Ардчилсан намын Үндэсний бодлогын хороо ээлжит бусаар өчигдөр хуралдлаа. Тус хуралдаанаар Ардчилсан намын дүрмийн өөрчлөлтүүд болон Ардчилсан намын дарга Л.Гантөмөрийн үүрэгт ажлаасаа чөлөөлөгдөх хүсэлтээ өгсөн өргөдлийг хэлэлцсэн юм. Ийнхүү Ардчилсан намын шинэ даргын сунгаа албан ёсоор эхэлж буй.

Тухайлбал, намын шинэ даргад нэр дэвшигчийг бүртгэх 15 хүний бүрэлдэхүүнтэй сонгон шалгаруулах хороог өчигдөр байгуулж тухайн Ажлын хэсгийн даргаар УИХ-ын гишүүн С.Эрдэнэболд,  Нарийн бичгийн даргаар УИХ-ын гишүүн асан, хуульч О.Баасанхүү нарыг сонгосон. Уг ажлын хэсэг өнөөдөр 18 цаг хүртэл бүртгэх аж. Ийнхүү уншигч та бүхэнд одоогийн байдлаар Ардчилсан намын даргад өрсөлдөх гурван хүний намтар, хөрөнгө орлогын мэдүүлгийг хүргэе. 

-УИХ-ЫН ГИШҮҮН О.ЦОГТГЭРЭЛ-

Төгссөн сургууль

2012-2015 онд Монгол Улсын Ерөнхий сайдын зөвлөх

1993 онд Увс аймгийн Тэс сумын 10 жилийн дунд сургууль

1998 онд ТИС-ийн Компьютерын техник менежментийн сургууль, эдийн засагч

2008 онд Удирдлагын академи, магистр

АЖИЛЛАСАН БАЙДАЛ

1998-2011 онд ТЭСО ХХК-ийн захирал

2015-2017 онд Увс аймгийн Ардчилсан Намын дарга

2015-2020 онд ТЭСО корпорацын ерөнхийлөгч

2020-2024 онд Монгол Улсын Их Хурлын гишүүн

2022 оноос Монгол Улсын Их Хурал дахь Ардчилсан Намын бүлгийн дарга

2024 оноос Монгол Улсын Их Хурлын гишүүн

ХОМ:

Өөрийн орлого: 383 сая төгрөг

Гэр бүлийн орлого: 1 тэрбум 320 сая төгрөг

Орон сууц: 2 тэрбум 321 сая төгрөгөөр үнэлэгдэх хоёр орон сууцтай.

Автомашин: 650 сая төгрөгийн Суудлын жижиг машин, Landcruiser, Standart- 1,Суудлын жижиг машин,Mercedes Benz, S400CDI- 1 автомашинтай. 

Үнэт эдллэл: Нэг тэрбум төгрөгийн үнэт эдлэлтэй.

-УИХ-ЫН ГИШҮҮН Ж.БАЯРМАА-

Төгссөн сургууль

• 1989 онд Нийслэлийн 10-н жилийн 23-р тусгай дунд сургууль
• 1990 онд Сэлэнгэ аймгийн Ерөө сумын 10-н жилийн сургууль
• 1995 онд Гадаад Хэлний Дээд Сургууль, Англи хэлний орчуулагч-багш
• 2003 онд МУИС-ийн Хууль зүйн сургууль, Эрх зүйч
• 2024 онд МУИС-ийн Бизнесийн сургууль, Бизнесийн удирдлага
• 2008 онд Япон Улсын Осакагийн Их Сургууль, Нийгмийн ухааны магистр
• 2016 оноос МУИС-ийн Олон улсын харилцаа, нийтийн удирдлагын сургууль, докторант

Ажилласан байдал

• 1995-1997 онд Хүүхдийн төлөө Үндэсний Төвд гадаад харилцааны хэлтсийн ажилтан
• 1997-1998 онд Азийн хөгжлийн банкны төслийн ажилтан
• 1998-2001 онд JCI Mongolia-д Ерөнхий Нарийн бичгийн дарга
• 2001-2003 онд Канад-Монголын бизнесийн нийгэмлэгт менежер
• 2004-2005 онд БСШУЯ-нд Гадаад харилцааны хэлтсийн дарга
• 2014-2016 онд ГХЯ-ны Гадаад бодлогын нэгдсэн зохицуулалтын судалгааны төвийн Дэд захирал, ТЗУГ, ОТХАГ-т 1-р нарийн бичгийн дарга
• 2016-2019 онд УИХ-ын Тамгын Газарт Гадаад харилцааны хэлтсийн зөвлөх, УИХ-ын гишүүний зөвлөх
• 2022 оноос Ардчилсан намын Үндэсний Зөвлөлдөх Хорооны тэргүүлэгч
• 2023 оноос Ардчилсан намын Дэд дарга
• 2024 оноос Монгол Улсын Их Хурлын гишүүн

ХОМ: 

Өөрийн орлого 46,6 сая төгрөг, гэр бүлийн гишүүдийн орлого 102 сая төгрөг, 

Тээврийн хэрэгслэл: 101 сая төгрөгийн үнэ бүхий дөрвөн автомашинтай

Орон сууц: 2 тэрбум 550 сая төгрөгөөр үнэлэгдэх нэг орон сууц, нэг оффисын зориулалттай барилгатай

Газар: 500 сая төгрөгөөр үнэлэгдэх газартай.

Үнэт эдлэл: 60 сая төгрөг

Хадгаламж: 17,2 сая төгрөг

Авлага: 682 сая төгрөг

-УИХ-ЫН ГИШҮҮН Б.ПҮРЭВДОРЖ-

Төгссөн сургууль

• 1994 онд Монгол улсын их сургуулийн Олон улсын харилцааны дээд сургууль, англи хэлний багш, орчуулагч

Ажилласан байдал

• 1995-2009 онд Монгол улсын Гаалийн ерөнхий газрын харьяа Баян-Өлгий, Буянт-Ухаа, Улаанбаатар хот дахь гаалийн газарт байцаагч, албаны дарга
• 2009-2012 онд Ховд аймгийн Ардчилсан намын дарга
• 2012-2014 онд Гадаадын иргэн, харьяатын асуудал эрхлэх газрын дарга
• 2014-2015 онд Иргэний харьяалал, шилжилт хөдөлгөөний ерөнхий газрын дарга
• 2016-2020 онд Монгол Улсын Их Хурлын гишүүн
• 2020-2024 онд Монгол Улсын Их Хурлын гишүүн
• 2024 оноос Монгол Улсын Их Хурлын гишүүн
• 2024 оноос Монгол Улсын Их Хурлын дэд дарга

ХОМ: 

Өөрийн орлого: 47 сая төгрөг

Үл хөдлөх хөрөнгө: 460 сая төгрөг

Автомашин: 144 сая төгрөг

Мал: 23 сая төгрөгийн үнэ бүхий малтай

Үнэт эдлэл: 45 сая төгрөгийн үнэт эдлэлтэй

Д.Батчулуун