-
2015 оны 12 сарын 31
Дархан-Уул аймгийн прокурорууд гэмт хэргээс урьдчилан сэргийлэх чиглэлээр Дархан сумын Малчин, Өргөө болон 1-16 дугаар багуудын гэмт хэргээс урьчилан сэргийлэх ажлыг шалган тусалж мэргэжил арга зүйн туслалцаа үзүүлэн, багуудад гарсан гэмт хэргийн шалтгаан нөхцлийг арилгуулахаар мэдэгдэл бичжээ.
Прокурорууд хариуцсан багийн засаг дарга, нийгмийн ажилтан, хэсгийн байцаагч нарт гэмт хэргээс урьдчилан сэргийлэх тухай хуулийг хэрэгжүүлэх талаар сургалт явуулсан ба хяналтын прокурор Д.Энхтуяа, С.Баттамир нар хариуцсан багтаа Ерөнхий боловсролын сургуулийн 10-11 дүгээр ангийн 500 гаруй сурагчдад Прокурорын байгууллагын чиг үүргийг танилцуулан 2015 онд зонхилон гарсан хулгай, дээрэм, хөдөлгөөний аюулгүй байдлын эсрэг гэмт хэргүүдийн шалтгаан нөхцөл, гэмт хэргээс урьдчилан сэргийлэх арга замын талаар яриа таниулга хийж шалгалтыг үр дүнтэй явуулсан байна.
-
2015 оны 12 сарын 31
Тухайн өдөр бар, туулай, бич, тахиа жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр сахиус тахих, угаал үйлдэх, сан тавих, бэрийн үйл, өлзийг өгүүлэх, балин өргөх, бурхныг тахих, номын үүднээ орох, үхэр, адуу сургах, байшингийн суурь тавих, өлзий хутгийг үйлдэх, засал хийлгэх, бурхныг тахих, номын явдлыг үйлдэх, амарлингуй, дэлгэрэнгүй, эрхшээх үйл, янаг амрагтайгаа учрахуй хийгээд абшиг авахуй, ус гатлахуй угаал үйлдэхүй тэргүүтэнд сайн. Хиншүү хярвас гаргах, их хэрэг, худалдаа арилжаа хийхэд муу. Өвдвөл арав хоногт аньюу. Замд гарвал идээ, ундаа, хувцас чимэг олдоно. Баруун нүд татвал садан төрөл ирэх, зүүн нүд татвал баясгалангийн хурим болно. Баруун чих хангинавал гаслан болох ба зүүн чих хангинавал алдаж бүрэлгэснийг үзэх болно. Нохой уливал хэрүүл тэмцэл маргаан болох ба хэрээ дуугарвал жуулчин ирнэ. Тагнай эрвэгнэвэл аймшиг гарах болно. Бие татвал хэрүүл маргаан хийгээд уйтгарлахуй үг дуулна. Өдрийн сайн цаг нь морь, хонь, нохой, гахай, үхэр, луу болой. Үс шинээр үргээлгэх буюу засуулбал өвчин ирнэ.
-
2015 оны 12 сарын 31
2015 оны 12 дугаар сарын 30-ны 20 цагаас 12 дугаар сарын 31-ний 20 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Үүлэрхэг. Хангай уулархаг нутгаар бага зэргийн цас орно. Салхи баруунаас секундэд 7-12 метр, өдөртөө Алтайн салбар уулсаар секундэд түр зуур 16 метр хүрч явган шуурга шуурна. Увс нуурын хотгор болон Хүрэн бэлчир, Идэр, Тэс голын хөндийгөөр шөнөдөө 25-30 градус, өдөртөө 16-21 градус, Алтайн өвөр говиор шөнөдөө 9-14 градус, өдөртөө 0-5 градус, бусад нутгаар шөнөдөө 13-18 градус, өдөртөө 3-8 градус хүйтэн байна.
ТӨВИЙН АЙМГУУДЫН НУТГААР: Үүлшинэ. Хангай, Хөвсгөлийн уулархаг нутгаар бага зэргийн цас орно. Салхи баруун өмнөөс секундэд 6-11 метр, явган шуурга шуурна. Дархадын хотгороор шөнөдөө 26-31 градус,өдөртөө 18-23 градус, Хэнтийн уулархаг нутаг, Орхон-Сэлэнгэ, Хараа, Ерөө, Туул, Тэрэлж голын сав газраар шөнөдөө 23-28 градус, өдөртөө 8-13 градус, бусад нутгаар шөнөдөө 14-19 градус, өдөртөө 1-6 градус хүйтэн байна.
ЗҮҮН АЙМГУУДЫН НУТГААР: Солигдмол үүлтэй. Цас орохгүй. Салхи баруунаас секундэд 6-11 метр. Хэрлэн, Онон, Улз, Халх голын сав газраар шөнөдөө 26-31 градус, өдөртөө 13-18 градус, бусад нутгаар шөнөдөө 21-26 градус, өдөртөө 9-14 градус хүйтэн байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи баруун өмнөөс секундэд 5-10 метр. Шөнөдөө 24-26 градус, өдөртөө 15-17 градус хүйтэн байна.
ГОВИЙН АЙМГУУДЫН НУТГААР: Солигдмол үүлтэй. Цас орохгүй. Салхи баруунаас секундэд 7-12 метр, өдөртөө Арц богдын өвөр хоолойгоор секундэд түр зуур 16 метр хүрч штрүүснэ. Өмнөговийн нутгаар шөнөдөө 12-17 градус, өдөртөө 0-5 градус, бусад нутгаар шөнөдөө 20-25 градус, өдөртөө 4-9 градус хүйтэн байна.
УЛААНБААТАР ХОТ: Үүлшинэ. Цас орохгүй. Салхи баруунаас секундэд 5-10 метр. Шөнөдөө Яармаг-Сонгины орчмоор 26-28 градус, бусад хэсгээр 17-19 градус, өдөртөө 8-10 градус хүйтэн байна.
-
2015 оны 12 сарын 30
Хордлогод өртөхөөс сэргийлэхийг зөвлөж байна
-
2015 оны 12 сарын 30
Ц.ЦОЛМОН САЙД ОСОЛДСОН ЦЭРГИЙН АЛБА ХААГЧДАА ЭРГЭЛЭЭ
Энэ сарын 23-нд нислэгийн дадлага, сургуулилт гүйцэтгэж байсан Зэвсэгт хүчний 337 дугаар ангийн цэргийн алба хаагчид осолдсон харамсалтай явдал тохиосон. Ослын улмаас Зэвсэгт хүчинд 17 жилийн турш залуу, халуун насаа зориулан ажилласан манай эрэлхэг хөвгүүдийн нэг амиа алдсан харамсалтай явдал учирсан. Бусад цэргийн алба хаагчдын хувьд Батлан хамгаалах, хууль сахиулах алба хаагчдын нэгдсэн эмнэлэгт хэвтэн эмчлүүлж шаардлагатай эмчилгээг цаг алдалгүй хийлгэсээр байна. Болсон үйл явдалтай холбогдуулан УИХ, Засгийн газрын гишүүн, Батлан хамгаалахын сайд Ц.Цолмон амиа алдсан алба хаагчийн гэр бүлд гүн эмгэнэл илэрхийлээд салбарын зүгээс ар гэрийхэнд нь тусалж дэмжих ажлын хэсэг байгуулж, осолдсон цэргийн алба хаагчдад онцгой анхаарал хандуулан ажиллахыг холбогдох албан тушаалтнуудад үүрэгдсэн юм. Харин тэрээр өнөөдөр өөрийн биеэр Батлан хамгаалах, хууль сахиулах алба хаагчдын нэгдсэн эмнэлэгт хэвтэн эмчлүүлж буй Зэвсэгт хүчний 337 дугаар ангийн алба хаагчдыг эргэж, эмчлэгч эмч нараас нь биеийн байдал, цаашид авах арга хэмжээний талаар асууж тодруулсан. Батлан хамгаалахын сайд Ц.Цолмонг дагалдаж БХЯ-ны Бодлогын хэрэгжилтийг зохицуулах газрын дарга, хурандаа Д.Номт болон тус яамны Хяналт шинжилгээ, үнэлгээ, дотоод аудитын газрын дарга, хурандаа Д.Ганхуяг, Зэвсэгт хүчний Агаарын довтолгооноос хамгаалах цэргийн командлагч, хурандаа Ш.Энхбат, ЗХЖШ-ын Ар тал, хангалт үйлчилгээний газрын дарга, хурандаа М.Эрдэнэдалай нарын албаныхан байлцав.
Ц.Цолмон сайд өвчтнүүдтэй уулзахдаа ”Та бүхэн нэрэлхэж эмээлгүй өвчин зориураа хэлж байгаарай. Батлан хамгаалах яам, ЗХЖШ-аас шаардлагатай бүх арга хэмжээг авч ажилласан. Цаашид ч авч ажиллана. Хамгийн гол сэтгэл санаа өөдрөг, тогтвортой байх ёстой. Эмчилгээ хийлгэж байхад эерэг бодол чухал шүү. Албан үүргээ гүйцэтгэж явсан цэрэг эрсээ бид ямар ч үед анхаарч ажиллана” хэмээгээд эмчлэгч эмч нараас ямар, ямар эмчилгээ хийлгэсэн, цаашид ямар эмчилгээ хийлгэх шаардлагатай байгааг асууж тодруулсан. Түүний асуултад Батлан хамгаалах, хууль сахиулах алба хаагчдын нэгдсэн эмнэлгийн гэмтлийн клиникийн эрхлэгч, дэд хурандаа Т.Сүхбаатар ”Осолд өртсөн цэргийн алба хаагчдад шаардлагатай бүх арга хэмжээг авч ажилласан. Өнөөдөр амь насанд эрсдэлтэй нөхцөл үүссэн алба хаагч байхгүй. Дөрвөн алба хаагчийн биеийн байдал сайжирч өнөөдөр эмнэлгээс гарч байгаа. Үлдсэн алба хаагчиддаа шаардлагатай бүх эмчилгээг цаг алдалгүй хийж байна” гэв. Энэ үеэр Ц.Цолмон сайд ”Ослын эмгэг нь хэсэг цаг хугацааны дараа илрэх тохиолдол байдаг. Энэ эрсдлээ тооцож аль болох урьдын адил эрүүл саруул залуус болгохын төлөө манай цэргийн эмнэлгийнхэн хичээж ажиллаарай. Гэхдээ бид эмчилж чадна гээд өөр эмчилгээ шаардлагатай байгаа хүнд эрсдэл учруулах вий. Манай улсад байгаа бусад үндсэн мэргэжлийн эмч нараас зөвөлгөө авч, гадаадад эмчлүүлэх шаардлагатай бол даруйхан мэдэгдэх ёстой” гэсэн юм. Эмчилгээний талаар Батлан хамгаалах, хууль сахиулах алба хаагчдын нэгдсэн эмнэлгийн гэмтлийн клиникийн эрхлэгч, дэд хурандаа Т.Сүхбаатараас цөөн асуултад хариулт авлаа.
-Өвчтнүүдийн биеийн байдал ямар байгаа бол. Энэ талын мэдээлэл өгөөч?
-Энэ сарын 23-нд ослын улмаас гэмтсэн 10 цэргийн алба хаагч манай эмнэлэгт ирсэн. Бид яаралтай бүх арга хэмжээг авч ажилласан. Нийтдээ 4 цэргийн алба хаагч хагалгаанд орсон байгаа. Үлдсэн 6 алба хаагчийн хувьд зөөлөн эдийн гэмтэлтэй, хагалгаанд орох шаардлагагүй юм. Эмчилгээний байдлаас хамаараад 4 цэргийн алба хаагчийн бие байдал сайжирч өнөөдөр эмнэлгээс гарч байгаа. Одоогоор амь насанд эрсдэл үүссэн нэг ч алба хаагч байхгүй.
-Танай эмнэлгийн зүгээс шаардагдах эмчилгээ, сувилгаанд хэрхэн анхаарч ажиллаж байна?
-Бид бүх талын арга хэмжээг авч ажиллаж байна. Бүх эмчилгээ, эм тариаг өөрсдийн нөөцөөр хангаж байгаа. Түүнээс гадна БХЯ, ЗХЖШ-аас шаардлагатай тусламж, дэмжлэгийг үзүүлж байна. Түүнчлэн үндсэн чиглэлийн эмч нар харилцаатай байна. Ялангуяа, Гэмтэл, согог судлалын үндэсний төвийн эмч нараас зөвөлгөө авч, шаардлагатай үед хагалгаанд хамтран оролцож байгаа” гэсэн юм.
Ц.ЦОЛМОН САЙД ОСОЛДСОН ЦЭРГИЙН АЛБА ХААГЧДАА ЭРГЭЛЭЭ
Энэ сарын 23-нд нислэгийн дадлага, сургуулилт гүйцэтгэж байсан Зэвсэгт хүчний 337 дугаар ангийн цэргийн алба хаагчид осолдсон харамсалтай явдал тохиосон. Ослын улмаас Зэвсэгт хүчинд 17 жилийн турш залуу, халуун насаа зориулан ажилласан манай эрэлхэг хөвгүүдийн нэг амиа алдсан харамсалтай явдал учирсан. Бусад цэргийн алба хаагчдын хувьд Батлан хамгаалах, хууль сахиулах алба хаагчдын нэгдсэн эмнэлэгт хэвтэн эмчлүүлж шаардлагатай эмчилгээг цаг алдалгүй хийлгэсээр байна. Болсон үйл явдалтай холбогдуулан УИХ, Засгийн газрын гишүүн, Батлан хамгаалахын сайд Ц.Цолмон амиа алдсан алба хаагчийн гэр бүлд гүн эмгэнэл илэрхийлээд салбарын зүгээс ар гэрийхэнд нь тусалж дэмжих ажлын хэсэг байгуулж, осолдсон цэргийн алба хаагчдад онцгой анхаарал хандуулан ажиллахыг холбогдох албан тушаалтнуудад үүрэгдсэн юм. Харин тэрээр өнөөдөр өөрийн биеэр Батлан хамгаалах, хууль сахиулах алба хаагчдын нэгдсэн эмнэлэгт хэвтэн эмчлүүлж буй Зэвсэгт хүчний 337 дугаар ангийн алба хаагчдыг эргэж, эмчлэгч эмч нараас нь биеийн байдал, цаашид авах арга хэмжээний талаар асууж тодруулсан. Батлан хамгаалахын сайд Ц.Цолмонг дагалдаж БХЯ-ны Бодлогын хэрэгжилтийг зохицуулах газрын дарга, хурандаа Д.Номт болон тус яамны Хяналт шинжилгээ, үнэлгээ, дотоод аудитын газрын дарга, хурандаа Д.Ганхуяг, Зэвсэгт хүчний Агаарын довтолгооноос хамгаалах цэргийн командлагч, хурандаа Ш.Энхбат, ЗХЖШ-ын Ар тал, хангалт үйлчилгээний газрын дарга, хурандаа М.Эрдэнэдалай нарын албаныхан байлцав.
Ц.Цолмон сайд өвчтнүүдтэй уулзахдаа ”Та бүхэн нэрэлхэж эмээлгүй өвчин зориураа хэлж байгаарай. Батлан хамгаалах яам, ЗХЖШ-аас шаардлагатай бүх арга хэмжээг авч ажилласан. Цаашид ч авч ажиллана. Хамгийн гол сэтгэл санаа өөдрөг, тогтвортой байх ёстой. Эмчилгээ хийлгэж байхад эерэг бодол чухал шүү. Албан үүргээ гүйцэтгэж явсан цэрэг эрсээ бид ямар ч үед анхаарч ажиллана” хэмээгээд эмчлэгч эмч нараас ямар, ямар эмчилгээ хийлгэсэн, цаашид ямар эмчилгээ хийлгэх шаардлагатай байгааг асууж тодруулсан. Түүний асуултад Батлан хамгаалах, хууль сахиулах алба хаагчдын нэгдсэн эмнэлгийн гэмтлийн клиникийн эрхлэгч, дэд хурандаа Т.Сүхбаатар ”Осолд өртсөн цэргийн алба хаагчдад шаардлагатай бүх арга хэмжээг авч ажилласан. Өнөөдөр амь насанд эрсдэлтэй нөхцөл үүссэн алба хаагч байхгүй. Дөрвөн алба хаагчийн биеийн байдал сайжирч өнөөдөр эмнэлгээс гарч байгаа. Үлдсэн алба хаагчиддаа шаардлагатай бүх эмчилгээг цаг алдалгүй хийж байна” гэв. Энэ үеэр Ц.Цолмон сайд ”Ослын эмгэг нь хэсэг цаг хугацааны дараа илрэх тохиолдол байдаг. Энэ эрсдлээ тооцож аль болох урьдын адил эрүүл саруул залуус болгохын төлөө манай цэргийн эмнэлгийнхэн хичээж ажиллаарай. Гэхдээ бид эмчилж чадна гээд өөр эмчилгээ шаардлагатай байгаа хүнд эрсдэл учруулах вий. Манай улсад байгаа бусад үндсэн мэргэжлийн эмч нараас зөвөлгөө авч, гадаадад эмчлүүлэх шаардлагатай бол даруйхан мэдэгдэх ёстой” гэсэн юм. Эмчилгээний талаар Батлан хамгаалах, хууль сахиулах алба хаагчдын нэгдсэн эмнэлгийн гэмтлийн клиникийн эрхлэгч, дэд хурандаа Т.Сүхбаатараас цөөн асуултад хариулт авлаа.
-Өвчтнүүдийн биеийн байдал ямар байгаа бол. Энэ талын мэдээлэл өгөөч?
-Энэ сарын 23-нд ослын улмаас гэмтсэн 10 цэргийн алба хаагч манай эмнэлэгт ирсэн. Бид яаралтай бүх арга хэмжээг авч ажилласан. Нийтдээ 4 цэргийн алба хаагч хагалгаанд орсон байгаа. Үлдсэн 6 алба хаагчийн хувьд зөөлөн эдийн гэмтэлтэй, хагалгаанд орох шаардлагагүй юм. Эмчилгээний байдлаас хамаараад 4 цэргийн алба хаагчийн бие байдал сайжирч өнөөдөр эмнэлгээс гарч байгаа. Одоогоор амь насанд эрсдэл үүссэн нэг ч алба хаагч байхгүй.
-Танай эмнэлгийн зүгээс шаардагдах эмчилгээ, сувилгаанд хэрхэн анхаарч ажиллаж байна?
-Бид бүх талын арга хэмжээг авч ажиллаж байна. Бүх эмчилгээ, эм тариаг өөрсдийн нөөцөөр хангаж байгаа. Түүнээс гадна БХЯ, ЗХЖШ-аас шаардлагатай тусламж, дэмжлэгийг үзүүлж байна. Түүнчлэн үндсэн чиглэлийн эмч нар харилцаатай байна. Ялангуяа, Гэмтэл, согог судлалын үндэсний төвийн эмч нараас зөвөлгөө авч, шаардлагатай үед хагалгаанд хамтран оролцож байгаа” гэсэн юм.
-
2015 оны 12 сарын 30
Өнөө маргаашдаа нутгийн хойд хэсгээр бага зэргийн цас орж, өдөртөө ихэнх нутгаар хүйтний эрч сулавтар байна.
-
2015 оны 12 сарын 30
”Оны залуу эрдэмтэн” Г.Гантуяад таван сая төгрөгийн шагнал гардууллаа
-
2015 оны 12 сарын 30
Үндэсний эрх чөлөө, тусгаар тогтнолоо сэргээсний 104 жилийн ойг тохиолдуулан хууль зүйн салбарт амжилт, үр бүтээл гарган, идэвх зүтгэлтэй ажиллаж байгаа алба хаагчдыг төр засгийн шагналаар шагналаа. Мөн Цагдаагийн байгууллагын 2015 оны Хөдөлмөрийн тэргүүний болон ажил мэргэжлийн шилдэг, оы онцлох алба хаагчдыг шалгаруулж, ”Өргөмжлөл”, мөнгөн шагналаар шагналаа. Энэ үеэр Цагдаагийн Ерөнхий газрын дарга, Тэргүүн Комиссар Р.Чингис алба хаагч нартаа баяр хүргэн, мэндчилгээ дэвшүүллээ. Эрхэм хүндэт офицер, ахлагч Та бүхний амрыг эрж мэндчилье.
Цагдаагийн байгууллага 2015 онд хуулиар хүлээсэн гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах үндсэн чиг үүргээ зохих түвшинд хэрэгжүүлэн ажилласан.
Дэвшүүлсэн зорилт, хуулиар хүлээсэн чиг үүргийг хэрэгжүүлэхэд цагдаагийн байгууллагын нийт бие бүрэлдэхүүн ихээхэн хүчин чармайлт, идэвх зүтгэл гарган ажилласныг тэмдэглэн хэлэхэд таатай байна.
2015 онд цагдаагийн байгууллагын үйл ажиллагаанд ажлын үр дүн, ахиц дэвшил, нааштай хандлагууд гарсныг тэмдэглэж байна.
Улс орны эрүүгийн болон хэв журмын нөхцөл байдал хүндхэн байгаа боловч олны сэтгэлийг түгшээсэн олон ноцтой, онц хүнд гэмт хэргүүдийг мэргэжлийн өндөр ур чадвар гарган илрүүлсэн.
Түүнчлэн байгалийн гамшиг, гэнэтийн аюул, ослоос бусдын амь нас, эрүүл мэнд, өмч хөрөнгийг хамгаалж мэргэжлийн ур чадвар гарган ажилласан олон алба хаагчдаараа энэ өдөр бахархаж байна.
Шинэ оны босгон дээр байгууллагууд хийж бүтээсэн ажлаа дүгнэж, тэргүүний алба хаагчдаа шалгаруулдаг уламжлалтай.
Өнөөдөр Цагдаагийн ерөнхий газар эрхэлсэн ажилдаа идэвх зүтгэл, үр бүтээл гарган хамт олноо хошуучлан ажилласан 10 алба хаагчийг “Хөдөлмөрийн тэргүүний алба хаагч”-аар, 13 алба хаагчийг “Ажил мэргэжлийн шилдэг алба хаагч”-аар, 3 алба хаагчийг “Оны онцлох алба хаагч”-аар тус тус шалгаруулж шагналыг гардууллаа.
Түүнчлэн Үндэсний эрх чөлөө, тусгаар тогтнолоо сэргээсний 104 жилийн ойг тохиолдуулан эрхэлсэн ажилдаа идэвх зүтгэл, үр бүтээл гарган ажиллаж байгаа зарим алба хаагчид Монгол Улсын Ерөнхийлөгчийн зарлигаар төрийн дээд шагнал одон, медаль, салбарын болон байгууллагын шагналаар шагнагдлаа.
Цагдаагийн байгууллагаас 2015 онд дэвшүүлсэн зорилтыг ханган биелүүлэхэд хамт олноо хошуучлан ажиллаж шагнагдаж байгаа Та бүхэнд Цагдаагийн ерөнхий газрын даргын зөвлөлийн нэрийн өмнөөс болон хувиасаа ажлын амжилт хүсэж баяр хүргэж байна.
Цагдаагийн байгууллага, бие бүрэлдэхүүн ажлын ололт, амжилтаа шинэ онд улам бататгаж, төрөө түвшин, түмэн олноо амар амгалан байлгах үйлсдээ улам хичээн ажиллана гэдэгт итгэл төгс байна.
Цагдаагийн байгууллагын бие бүрэлдэхүүн, тэдний гэр бүлд шинэ ондоо аз жаргал, баяр хөөр, амжилт бүтээл дүүрэн байхын ерөөлийг өргөн дэвшүүлье.
-
2015 оны 12 сарын 30
НИТХ-аас баталсан 52 байршилд иргэнд гэр бүлийн хэрэгцээний зориулалтаар газар өмчлүүлэх ажлыг цахим хэлбэрээр зохион байгуулж, өнөөдөр 5 дугаар ээлжийн цахим бүртгэл 12:00 цагаас дууслаа.
Энэ удаад шинээр Сүхбаатар дүүргийн Тоосгоны 1-р хэсгийн 16 нэгж талбарт, тоосгоны 2-р хэсгийн 149 нэгж талбарт, Баянзүрх дүүргийн Шарын аманд 204 нэгж талбарт, мөн 1,2,3,4-р ээлжинд хамрагдсан Баянзүрх, Хан-Уул, Сонгинохайрхан, Багануур, Багахангай дүүргийн нутаг дэвсгэрт нийт 8088 нэгж талбарт цахим газар өмчлөлийг явуулсан юм. Тавдугаар ээлжийн бүртгэлээр нийт 140 мянга орчим иргэн газар өмчлөх хүсэлт ирүүлснээс 8088 иргэн газар өмчлөх боломжтой.
Өнгөрсөн жилээс эхлэн НИТХ-аас баталсан 52 байршилд газар өмчлүүлэх ажлыг цахим хэлбэрээр зохион байгуулж нийт 72 000 иргэн өөрийн өмчийн газартай болсон байна. Ирэх жилүүдэд НИТХ-аас баталсан 52 байршлын үлдсэн байршлуудад болон шинээр баталсан 68 байршилд гэр бүлийн хэрэгцээний зориулалтаар иргэнд газар өмчлүүлэх ажлыг үргэлжлүүлнэ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 12 сарын 30
СБД-ийн нутаг Энхтайваны өргөн чөлөө, Улаанбаатар их дэлгүүрийн зогсоолд Lexus-570 маркийн авто машины жолооч Б нь явган зорчигч 34 настай эрэгтэй Б-г мөргөж гэмтээсэн. Явган зорчигч Б нь согтууруулах ундааны зүйл хэрэглэсэн үедээ замын хөдөлгөөнд оролцсон.
Хөдөө орон нутагт: Төв аймгийн Борнуур сумын нутаг Салхитын Ар гэх газар Т.Harrier маркийн авто машины жолооч Б нь Х.Верна маркийн А жолооочтой авто машинтай мөргөлдөж зорчигч 58 настай эмэгтэй С нас барсан.
Баярын өдрүүдэд Замын цагдаагийн газрын алба хаагчид нь бүрэн бүрэлдэхүүнээрээ ард иргэдийнхээ амгалан тайван байдлыг хангах, зам тээврийн ослоос урьдчилан сэргийлэх, гудамж замын хөдөлгөөнийг зохицуулж ажиллана. 2016 оны 1 сарын 1-ний өдөр бүх нийтийн амралтын өдөр тул улсын дугаарын хязгаарлалт үйлчлэхгүй. 2015 оны 12 сарын 31- ний орой Чингисийн талбай дээр зохион байгуулах арга хэмжээтэй холбоотойгоор 31-ний өдрийн оройн 20 цагаас шөнийн 01 цаг хүртэл талбайн баруун зүүн талын замыг бүрэн хаах тул энэ замыг сонгож замын хөдөлгөөнд оролцохгүй байх, тайлбайн ойр орчмын бүхий л төлбөртэй зогсоолууд үнэ төлбөргүй иргэдэд үйлчлэх тул тээврийн хэрэгслээ зогсоолд зөв байршуулан бусаддаа хүндэтгэлтэй хандаж замын хөдөлгөөнд оролцохыг зөвлөж байна.
-
2015 оны 12 сарын 30
2015 оны 12 дугаар сарын 29-ны өдөр Улаанбаатар хотын Замын цагдаагийн газрын ЖШУХ дээр нийт 329 дуудлага мэдээ мэдээлэл хүлээн авснаас зам тээврийн ослын 238 дуудлага бүртгэгдсэн байна. Үүнээс ХАБАЖЭГХэрэг 3 бүртгэгдэж 3 хүн хүнд хөнгөн гэмтсэн үүнээс жолооч-0, явган зорчигч-3, зорчигч-0. Хүүхэд зам тээврийн осолд өртсөн 1 үүнээс сургуулийн өмнөх насны 0, сургуулийн насны 1, согтууруулах ундааны зүйл хэрэглэсэн үедээ хөдөлгөөнд оролцож осолд өртсөн жолооч 0, явган зорчигч 1. Согтуугаар тээврийн хэрэгсэл жолоодсон 84 жолоочийг журамлан гарч болзошгүй осол хэргээс урьдчилан сэргийлсэн.
-
2015 оны 12 сарын 30
Улсын хэмжээнд орон гэргүй 890 хүн байна
-
2015 оны 12 сарын 30
Мэргэжлийн хяналтын ерөнхий газраас улсын хэмжээнд үйл ажиллагаа явуулж байгаа шүдний эмнэлгүүдэд хяналт шинжилгээ хийжээ. Шалгалтад нийслэлийн долоон дүүргийн 96, 20 аймгийн 105 эмнэлэг, 4 кабинет хамрагдсан байна.
205 эмнэлгээс ариун материал, агаар, халдваргүйтгэлийн бодис, усны дээж авч шинжлүүлэн, улсын байцаагчийн 248 дүгнэлт гаргалаа. Үзлэг, эмчилгээнд хэрэглэх ариун багаж, хэрэгслийн 566 сорьц буюу нийслэлд хяналт шинжилгээнд хамрагдсан эмнэлгүүд 100 хувь, аймгуудын 95 хувьд нянгийн бохирдолгүй, ариун гарсан байна. Мөн ариутгал, халдваргүйтгэлийн бодисын дээжинд хийсэн шинжилгээгээр нийслэлд 100 хувь, орон нутагт 98 хувь нь халдваргүйжүүлэх үйлчилгээ үзүүлсэн ололттой тал байна.
Гэхдээ эмнэлгийн байрандаа ариутгалын хэсэгтэй 73 эмнэлгийн 55 хувь бохир багаж, материал хүлээн авах, угаалга, халдваргүйжүүлэлт хийх, хатаах, засварлах, боох, савлах, ариутгах, ариун багаж, материал хадгалах тусдаа өрөөгүй, агааржуулалтын системгүй байлаа. Энэ нь ариутгалын чанарт сөргөөр нөлөөлж байна гэсэн үг юм.
Ариутгалаа гэрээгээр хийлгэдэг эмнэлгүүд зориулалтын тээврийн хэрэгсэлгүй, хэрэглээгүй ариун багаж материалын хадгалах хугацааг баримтладаггүй, удаан хадгалдаг зэрэг халдвар үүсэх нөхцөл бүрдүүлж байна.
Цаашид шүдний эмнэлгийн бүтэц, үйл ажиллагааны стандартыг боловсруулж, батлуулах, цөөн ажилтантай клиникүүд /ялангуяа хувийн хэвшлийн эмнэлгүүд/ чанарын болон халдвар хяналтын баг, дотоод хяналтыг хэрхэн хэрэгжүүлэх талаар бодлогын хэмжээнд зохион байгуулалтын арга хэмжээг авч тодорхой болгохыг тусгасан албан тоотыг Эрүүл мэнд, спортын яаманд хүргүүлжээ.
-
2015 оны 12 сарын 30
Өчигдөр шөнө автозасварын газар шатжээ
-
2015 оны 12 сарын 30
Гурван ихэр тугал гарчээ
-
2015 оны 12 сарын 30
http://ulaanbaatar.mn/content/show/14998
-
2015 оны 12 сарын 30
Шинэ жилийн “МӨНГӨН ШӨНӨ” цэнгүүний хөтөлбөр
21.00: Чингис хааны талбайд хуран цугласан иргэд, залуучуудад амьд хөгжмийн хамтлагууд уран бүтээлээ толилуулна.
21.00: Beat Box Ray /1 номер/
21.05: хөгжимчин Х.Бархүү, Б.Мягмарцэрэн /1 номер/
21.10: Хөтлөгч: Дуучин Солонгоогийн танилцуулга /2 дуу/
21.20: Хөтлөгч: Дуучин A Cool танилцуулга /2 дуу/
21.30: Хөтлөгч: Дуучин Тэнүүний танилцуулга /2 дуу/
21.40: Хөтлөгч: Дуучин Аминагийн танилцуулга /2 дуу/
21.50: Хийлч Дээгий/1 номер/
21.55: дуучин Өнөрөө /3 дуу/
22.10: Хөтлөгчид: Шинэ жилийн цэнгүүнд хүрэлцэн ирсэн нийслэлчүүддээ баярын мэндчилгээ дэвшүүлэн “Улаанбаатар” чуулгын уран бүтээлчид “ҮЙЛСИЙН САЙХАН УЛААНБААТАР” мюзиклаа толилуулахад бэлэн болсныг танилцуулна.
22.15: “Үйлсийн сайхан Улаанбаатар” мюзиклын эхний хэсэг (LED дэлгэцээр мюзиклын ерөнхий утга санаа гарч, дуучид бүжигчид тайзнаа мюзиклын дууг дуулж, бүжиглэнэ) (20 мин)
22.35: Хөтлөгчид: DJ БАЧКА-г танилцуулна.Үзэгчдийг бүжиглүүлнэ.
· Хөтлөгчид Нийслэлд болсон 2015 оны бүтээн байгуулалтын тоймыг үзэгчдэд хүргэнэ.
22.40: “Үйлсийн сайхан Улаанбаатар” мюзиклын 2 дахь хэсэг (25 мин)
23.05: DJ БАЧКА болон Хөтлөгчид үзэгчдийг бүжиглүүлэн хөгжөөнө .
· Хөтлөгчид: Найрсаг Улаанбаатар хөтөлбөрийн хүрээнд 2015 онд болсон бүх үйл явдалын тоймыг үзэгчдэд хүргэнэ.
23.10: “Үйлсийн сайхан Улаанбаатар” мюзиклын 3 дахь хэсэг (20 мин)
23.30: Хөтлөгчид: Мюзикл гэж юу вэ?Шинэ жил гэж юу вэ? Гэсэн сэдэв хөндөж үзэгчидтэй ярилцах
· Үзэгчдийг Бүжиглүүлэх
23.35: “Үйлсийн сайхан Улаанбаатар” мюзиклын 4 дахь төгсгөлийн хэсэг (10мин)
Жүжигт оролцож байгаа гол дүрүүд гэнэт айсуй яваа Өвлийн өвгөн аавыгаа олж харах ба Өвлийн өвгөн цасан охидын хамт Чингисийн талбайд орж ирнэ.
23.45: Бүх жүжигчид Шинэ жилийн дууг хамтдаа дуулан Өвгөн аавыг хүлээн авна.
· Хөтлөгч: Өвлийн өвгөн, цасан охидыг угтан авахыг хүснэ. Өвлийн өвгөн, цасан охидын хамт тайзны өмнө хүрэлцэн ирнэ.Өвлийн өвгөн мэндчилгээ дэвшүүлэн нийслэлчүүдтэй мэндчилнэ.
23.55: Хөтлөгч: Өвлийн өвгөнийг цасан охидын хамт хүсэн хүлээсэн мөч ирж буйг зарлана. Нийслэлийн Засаг дарга бөгөөд Улаанбаатар хотын захирагч Э.Бат-үүлийг тайзнаа урьж, шинэ оныг хамтдаа тоолон угтахыг урина.
· Нийслэлийн Засаг дарга бөгөөд Улаанбаатар хотын захирагч Э.Бат-үүл үг хэлнэ.
/Фанфар/
23.59.50: Шинэ жил гархаас 10 секундын өмнө хонх дуугарч эхлэнэ.Хонхтой цуг тоо болон хотын тухай дүрслэл гарч Нийслэлийн удирдлагууд талбайд цугласан иргэд, хөтлөгч нарын хамт 10-аас доош тоолон шинэ он гарна.
00.00: Шинэ он гарахад Салют буудаж эхэлнэ.
00.00: “Үйлсийн сайхан Улаанбаатар” нийт уран бүтээлчид
00.10: Үйл ажиллагаа өндөрлөх
-
2015 оны 12 сарын 30
Нийслэлийн Онцгой байдлын газар өндөржүүлсэн бэлэн байдалд шилжлээ
-
2015 оны 12 сарын 30
Маргааш Чингисийн талбайд “Үйлсийн сайхан Улаанбаатар” мюзиклыг тоглоно
-
2015 оны 12 сарын 30
Газар өмчлүүлэх тавдугаар ээлжийн цахим бүртгэл өчигдөр дуусах байсан ч маргаашийг хүртэл хойшилсон. Тэгэхээр энэ өдрүүдэд газар өмчлөх цахим бүртгэл үргэлжилж байна гэсэн үг. Энэ удаагийн цахим газар өмчлөлд шинээр Сүхбаатар дүүргийн Тоосгоны нэгдүгээр хэсгийн 16 нэгж талбарт, тоосгоны хоёрдугаар хэсгийн 149 нэгж талбарт, Баянзүрх дүүргийн Шарын аманд 204 нэгж талбарт иргэдэд цахим хэлбэрээр газар өмчлүүлнэ. Мөн I, II, III, IV ээлжид хамрагдсан Баянзүрх, Хан-Уул, Сонгинохайрхан, Багануур, Багахангай дүүргийн нутаг дэвсгэрт нийт 7128 нэгж талбарт цахим газар өмчлөлийг явуулах юм. Нийслэлийн иргэн та гэр бүлийн хэрэгцээний зориулалтаар газар өмчлөх хүсэлтээ www.umch.ub.gov.mn цахим хуудсанд хандан өгөх боломжтой.
