Б.Анирлан, Б.Амирлан нар одоо нэг ой, 9 сартай. Хиртэй гараар хүрэмгүй, сүүдрээ ч тусгамгүй бяцхан бурхад ижий аавдаа эрхэлж, наадах насандаа аюулт өвчинд нэрвэгдэн, амьд үлдэхийн төлөө тэмцэж байна. Б.Анирлан охин зүрх томорсон бөгөөд зүрхний төрөлхийн эмгэгтэй.
Харин Б.Амирлан хүү цусны хавдар гэсэн оноштой. Б.Анирлан охиныг монголд эмчлэх боломжгүй тул БНСУ-д очиж эмчлүүл хэмээн эмч нар зөвлөсөн аж. Жилийн өмнө түүний эмчилгээнд 84 сая төгрөг шаардлагатай гэж байсан ч хугацаа алдсаны улмаас өвчний байдал улам хүндэрч, эмчилгээний зардал 380 сая төгрөг хүртэл өсчээ. Энэ их мөнгийг босгохын тулд залуу хос орон байр, унах унаагаа зарж, дээр нь ээж Дэлгэрмаагийн төрсөн нутаг болох Говь-Алтайн ард түмэн, мөн Завхан, Ховд нутгийн бизнесмэнүүд чамгүй мөнгө хандивласнаар 360 сая төгрөг цуглуулаад байгаа юм байна. Хүүхдүүдийн амь нас хором мөчөөр хэмжигдэж байгаа тул эмчилгээнд дутагдаж буй 20 сая төгрөгийг яаралтай босгох шаардлагатай байгаа юм.
Ихэр эрдэнийн аав Г.Батбаяр нь Сүхбаатар аймгийн Халзан сумын уугуул билээ. Иймд наран ургах зүгийн уудам талын уужим сэтгэлт хүн зон та бүхнийг “ИХЭР ЗҮРХЭД АМЬДРАЛ БЭЛЭГЛЭЕ” хандивын аянд нэгдэхийг уриалж байна. Үлдэж буй 20 сая төгрөгийг босгох аяны салхийг хагалж, хандив өргөсөн Г.Батхүү захиралтай “Цайрт минераль” ХХК-ийн хамт олонд Г.Батбаярын гэр бүлийн өмнөөс гүнээ талархаж буйгаа илэрхийлье. Ердөө 20.000 хүн 1000-хан төгрөг хандивлахад л 20 сая төгрөг босгоно шүү дээ.
Та бүхэн энэхүү постын дор сэтгэгдэл хэсэгт хандив илгээсэн дансны хуулгаа нийтэлж, дурын таван найзаа меншн хийнэ үү. Сайн үйлс бүхэн дэлгэрэх болтугай.
Хандив хүлээн авах данс: Хаан банк, Г.Батбаяр, 5378055385
Сэтгэгдэл (1)