Уншигч та бүхэнд энэ долоо хоногийн өрнийн зурхайг танилцуулж байна. 

Хонь 

Амьдралын тань нэгэн шинэ бүлэг энэ долоо хоногт эхэлж магадгүй. Харилцааны ур чадвар тань нэмэгдэхийн зэрэгцээ өнгөрсөн алдаагаа олж харж чадсанаар асуудлуудаа шийдвэрлэж чадна. Анхаарал төвлөрөл, шийдэмгий байдал бол таны амжилтын түлхүүр. Өнгөрсөнд болсон зүйлтэй удаан зууралдах хэрэггүй, тавьж явуул. Хайр сэтгэлийн асуудалд нээлттэй хандаарай. Сэтгэл санаа өөдрөг, эдгэрэл, найдлагын мэдрэмж тань өндөр байна. Энэ нь таныг шинэ аяллаа эхлүүлэхэд тус болно. Шулуун шударга зан бол таны давуу тал. Дотроо юу хүсч бодож буйгаа нуух хэрэггүй. Таны хүслийг мэдэж байж л биелүүлэх боломж хэн нэгэн хүнд гарна. Стрессээ дасгал хөдөлгөөнөөр гадагшлуулахыг хичээ. Амралтын өдрүүдийг хоббиндоо цаг гаргах зэргээр бүтээлч өнгөрүүлээрэй.

Үхэр 

Таны аливаад дүн шинжилгээ хийх чадвар тодрон гялалзах долоо хоног. Үүний тусламжтайгаар та санхүүгийн төлөвлөлтөө гялалзтал хийж чадна. Шинэ харилцаа холбоо тогтоох, мэргэжлийн хүрээгээ тэлэх боломжууд нээгдэнэ. Ганц бие хүмүүс сэтгэлд таарсан нэгэнтэй учрах магадлал өндөр байна. Тохиолдлын харилцаа илүү ноцтой зүйлийн эх үүсвэр болж мэдэх юм. Хэрвээ та хостой бол үл ойлголцлыг тэвчээртэйгээр, аядуу зөөлнөөр шийдээрэй. Өнгөрснийг уучилж чадвал нуруун дээрх ачаа тань хөнгөрнө. Орчлон ертөнц таны хүсэл тэмүүллийг хангалттай дэмжээд өгөх тул бодож санаж явсан бүтээлч үйл хэргээ эхлүүлээрэй. Үйл явцад итгэж, өөрчлөлтийг нээлттэй хүлээж ав. Гэр бүл ойр дотныхонтойгоо харилцахдаа хатуу ширүүн байх хэрэггүй. Чанга хашгирлаа гээд тэд танд ойртохгүй.

Ихэр 

Аливаа өөрчлөлтөд уян хатан хандах долоо хоног. Долоо хоногийн эхээр гэр бүлийн харилцаанд бага зэрэг үл ойлголцол гарна. Анхаарлаа төвлөрүүлж, нэгэн цогц ойлголтод хүрэхийн тулд ярилцаарай. Та сэтгэл татам байдлынхаа тусламжтайгаар шинэ хүмүүстэй харилцаа холбоо тогтооно. Ажил амралтын тэнцвэрийг сайтар хадгалахгүй бол ядарч стресстэхээр байна. Амралтын өдрүүдэд гэнэтийн төлөвлөөгүй уулзалтад явна. Энэ уулзалт таны сэтгэл санааг өргөхийн зэрэгцээ аливааг өөр өнцгөөс харах сэдэл өгнө. Санхүүгийн төлөвлөгөөгөө эргэн нэг харах хэрэгтэй. Санаандгүй зардал гаргахаас болгоомжил. Таны үг бусдад урам дэм, хөдөлгөгч хүч болдог учир хэлэх үгэндээ бодолтой хандаарай. Гэнэтийн бэлэг хүлээн авч магадгүй.

Мэлхий

Өөрийгөө хөгжүүлж, танин мэдэх долоо хоног. Зорилго зорилт болон янз бүрийн харилцаануудаа эргэн харж, нэг дүгнээрэй. Долоо хоногийн дунд үеэр шинэ санал санаачлага гаргах, манлайлах чадварынхаа ачаар карьертаа ахиц гаргаж чадна. Санхүүгийн тэнцвэрт байдлаа хадгалахад онцгойлон анхаараарай. Түр зуурын сэтгэл хөөрлөөр хэрэггүй зүйл худалдан авах магадлалтай байна. Хайр дурлалын харилцаанд чин сэтгэлээсээ хандаарай. Харин та ганц бие бол долоо хоногийн сүүлээр танилын хүрээгээр дамжуулан шинэ харилцаа үүсгэж магадгүй. Бие махбод гэхээсээ илүү сэтгэл санааны эрүүл мэндээ нэгдүгээрт тавиарай. Бясалгал хийх, тайван алхах зэргээр ухаан бодлоо тайван байлгах арга хэмжээ ав. Аялах, шинэ зүйл туршихад тохиромжтой. Өнгөрсөнд тоолгүй хаясан байсан зүйлээ шинээр сэргээн эхлүүлж магадгүй.

Арслан 

Таны өөртөө итгэх итгэл, бүтээлч байдал нэмэгдэх долоо хоног. Энэ үеийг ашиглаад бусадтай санаагаа хуваалцаж, төсөл төлөвлөгөө танилцуулахад тохиромжтой. Багийн ажиллагаанд төвлөрч ажилла. Аливаа хөрөнгө оруулалт, санхүүгийн шийдвэр гаргавал сайнаар эргэх магадлал өндөр. Таны сэтгэл татам байдал, соронзон мэт дотоод хүн тань хайр дурлалын харилцааг улам гэрэлтүүлнэ. Ганц бие эсвэл хостой гэдгээс үл хамааран арслангийн ордныхны хайр дурлалын харилцаа таатай байна. Романтик учралаар дүүрэн байна. Үл ойлголцол гарвал тэвчээртэй байж гэмээнэ даван туулж чадна. Эрч хүчтэй байя гэвэл ажил амралтын тэнцвэрээ хадгалаарай. Агаар салхинд гар. Од эрхэсийн хөдөлгөөнөөс шалтгаалаад таны ертөнцийг үзэх үзэл өөрчлөгдөж байна. Энэ үед алсын хараагаа тодорхойлоход тохиромжтой.

Охин 

Таны шийдэмгий байдал энэ долоо хоногт нэмэгдэнэ. Энэ үед алсын хараа, зорилгоо тодорхойлоход хамгийн тохиромжтой. Аливаад дүн шинжилгээ хийх чадварынхаа тусламжтайгаар ажлуудаа эмх цэгцтэй зохион байгуулж, бүтээмжээ дээшлүүлнэ. Долоо хоногийн дунд үеэр шийдэл нь олдохгүй байсан асуудлуудаа нэг тийш болгоно. Урт хугацаандаа ач тусаа өгөх санхүүгийн шийдвэр гаргана. Хайр дурлалын харилцаа таатай байна. Хайртай хүнэйгээ чин сэтгэлийн яриа өрнүүл. Харин ганц бие хүмүүс гэнэтийн байдлаар өвөрмөц нэгэнтэй учрах бололтой. Ажил амьдралын тэнцвэрээ хадгалж, хайртай хүмүүстээ цаг гарга. Амрах хэрэгцээгээ үл тоомсорлож болохгүй. Үнэнээ, эмзэг байдлаа бусадтай ил тод хуваалцсанаар олон нийтэд нөлөөлж чадна.

Жинлүүр

Аливаа харилцаанд эв найрамдлыг жанжин шугамаа болго. Романтик харилцаанд ч тэр, мэргэжлийн харилцаанд ч тэр төрөлхийн дипломат байдал тань таны давуу тал болно. Шинэ сонирхолтой түншлэлийн эхлэлийг тавьж магадгүй. Халуун дулаан үг, үйлдэл хайр дурлалын харилцааг тань бэхжүүлж, үл ойлголцлыг арилгана. Ганц бие хүмүүс олон нийтийн арга хэмжээгээр дамжуулан хэн нэгэнтэй танилцаж магадгүй. Санхүүгийн асуудалд болгоомжтой хандаарай. Аливаа шийдвэр гаргахдаа долоо хэмжиж нэг огтол. Янз бүрийн өөрчлөлт эргэн тойронд тань гардгаараа гарна, тэр болгоныг дагаж шуурах хэрэггүй. Тайван бай. Өөрийгөө өөр өнцгөөс харж, хүч чадлаа нээж чадвал шинэ боломжууд таны өмнө нээлттэй.

Хилэнц

Өөртэйгөө ярилцаж, далд хав дараад орхисон чадварууддаа дүн шинжилгээ хий. Өөрийнхөө чадах зүйлийг далд нуугаад байлгүй бусдад ил тод харуулах хэрэгтэй. Карьерын зорилгодоо анхаарал төвлөрүүл. Та өөрт тогтоосон стандартаа бага зэрэг өндөрсгөхөд гэмгүй. Санхүүгийн таатай боломжууд нээгдэх боловч нарийн анхаарал төвлөрөл шаардагдана гэдгийг санаарай. Хайр дурлалын харилцаа таатай. Хайртай хүнтэйгээ дотно яриа өрнүүлэх таатай орчин бүрдүүл. Бие махбод, сэтгэл санааны эрүүл мэнддээ ялгалгүй анхаарал хандуул. Амралтын өдрүүдийг бүтээлч, сэргэг өнгөрүүл. Найз нөхөд, сургууль, ажил гээд хаана ч очсон та анхаарлын төвд байх бололтой. Бусдын итгэлийг нэг удаагийн үйлдлээр бус жижиг, давтагдсан алхмуудаар олж авах боломжтой.

Нум 

Шинэ мэдлэг, адал явдалд дурлах долоо хоног. Энэ бүхэн таны өмнө өргөн боломжийн үүдийг нээнэ. Таны сониуч зан давамгай байх ч гэлээ зарим зүйл дээр ажил хэрэгч хандаж, анхаарлаа төвлөрүүлээрэй. Долоо хоногийн дунд үеэр зарим нэг саад бэрхшээл тулгарах тул бэлтгэлтэй байгаарай. Хайртай хүндээ гэнэтийн бэлэг барих, эсвэл чин сэтгэлээсээ хайр халамжаа илэрхийлэхэд тохиромжтой. Санхүүгийн шийдвэрийг дур мэдэн гаргах хэрэггүй. Мэргэжлийн хүнээс тусламж авч, стратегиэ тодорхой болго. Амралтын өдрүүдээр олон нийтийн үйл ажиллагаанд оролцож, шинэ соёлд суралцаарай. Өнгөрсөн хугацаанд та өөртөө голчлон төвлөрсөн бол одоо нийгмийн сүлжээгээ өргөжүүлэхэд тохиромжтой байна. Найз нөхөдтэйгөө уулз. Аливаа ажлыг ч заавал ганцаараа амжуулах гэж зүтгэх хэрэггүй.

Матар 

Энэ долоо хоногт сахилга баттай байхгүй бол бодит үр дүн танаас холдон одно. Долоо хоногийн эхнээс л ажлын бүтээмждээ анхаарал хандуул. Нарийн төлөвлөгөө гарга. Долоо хоногийн дунд үеэр удирдлага, эсвэл үйлчлүүлэгчдээ ажлаа танилцуулахад тохиромжтой. Санхүүгийн ашигтай шийдвэр гаргаж магадгүй. Хайр дурлалын харилцаанд чин сэтгэл, хариуцлагыг эрхэмлэ. Хамтын зорилгынхоо төлөө нэгэн сэтгэлээр зүтгээрэй. Ганц бие хүмүүс олон нийтийн арга хэмжээний үеэр сонирхолтой нэгэнтэй танилцана. Сониуч зан, сонсох чадвар, өгөөмөр байдал бол таны бусдыг татах гол хүч. Амралтын өдрүүдийг өөрийгөө сайжруулахад зарцуул. Ашиггүй зуршлуудаасаа сал. Өөрийн дотоод ертөнц рүүгээ өнгийж, айдсаа хүлээн зөвшөөр. Сэтгэл зүйн тогтвортой байдалд тань нөлөөлдөг жижиг сажиг зүйлсийг үл тоож сур.

Хумх 

Өөрчлөлт шинэчлэлтэд нээлттэй байж, бүтээлч сэтгэлгээгээ дэмжээрэй. Хамтран ажиллах сэдэл өгсөн шинэ санаа, төсөл гарч ирнэ. Ажлаа байдаг л нэг аргаар биш илүү өвөрмөц байдлаар хийж үзээрэй. Уламжлалт бус шийдэл бол таны онцлог. Санхүүгийн төлөвлөгөөгөө болгоомжтой гарга. Хайр дурлалын харилцаа халуун дулаан бөгөөд гэнэтийн байна. Өвөрмөц болзоо төлөвлөж, хайртай хүндээ сэтгэлээ илчлээрэй. Ганц бие хүмүүс гэнэтийн урилга хүлээн авч магадгүй. Эрүүл мэндийн хувьд стрессээ зохицуулахад голчлон анхаарал хандуул. Олон нийтийн арга хэмжээ, урлагийн тоглолт зэрэг зүйл сэтгэл санааг өргөнө. Аливаа харилцаанд бусдын өмнөөс бодож үзэх замаар асуудлыг шийдээрэй. Тэвчээртэй, хэлэх үгэндээ бодолтой хандаж, түрэмгий байдлаас зайлсхийгээрэй.

Загас 

Сэтгэл хөдлөл таны ер бусын их байна. Үүний зэрэгцээ дотоод эрч хүч тань халгиж, шинэ, бүтээлч санаагаар дүүрэн байна. Карьер тань тогтвортой байх ч гэлээ таны шийдвэрээс бүх зүйл шалтгаалах чухал асуудалтай нүүр тулж магадгүй. Хайр дурлалын харилцаа ээдрээтэй байна. Найз нөхөр гэж бодож байсан хүнтэйгээ романтик харилцаа үүсгэж магадгүй. Бие махбод, сэтгэл санааны эрүүл мэндийнхээ тэнцвэрт байдлыг хадгал. Бясалгал, иог зэрэг төвлөрлийн дасгалуудыг туршиж үзвэл тохиромжтой. Үр ашиггүй зуршлуудаасаа сал. Оронд нь гэр бүлтэйгээ цагийг өнгөрөөж, агаар салхинд гар. Аливаа бүтээлч үйл ажиллагаа нь сэтгэлийг эдгээдэг билээ. Бусдад өгч байж авдаг гэдгийг сана. Долоо хоногийн дунд үеэр ажлын үр дүнг тань үнэлсэн үйл явдал болно.