Эртний түүх, соёл иргэншлийн өлгий үзэсгэлэнт Парис хотын Эх Дагинын сүмд гал гарч, Францын ард түмэнд төдийгүй дэлхийн соёлын үнэт өвд нөхөж баршгүй хохирол учирсанд гүнээ харамсаж буйгаа илэрхийлж Гадаад харилцааны сайд Д.Цогтбаатар Франц Улсын Европ, гадаад хэргийн сайд Жан-Ив Лө Дрианд захидал илгээжээ.
Сайд Д.Цогтбаатар захидалдаа түүхийн нугачаанд түүх, соёлын үнэт өвөөсөө хагацаж байсан гашуун сургамжтай монголын ард түмний сэтгэл зүрх энэ цаг мөчид франц анд нөхдийн хамт байгааг онцлов.
Парисын Эх Дагинын сүмийн барилгын ажил 1163 онд эхэлсэн бөгөөд 200 орчим жил үргэлжилсэн түүхтэй юм байна. Парис хотын төдийгүй Европын шашин, соёлын билэг тэмдэг энэхүү сүмд жилд 13 сая гаруй жуулчид, сүсэгтэн олон зочилдог аж.
Сэтгэгдэл (1)