө олох боломжтой
  Улсын хэмжээнд 2013 оны байдлаар 2-5 насны 247.104 хүүхэд байгаагаас 61.585 нь нийслэлд байдаг байна. Харин тэдгээрээс 21400 хүүхэд буюу гурван хүүхэд тутмын нэг нь сургуулийн өмнөх боловсролын үйлчилгээнд хамрагдаж чаддаггүй гэсэн судалгаа бий. Гэвч, нийгэм, эдийн засгийн нөхцөл байдал, нөөц бололцооноос хамаарч одоогийн мөрдөж буй хуулийн хүрээнд 2-5 насны бүх хүүхдийг сургуулийн өмнөх боловсролын үйлчилгээнд хамруулах ямар ч боломжгүй байгаа юм. Тиймээс УИХ Хүүхэд харах үйлчилгээний тухай хуулийн төслийг өнгөрсөн долдугаар сард баталсан билээ. Энэ хууль шинэ оны эхний өдрөөс хэрэгжиж эхлэх тул иргэд заавал цэцэрлэг гэлтгүй хүүхэд харах, хүүхдээ бусдаар харуулах бүрэн боломжтой болж байгаа.
  Тухайлбал, хуульд зааснаар та хүүхэд харах үйлчилгээ эрхлэх гэж байгаа бол бүрэн дунд болон түүнээс дээш боловсролтой, хүү­хэд харах үйлчилгээний тусгай сургалтад хамрагдаж гэрчилгээ авсан (Боловсролын яамны сургалтад тав хоног хамрагдана), бага насны хүүхэд­тэй харилцах арга зүй эзэмш­сэн, халдварт болон сэтгэцийн өвчин­гүй, эрүүл, гэмт хэрэгт холбогдож байгаагүй, 18-аас 65 насны Монгол Улсын иргэн байх ёстой юм. Мөн өөрийн, түрээсийн, зээлийн аль нь ч байсан хамаагүй, хүүхэд байх стандарт (хуульд зааснаар) хангасан л бол гурвуулаа нийлж, дээд тал нь 15 хүүхэд харах боломжтой юм.
  
  Өөрөөр хэлбэл, нэг хүн таван хүүхэд харах боломжтой. Мөн хүүхэд харах үйлчилгээнд хамрагдаж байгаа нэг хүүхдэд ногдох хоолны болон нормативт зардлыг улсын төсвөөс санхүүжүүлэх юм. Халаалт, цахилгааны зардлын тухайн хүүхдэд ногдох хэсгийг эцэг, эх хариуцах бөгөөд сард 12100 төгрөг байхаар одоогоор тооцоод байна.
  Түүнчлэн эцэг, эх асран хамгаалагчийн сайн дурын үндсэн дээр үзүүлэх нэмэлт төлбөрийг хуулиар хязгаарлаагүй байгаа юм. Энэ хууль хэрэгжиж эхэлснээр 30 гаруй мянган хүүхэд хүүхэд харах үйлчилгээнд хамрагдах судалгаа гарсан юм. Мөн үүний гуравны нэгтэй тэнцэх хэмжээний эцэг, эх ажлын байраар хангагдах боломжтой байна.
  Худалдан авсан барааныхаа 2 хувийг эргүүлэх авах боломж үүснэ
  Нэмэгдсэн өртгийн албан татвар (НӨАТ)-ыг зохицуулж байсан гурван ч хууль ирэх оны нэгнээс хүчингүй болж, Нэмэгдсэн өртгийн албан татварын тухай хуулийн шинэчилсэн найруулга хэрэгжиж эхлэх гэж байна.
  Манай улс 1993 онд худалдааны татвартай байсан бөгөөд НӨАТ-ын тогтолцоог 1998 оноос хэрэгжүүлж эхэлсэн юм. Тэр цагаас хойш НӨАТ татварын орлогын багагүй хэсгийг бүрдүүлж ирсэн бөгөөд өнгөрсөн онд 1.4 их наяд орчим төгрөг төсөвт төвлөрүүлсэн байна. Энэ татвар Монгол Улсын нийт орлогын 21.9 хувийг дангаараа бүрдүүлж байгаа юм.
  Нөгөө талаасаа НӨАТ-ыг эцсийн хэрэглэгч буюу худалдан авагч төл­дөг тул энэ нь биднээс гарч буй шууд татвар гэсэн үг. Заримдаа бидний авсан бараа, үйлчлүүлсэн үйчилгээний татварыг дундын бизнес эрхлэгч, хувь хүн, хуулийн этгээд төлө­хгүйгээр нуун дарагдуулдаг. Ингэс­нээр бидний төлж буй НӨАТ татвар болж очихгүй байх тохиолдол байдаг гэж судлаачид үздэг юм. Тэгвэл НӨАТ-ын буцаан олголтыг өгснөөр хяналт сайжирна гэж үзэж байна.
  
  Харин 10-50 сая төгрөгийн жилийн борлуулалттай аж ахуйн нэгжүүд НӨАТ төлөгч байна. Ингээд бид НӨАТ төлөгч газраас бараа, үйлчилгээ, бүтээгдэхүүн худалдаж авахдаа НӨАТ төлсөн өөрсдийн хувийг авч үлдээд, цахим санд (Энэ сайтыг албан ёсоор зарлана) бүртгүүлэх ёстой юм. Худалдан авалт хийсэн бүтээгдэхүүн бүрийн 10 хувь нь НӨАТ бөгөөд үүний 20 хувь буюу үнийн дүнгийн хоёр хувийг бид дараа жилийн эхний өдрөөс эхлэн буцаан авах боломжтой юм. Мөн жилийн хугацаанд худалдан авсан барааны нийт үнэ, түүнээс өгсөн татвар зэргийг давхар хянах боломж бүрдэж байгаа.
  Түүнчлэн НӨАТ төлөгч иргэд нэг удаа урамшууллын сугалаанд оролцож, их хэмжээний мөнгө хожих боломжтой юм. Тиймээс та ирэх оны нэгдүгээр сарын 1-нээс эхлээд худалдан авах бүрдээ НӨАТ төлсөн баримтаа хадгалаарай.
  Нийтийн сонсголд та зөвхөн сонсогч байх уу
  Өнгөрсөн долдугаар сард баталсан Нийтийн сонсголын тухай хууль ирэх оны нэгдүгээр сарын 1-ний өдрөөс эхлэн хэрэгжих юм. Социализмын үед бас сонсгол гэж байсан, тэр нь зөвхөн дарга нарын хийсэн бүтээсэн, хийж байгаа зүйлсийн талаар ярьдаг байсан тул ийм сонсгол хэрэггүй гэж иргэд үзэж байсан. Гэхдээ Ерөнхийлөгчийн өргөн барьсан Нийтийн сонсголын хууль нь “…төрийг удирдах хэрэгт иргэдийн оролцоог хангахад…” чиглэгдсэн гэж байгаа юм.
  Ингээд сонсголыг хууль тогтоох, ерөнхий хяналтын, төсвийн, томил­гооны, захиргааны хэм хэмжээний болон төлөвлөлтийн, орон нутгийн гэсэн сэдвээр явуулж болох юм.
  
  Мөн хувь хүн, байгууллага, төрийн нууцад хамаарах болон үндэсний аюулгүй байдлыг хангахтай холбоотойгоос бусад асуудлаар сонсголыг хаалттай явуулахыг хориглосон байгаа юм.
  Иргэд ерөнхий хяналтын, хууль тогтоомжийн сонсгол явуулах хүсэлтээ тухайн асуудал эрхэлсэн байнгын болон дэд хороонд гаргаж болох бөгөөд бусад асуудлаар УИХ-ын гишүүдийн дөрөвний нэгээс доошгүй нь эсвэл Засгийн газрын гишүүн, Ерөнхийлөгч, Орон нутгийн ИТХ-ын зэрэг гишүүд сонсгол явуу­лах хүсэлт гаргаж болох юм.
  Зөрчлийн оноог тооцож эхэлнэ
  95aec1db-d072-42ab-ab1b-8a1e7e510fff.jpg
  Замын хөдөлгөөний аюулгүй байдлыг хангах тухай хуульд жолооч нарт зөрчлийн оноо тооцох тухай заасан байгаа. Тэгвэл зөрчлийн оноог 2016 оны нэгдүгээр сарын 1-ний өдрөөс тооцож хасалт хийх аж.
  Хуульд зааснаар жолоочийн зөрчлийн ерөнхий онооны дээд хэмжээ 10 байхаар тооцно. Тээврийн хэрэгсэл жолоодох эрх бүхий жолооч нарт шинээр жолоодох эрхийн үнэмлэх авсан жолооч /үнэмлэх нөхөж, сольж авах, ангилал ахиулахаас бусад/, зөрчлийн оноо дууссан болон эрх хасагдсан жолооч зохих журмын дагуу сургалтад хамрагдаж, шалгалтад тэнцсэн тохиолдолд зөрчлийн 10 оноо олгоно.
  Жолооч замын хөдөлгөөний аюулгүй байдалтай холбоотой хууль тогтоомж, дүрэм, журам, стандарт зөрчсөн үйлдэлд нийгэмд учирч болзошгүй хор, уршгаас шалтгаалан зөрчлийн 1-5 оноо гэхчилэн дүрэм зөрчсөн жолоочийн 10 онооноос хасах журмаар явах юм.
• 
  Дугаарын хязгаарлалт үйлчлэхгүй
  2016 оны 1 сарын 01
  Өнөөдөр бүх нийтээрээ амрах өдөр учраас автомашины улсын дугаарын хязгаарлалт үйлчлэхгүй. Дээр нь нэгдүгээр сарын 2, 3-нд амралтын өдөр таарч байгаа учраас дугаарын хязгаарлалт гурав хоногийн турш үйлчлэхгүй юм.
• 
  Үсээ засуулбал идээ, ундаа элбэг олдоно
  2016 оны 1 сарын 01
  Тухайн өдөр хонь, бич, тахиа, могой, морь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр бурхныг тахих, бурханд залбирах, чимэг зүүх, мод тарих, байшингийн суурь тавих, хулгай, дээрмийг дарах, дайсныг номхотгох үйл, хараал, хариулга, хатуу үйл хийгээд өглөгийн түллэг тэргүүтнээ сайн. Цэрэг хөдөлгөх, улаа гаргах, хиншүү хярвасны үйл, мод таслах, тангаргалах, хурал цуглаан хийхэд муу. Өвдвөл гурав хоногт үл аниваас ужгирна. Замд гарвал хулгайд өртөгдөх гэмтэй. Баруун чих хангинавал аймшиг болно, зүүн бол жуулчин ирнэ. Өдрийн сайн цаг нь хулгана, үхэр, туулай, морь, бич, тахиа болой. Үс шинээр үргээх буюу засуулахбал идээ, ундаа элбэг олдоно.
• 
  Улаанбаатарт 12 хэм хүйтэн
  2016 оны 1 сарын 01
  2015 оны 12 дугаар сарын 31-ний 20 цагаас 1 дүгээр сарын 01-ний 20 цаг
  
  хүртэлх цаг агаарын урьдчилсан мэдээ:
  
  БАРУУН АЙМГУУДЫН НУТГААР: Үүлэрхэг. Хангайн уулархаг нутгаар бага зэргийн цас орно. Салхи баруунаас секундэд 7-12 метр, өдөртөө Алтайн салбар уулсаар секундэд түр зуур 16 метр хүрч явган шуурга шуурна. Увс нуурын хотгор болон Хүрэн бэлчир, Идэр, Тэс голын хөндийгөөр шөнөдөө 25-30 градус, өдөртөө 16-21 градус, Алтайн өвөр говиор шөнөдөө 9-14 градус, өдөртөө 0-5 градус, бусад нутгаар шөнөдөө 13-18 градус, өдөртөө 3-8 градус хүйтэн байна.
  
  ТӨВИЙН АЙМГУУДЫН НУТГААР: Үүлшинэ. Зарим газраар бага зэргийн цас орно. Салхи баруун өмнөөс секундэд 7-12 метр, явган шуурга шуурна. Дархадын хотгороор шөнөдөө 26-31 градус өдөртөө 18-23 градус, Хэнтэйн уулархаг нутаг, Орхон-Сэлэнгэ, Хараа, Ерөө, Туул, Тэрэлж голын сав газраар шөнөдөө 23-28 градус, өдөртөө 11-16 градус, бусад нутгаар шөнөдөө 15-20 градус, өдөртөө 4-9 градус хүйтэн байна.
  
  ЗҮҮН АЙМГУУДЫН НУТГААР: Үүлшинэ. Зарим газраар бага зэргийн цас орно. Салхи баруунаас секундэд 7-12 метр, явган шуурга шуурна. Хэрлэн, Онон, Улз, Халх голын сав газраар шөнөдөө 23-28 градус, өдөртөө 13-18 градус, бусад нутгаар шөнөдөө 20-25 градус, өдөртөө 10-15 градус хүйтэн байна.
  
  ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Шөнөдөө цас орохгүй, өдөртөө бага зэргийн цас орно. Салхи баруун өмнөөс секундэд 5-10 метр. Шөнөдөө 24-26 градус, өдөртөө 13-15 градус хүйтэн байна.
  
  ГОВИЙН АЙМГУУДЫН НУТГААР: Солигдмол үүлтэй. Цас орохгүй. Салхи баруунаас секундэд 7-12 метр, Арцбогдын өвөр хоолойгоор секундэд түр зуур 16 метр хүрч ширүүснэ. Өмнөговийн нутгаар шөнөдөө 9-14 градус хүйтэн, өдөртөө 1 градус дулаанаас 4 градус хүйтэн, бусад нутгаар шөнөдөө 16-21 градус, өдөртөө 4-9 градус хүйтэн байна.
  
  УЛААНБААТАР ХОТ: Үүлшинэ. Цас орохгүй. Салхи баруунаас секундэд 5-10 метр. Шөнөдөө Яармаг-Сонгины орчмоор 26-28 градус, бусад хэсгээр 18-20 градус, өдөртөө 11-13 градус хүйтэн байна.
  
• 
  Нийслэлчүүд Чингисийн талбайд шинэ оноо угтлаа
  2015 оны 12 сарын 31
  Жил бүр уламжлал болгон зохион байгуулдаг “Улаанбаатарын Мөнгөн шөнө” шинэ жилийн цэнгүүн Чингисийн талбайд боллоо. Тус арга хэмжээ 21 цагаас эхэлсэн бөгөөд хөгжимчин Х.Бархүү, Б.Мягмарцэрэн, Beat Box Ray, дуучин A Cool, Т.Амина, Г.Тэнүүн, хийлч Ч.Дэлгэрцэцэг нар урлагийн тоглолт сонирхуулж, нийслэлийн Улаанбаатар чуулгын уран бүтээлчид “Үйлсийн сайхан Улаанбаатар” мюзиклыг тоглов. Он солигдох мөчид нийслэлийн Засаг дарга бөгөөд Улаанбаатар хотын Захирагч Э.Бат-Үүл, нийслэлийн Засаг даргын Нийгмийн хөгжлийн асуудал хариуцсан орлогч Ц.Энхцэнгэл нар иргэддээ баярын мэндчилгээ дэвшүүлж, нийслэлчүүдтэйгээ шинэ оноо угтлаа.
  
  Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Юуны өмнө энд хуран цугласан Та бүхнийхээ энэ үдшийн амар амгаланг айлтгая. “Үйлсийн сайхан Улаанбаатар” мюзиклыг 20 хэмийн хүйтэнд тоглож нийслэлчүүддээ шинэ жилийн бэлэг барьсан нийслэлийн Улаанбаатар чуулгын уран бүтээлчиддээ иргэдийнхээ нэрийн өмнөөс талархал илэрхийлье. Нийслэлчүүд маань шинэ жилийн баярыг жилээс жилд өргөн дэлгэр тэмдэглэдэг болж байна. Анх удаа 20 хэмийн хүйтэнд задгай талбайд мюзикл тоглосон нь дэлхийн аль ч улсад байхгүй үзэгдэл болсон гэхэд буруудахгүй бизээ. Энэ бол нийслэл маань хөгжиж байгаагийн нэг илрэл гэж ойлгож байна. Өнгөрсөн хугацаанд нийслэлд ямар бүтээн байгуулалтын ажил хийснийг Та бүхэн надаар хэлүүлэлтгүй мэдэж байгаа гэдэгт эргэлзэхгүй байна. Цаашид бид бүхэн Улаанбаатар хотоо дэлхийн жишигт нийцсэн хот болгохын төлөө хичээнгүйлэн ажиллах болно. Та бүхэндээ шинэ оны гал халуун баярын мэндийг хүргэе” гэлээ.
  
  Энэ үеэр Улаанбаатар хотын Цагдаагийн газар, Замын Цагдаагийн газар, нийслэлийн Мэргэжлийн Хяналтын газар, Онцгой байдлын газрын албан хаагчид өндөржүүлсэн бэлэн байдалд ажиллаж, он солигдох торгон мөчид Чингисийн талбай, Маахуур толгой, Баянхошуу, Дамбын гүүр гэсэн дөрвөн цэгээс ёслолын буудлага хийлээ. Мөн баярын арга хэмжээний үеэр явган зорчигч болон тээврийн хэрэгслийн хөдөлгөөн ихэссэнтэй холбогдуулан Чингисийн талбайн баруун, зүүн талын замын хөдөлгөөнийг түр хугацаагаар хязгаарлаж, Чингисийн талбайн баруун, зүүн болон урд зогсоолыг үнэ төлбөргүй ашиглуулав. Тус үйл ажиллагаа өндөрлөсний дараа 18 чиглэлд нийтийн тээвэр иргэдэд үйлчиллээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
  
• 
  БУМБА амьдралын дээд түвшин рүү тэмүүлж байна
  2015 оны 12 сарын 31
  ХОНЬ - (3/21-4/19)
  Аливаа зүйлийг хэтрүүлэхгүй байхыг хичээ. Таны нэр хүнд өндөр байх бөгөөд хөгжилтэй арга хэмжээ үргэлжилсээр танд ганцаараа байх ч цаг олдохгүй. Гэхдээ хайртай хүндээ анхаарал тавихаа мартаж болохгүй. Ямар нэг хулгайн эд зүйл худалдан авахаас татгалз. Эс тэгвээс аюултай байдалд орно. Гэнэтийн зочин тань дээр ирэх бөгөөд тэд таныг гадуур авч явахыг хүснэ. Татгалзах хэрэггүй. Таны ажил хэрэгт тус болох олон хүмүүстэй танилцах болно. Танай гэр бүл, ах дүү төрөл төрөгсдөд шинэ оны мэндийг хүргэж эрүүл энх, аз жаргал сайн сайхан бүхнийг хүсэн ерөөе.
  Дэлгэрэнгүй
  ПҮРЭВ, 2015 ОНЫ 12 САРЫН 31
  ҮХЭР - (4/20-5/20)
  Өнөөдөр та баяр баясгалантай, эрч хүчтэй, өөдрөг сэтгэлтэй байна. Давуу тал болгон ашиглах гэж байгаа боломж бүрт болгоомжтой хандаарай. Санхүүгийн асуудалдаа бүтцийн өөрчлөлт хийж, өр зээл авахаасаа татгалзвал та амьдралдаа шинэ хуудсыг нээнэ. Тусгай төлөвлөгөөнүүд таны хүч хөдөлмөрөө шавхан байж олсон мөнгөө үрэхийг ятгаж болно. Гэхдээ ихэнх үхрүүд яахаа мэднэ. Хэрвээ таны хүслийг ямар нэгэн зүйл илэрхийлж байгаа бол өөрийн хичээл зүтгэлээ хадгалвал шагнагдах болно. Үдшийг гэр бүлийхэнтэйгээ өнгөрүүлэхэд тааламжтай. Таньд болон танай гэр бүл шинэ оны мэнд хүргэж эрүүл энх, аз жаргал, сайн сайхан бүхнийг хүсэн ерөөе.
  Дэлгэрэнгүй
  ПҮРЭВ, 2015 ОНЫ 12 САРЫН 31
  ИХЭР - (5/21-6/21)
  Гэр бүл болон ажил хэргийн хүмүүсийн хоорондох асуудлыг шийдэхэд хамаг хүчээ барах, сэтгэл түгшээсэн өдөр байх болно. Өнөөдөр хуурч мэхлүүлэх, алдагдал хүлээж мэднэ. Сэтгэл зүйн таагүй байдал, мэдрэлийн ачаалал ихийг авна. Ингэснээр архаг хууч өвчин сэдрэнэ. Сэтгэлийн огцом өөрчлөлт гарах, тавгүйтэл үүснэ. Үл ойлголцохоос сэргийлж асуудлыг өөр нөхцөл байдлаар солих хэрэгтэй. Таны ойр дотны хүмүүс таниас хайр халамжийг хүсч байна. Гэхдээ та дээрх байдлаас амархан гарч чадах бөгөөд энэ жилийн сүүлийн барцад байх болно. Ирэх жилдээ улам ихийг бүтээж, танд болон танай гэр бүлд ажлын амжилт, эрүүл энх сайн сайхан бүхнийг хүсэн ерөөе.
  Дэлгэрэнгүй
  ПҮРЭВ, 2015 ОНЫ 12 САРЫН 31
  МЭЛХИЙ - (6/22-7/22)
  Уран бүтээлийн ажил эрхэлдэг хүмүүст туйлын таатай өдөр. Шинэ жилийн баяр мартагдашгүй, хөгжилтэй өнгөрнө. Ямар ч хүмүүсийн дунд баярыг өнгөрүүлсэн танд аз жаргалтай сайн сайхан байх болно. Найз нөхөдтэйгөө шинэ жилийг угтвал хамгийн сайн. Энэ үдшийг маш гайхалтай өнгөрөөх боломжийг одод зөвхөн танай ордныхонд бэлэглэсэн бөгөөд үүнийг та нар дэмжин аваарай. Танд болон танай гэр бүлд эрүүл энх, аз жаргал сайн сайхан бүхнийг хүсэн ерөөе. Шинэ оны мэнд хүргэе.
  Дэлгэрэнгүй
  ПҮРЭВ, 2015 ОНЫ 12 САРЫН 31
  АРСЛАН - (7/23-8/22)
  Энэ жилийн хамгийн сонирхолтой сайхан цаг үеүүдийн нэг болно. Таны өмнө бүх дэлхий ертөнц нээгдэж бусдын анхаарлыг өөртөө татахад хялбар болно. Шинэ жилийг хуучин анд нөхөдтэйгээ гэрээсээ алсад угтахад таатай. Ихэнхи арслангууд адал явдал, аялал зугаалганд тун дуртай бөгөөд томоохон хэмжээний үдэшлэг цуглаанд оролцож олны анхааралд байх дуртай байна. Хүн бүхэн таны талаар ярих нь таньд тааламжтай санагдана. Гэхдээ хайртаасаа өөр бусад хүмүүст эрч хүчээ алдсаны хэрэггүй.
  Дэлгэрэнгүй
  ПҮРЭВ, 2015 ОНЫ 12 САРЫН 31
  ОХИН - (8/23-9/22)
  Эмэгтэй охины ордныхныг шинэ учрал, хөнгөн сээтэгнэл хүлээж байна. Таны биеэ барих чадвар шүтэн бишрэгчийнхээ сайн талууд, дутагдлуудыг үнэн зөв цэгнэхэд саад болохыг од эрхэс анхааруулж байна. Эрэгтэйчүүдийн хувьд гэнэтийн танил эсвэл хуучны холбоогоо сэргээхээс болгоомжил. Энэ нь таны хувийн амьдралыг сүйрэлд хүргэнэ. Энэ өдөр гэр бүлээрээ шинэ оноо угтаж дахин хэзээ ч давтагдахгүйгээр тэмдэглэн өнгрөөхийг танд болон танай гэр бүлд хүсэн ерөөе.
  Дэлгэрэнгүй
  ПҮРЭВ, 2015 ОНЫ 12 САРЫН 31
  ЖИНЛҮҮР - (9/23-10/22)
  Баярын уур амьсгал орж, ер бусын гайхамшигт үйл явдлуудаар дүүрэн өдөр болно. Хувь заяаны илгээсэн бага зэргийн адал явдлууд, шинэ танилууд, ер бусын зугаа цэнгэлээс бүү татгалз. Өсвөр насны xүүхдүүд тань үеийнхэнтэйгээ шинэ оноо угтахыг хүсвэл бүү татгалз. Гэрийн хаяг, утас, хаашаа явцгаахыг нь мэдэж бай. Холын хамаатнууд ялангуяа ганц бие хүмүүсийгш бүү март. Танд болон танай гэр бүлд шинэ оны мэнд хүргээд эрүүл энх аз жаргал, сайн сайхан бүхнийг хүсэн ерөөе. Шинэ оны мэнд хүргэе.
  Дэлгэрэнгүй
  ПҮРЭВ, 2015 ОНЫ 12 САРЫН 31
  ХИЛЭНЦ - (10/23-11/21)
  Дотны хүмүүстэйгээ хамт цагийг өнгөрөөхийг илүүд үзэж байгаа таныг багахан хэмжээний ажлын шаардлагаар уях болно. Гэхдээ энэ нь танд таагшүй санагдаж байгаа боловч үүнийг заавал хийх хэрэгтэйг сануулж байна. Учир нь танд тохиолдож болзогүй эрсдлийг ажил тань үүрч байна. Оны сүүлийн өдөр танай гэр бүл, найз нөхөд чинь үнэхээр аз жаргалтай байж алдаа болгоныг хуучин ондоо орхиж, амжилт болгоныг шинэ онтойгоо авч орохыг ерөөж байна. Танд аз жаргал сайн сайхан бүхнийг хүсэн ерөөе.
  Дэлгэрэнгүй
  ПҮРЭВ, 2015 ОНЫ 12 САРЫН 31
  НУМ - (11/22-12/21)
  Хувийн болон гэр бүлийн амьдралдаа гэнэтийн бэлэг авахад бэлэн бай. Найз нөхөд, ах дүүс, хамт ажиллагсадтайгаа харьцах харьцаа харилцан хүндэтгэл дээр үндэслэнэ. Хуучин оны сүүлийн өдрийг гэр бүлдээ зориул. Гацуур модны гap тоглоом бэлтгэхэд оролц. Хүүхдүүддээ гэрээ чимэхэд нь тусал. Баярын сайхан уур амьсгал бүрдүүл. Зөвхөн сайн мэдээ сонсоно. Хүссэн бэлгээ авна. Айлд зочилж оч. Эсвэл найз нөхөд, ах дүүсээ гэртээ урь. Танай гэр бүл, ах дүү, төрөл төрөгсдөд шинэ оны мэнд хүргээд аз жаргал сайн сайхан бүхнийг хүсэн ерөөе.
  Дэлгэрэнгүй
  ПҮРЭВ, 2015 ОНЫ 12 САРЫН 31
  МАТАР - (12/22-1/19)
  Ирэх онд матарнууд яүгууртан мэт амьдралаас татгалзаж, аливаа олон нийтийн арга хэмжээг мэдээгүй мэт өнгөрүүлж, тэр ч битгий хэл хамтран ажиллагчийнхаа төрсөн өдрийг үл мэдэгч болон өнгөрүүлэх хүсэл нь давамгайлна. Дүнсгэр, түгжигдмэл байдал бүү авт. Хэрвээ та яст мэлхий мэт хцяган дотроо нуугдаж ил гарахыг хүсэхгүй бол чухал үйл явдлууд тань хажуугаар өнгөрөх болно. Та хүмүүсийг гэртээ урихдаа баяр хөөтрэй байх болно. Энэ үел гэр амьтай мартнууд найз нөхөд болон хайртай хүнтэйгээ цагийн өнгөрөөхөд таатай байна. Хэрэв гэр бүлд тань асуудал тулгарвал сайн ярилцаж тайвшруулах хэрэгтэй. Өөдрөг эрч хүчтэй байгаарай.
  Дэлгэрэнгүй
  ПҮРЭВ, 2015 ОНЫ 12 САРЫН 31
  БУМБА - (1/20-2/18)
  Та амьдралын дээд түвшин рүү тэмүүлж байна. Таньд хөрөнгө мөнгө, тохилог байшин, сайн гэр бүл шаардлагатай. Аз жаргалтай баян хүн болох, хүссэндээ хүрэхэд шаардагдах бүх зүйл танд байна. Таны амьдралын олон зүйл өөрийгөө үнэлэх үнэлгээнээс хамаарна. Амьдрал ба энэ хооронд хийж амжуулсан бүх зүйлээсээ таашаал ав. Ямар нэг зүйл өөрчлөхөөс бүү ай. Таны зорилго бол амьдралаа олон талтай болгох явдал юм. Оны сүүлийн өдөр та бүх уур бухимдлаа тайлж Шинэ оноо угтаарай. Танд болон танай гэр бүлд эрүүл энх аз жаргал сайн сайхан бүхнийг хүсэн ерөөе. Шинэ оны мэнд дэвшүүлье.
  Дэлгэрэнгүй
  ПҮРЭВ, 2015 ОНЫ 12 САРЫН 31
  ЗАГАС - (2/19-3/20)
  Өнөөдөр загасынхан өөрсдийгөө ертөнцийн төв мэтээр төсөөлнө. Тэд бүхнийг удирдаж зааварлаж итгүүлж бэлэг өгч зугаацуулж хамгаалж байхыг хүснэ. Энэ нь ч биелэлээ олно. Лаа, хятад улаан дэнлүү, бенгалын гал зэргийг нөөцлөхөө мартав. Ирж буй 2015 оныг түүдэг гал, задгай зуухны дэргэд угтвал гайхамшигтай байх болно. Галын дөл хэдий чинээ хурц тод байх нь энэ жил таны хувьд төдий чинээ хурц тод байх болно. танд болон танай гэр бүлд ирж буй шинэ ондоо эрүүл энх, сайн сайхан бүхнийг хүсэн ерөөе. Шинэ оны мэнд хүргэе.
• 
  Есөн сум түргэн тусламжийн машинтай боллоо
  2015 оны 12 сарын 31
  
  
  Үнэлэх: Одоогийн үнэлгээ:
  Сэтгэгдэл Илгээх Хэвлэх Share|
  Есөн сум түргэн тусламжийн машинтай боллоо
  45 минутын өмнө
  
  
  Эрүүл мэнд, спортын яамнаас шинэ оны босгон дээр улсын төсвийн хөрөнгө оруулалтаар зургаан аймгийн есөн суманд Япон улсад үйлдвэрлэсэн Ниссан маркийн тусгай зориулалтын түргэн тусламжийн авто машиныг хүлээлгэн өглөө.
  
  2015 оны төсвийн тухай хуулийн Эрүүл мэнд, спортын сайдын багцаас Улсын төсвөөс Улаанбаатар хотын 9 эрүүл мэндийн байгууллагад,18 аймагт нийт 47 түргэн тусламжийн автомашиныг олгохоор тендер зарлан сонгон шалгаруулж, гэрээ байгуулсан. Өмнө нь найман түргэн тусламжийн автомашиныг нийлүүлээд байсан бол өнөөдөр цас зудны байдал хүнд байгаа алслагдсан аймгуудын сумд болох Говь-Алтай аймгийн Эрдэнэ сум, Сүхбаатар аймгийн Асгат, Ховд аймгийн Ховд, Мөст сумд Хөвсгөл аймгийн Төмөрбулаг, Хэнтий аймгийн Батноров, Төв аймгийн Аргалант, Өвөрхангай аймгийн Хайрхандулаан, Өмнөговь аймгийн Мандал-Овоо сумдад олголоо.
  
  Эрүүл мэнд, спортын сайдын үүрэг гүйцэтгэгч Ц.Оюунбаатар түргэн тусламжийн машин гардуулах үеэр хэлсэн үгэндээ Эрүүл мэнд, спортын яам, Улсын онцгой комисс өвөлжилтийн бэлтгэлийг хангах ажлын хүрээнд ард иргэддээ тэр дундаа хөдөөгийн алслагдсан сумдын малчдад эмнэлгийн тусламж үйлчилгээг шуурхай цаг алдалгүй хүргэх боломж нөхцлийг бүрдүүлж байна. Цаашид ч эрүүл мэндийн байгууллагуудаа төлвөлгөөний дагуу түргэн тусламжын авто машинтай болгох ажил ээлж дараатай явагдана. Шинэ он гараад мөн Япон улсаас захилсан дараагийн ээлжийн авто машин орж ирнэ гэдгийг энэ үеэр хэллээ.
  
  
  
  Авто машин гардуулах үйл ажиллагаанд Эрүүл мэнд, спортын сайдын үүрэг гүйцэтгэгч Ц.Оюунбаатар, Эрүүл мэнд, спортын яамны Төрийн нарийн бичгийн дарга С.Ламбаа болон бусад албаны хүмүүс оролцлоо.
• 
  Чингисийн талбайн баруун, зүүн замын хөдөлгөөнийг түр хязгаарлана
  2015 оны 12 сарын 31
  Өнөөдөр 21:00 цагаас Чингисийн талбайд “Мөнгөн шөнө” цэнгүүний үеэр Улаанбаатар хотын Цагдаагийн газар, Замын Цагдаагийн газар, нийслэлийн Мэргэжлийн Хяналтын газар, Онцгой байдлын газрын албан хаагчид өндөржүүлсэн бэлэн байдалд ажиллаж, он солигдох торгон мөчид нийслэлийн дөрвөн цэгт ёслолын буудлага хийх юм. Мөн баярын арга хэмжээний үеэр явган зорчигч болон тээврийн хэрэгслийн хөдөлгөөн ихэсдэгтэй холбогдуулан Чингисийн талбайн баруун, зүүн талын замын хөдөлгөөнийг 20:00 цагаас эхлэн түр хугацаагаар хязгаарлаж, Чингисийн талбайн баруун, зүүн болон урд зогсоолыг үнэ төлбөргүй ашиглуулах юм. Тус үйл ажиллагаа өндөрлөсний дараа 18 чиглэлд нийтийн тээвэр иргэдэд үйлчилнэ.
• 
  Амралтын өдрүүдэд дугаарын хязгаарлалт үйлчлэхгүй
  2015 оны 12 сарын 31
  Жил бүрийн нэгдүгээр сарын 1-нд бүх нийтээр амардаг. Энэ өдөр автомашины улсын дугаарын хязгаарлалт үйлчлэхгүй. Нэгдүгээр сарын 2, 3-нд амралтын өдөр таарч байгаа учир мөн дугаартын хязгаарлалт үйлчлэхгүй юм байна.
  
  Баярын өдрүүдэд замын хөдөлгөөний ачаалал эрс нэмэгддэг учир өнөө орой “Чингис”-ийн талбайд болох ”Мөнгөн үдэш” арга хэмжээний дараа иргэдэд үйлчлэх тусгай автобусуудыг нийслэлийн Тээврийн газраас гаргаад байгаа аж.
  
• 
  Хорихын эмнэлэгт хэвтэж буй Г.Шийлэгдамбын хорих хугацааг сунгажээ
  2015 оны 12 сарын 31
  Эрүүл мэнд, спортын сайд асан Г.Шийлэгдамбыг авлигын хэрэгт сэжиглэн эрүүгийн хэрэг үүсгэн АТГ-аас баривчилж, Төв аймгийн Урьдчилан хорих төвд саатуулаад байгаа. Тэгвэл шүүхээс шийдвэр гаргаснаар түүнийг цагдан хорих хугацааг 30 хоногоор сунгасан байна.
  Өнгөрсөн сард мөн Г.Шийлэгдамбын цагдан хоригдох хугацаа дуусгавар болсон ч шүүхээс түүнийг яллагдагчаар татаж, цагдан хорих хугацааг дахин хоёр сараар сунгасан юм. Тодруулбал, яллагдагчаар татаж, үргэлжлүүлэн хорих хүсэлтээ АТГ прокурорт хүргүүлсэн байна. Прокурор хүсэлтийг шүүхэд хүргүүлснээр Баянзүрх, Сүхбаатар, Чингэлтэй дүүргийн шүүхээс дээрх шийдвэрийг гаргажээ. Г.Шийлэгдамбын биеийн байдал тааруу байгаа учир өмгөөлөгч нь батлан даалтад гаргуулах хүсэлтээ шүүхэд хүргүүлсэн ч хүсэлтийг шүүх хүлээж аваагүй юм.
• 
  Тээврийн хэрэгслийг ачих шинэ журам маргаашнаас хэрэгжинэ
  2015 оны 12 сарын 31
  Тээврийн хэрэгслийг ачих, зөөх, шилжүүлэх, шинэчилсэн журмыг 2016 оны нэгдүгээр сарын 1-нээс мөрдөж эхэлнэ.
  НИТХ-аас 08:00-20:00 цагийн хооронд хориглосон газарт зогсож бусдын хөдөлгөөнд саад учруулсан тээврийн хэрэгслийг зөөж, шилжүүлэх төлбөрийг тогтоосон. Тодруулбал, Мотоцикл 30,000 төгрөг Суудлын автомашин, микробус болон 3,5 тонн хүртэлх жинтэй ачааны автомашин, автобус 60,000 төг 3,5 тонноос дээш жинтэй том оврын тээврийн хэрэгслийг 90,000 төгрөгөөр зөөж шилжүүлдэг байхаар тогтоолоо.
  ТҮР СААТУУЛАХ ХАШАА /БАЙР/-НЫ НЭГ ХОНОГИЙН ТӨЛБӨР Мотоцикл 3,000 Суудлын автомашин, микробус болон 3,5 тонн хүртэлх жинтэй бүх ачааны машин 5,000 3,5 тонноос 24 тонн хүртэлх жинтэй ачааны автомашин болон дунд оврын автобус 10,000 Тусгай зориулалтын том оврын тээврийн хэрэгсэл, хүнд механизми 20,000 төгрөг байна.
• 
  Мөс цөмөрсний улмаас амиа алджээ
  2015 оны 12 сарын 31
  Төв аймгийн Эрдэнэ сумын Өгөөмөр багийн “Тарваган шийрийн гацаа” гэдэг газар Туул голын мөсөн дээгүүр зорчиж явсан 22-00 ... улсын дугаартай “Ланд крузер-100” загварын автомашин мөс цөмөрч суусан байна гэсэн дуудлага Онцгой байдлын албанд иржээ.
  Тус дуудлагын дагуу Налайх дүүргийн Онцгой байдлын хэлтсийн албан хаагчид ажиллахад, жолооч Д (48 настай, эрэгтэй) автомашины бүхээгтээ осгож нас барсан байжээ. Уг хэргийг цагдаагийн байгууллагад шалгаж байна.
• 
  2016 онд прокурорын мэтгэлцэх ур чадварыг дээшлүүлнэ
  2015 оны 12 сарын 31
  Улсын Ерөнхий прокурорын дэргэдэх зөвлөлийн хуралдаан 2015 оны 12 дугаар сарын 31-ний өдөр боллоо.
  
  Хуралдаанаар прокурорын байгууллагаас 2016 онд дэвшүүлсэн зорилт, УЕПГ-ын 2016 оны үйл ажиллагааны төлөвлөгөө, Прокуроруудын ажлын байрны тодорхойлолтын тус тус хэлэлцэж баталлаа.
  
  Прокурорын байгууллага 2016 онд прокурорын мэтгэлцэх ур чадварыг дээшлүүлэх, шүүхэд төрийг төлөөлөх үйл ажиллагааг өргөжүүлэх, прокурорын мэргэжил, ёс зүйн үнэлэмж, урамшуулал, хариуцлагын тогтолцоог төгөлдөржүүлэх зорилтыг дэвшүүлж ажиллахаар боллоо.