Хугацаат цэргийн алба хаагчидтай холбоотой асуудлаар Нийслэлийн цагдаагийн удирдах газраас мэдээлэл өглөө. Энэ үеэр ЦЕГ-ын Дотоод хяналт, аюулгүй байдлын газрын дарга Д.Манлайбаатар дараах мэдээллийг өглөө. 

Тэрбээр "Өчигдөр 23.30 минут орчимд цахим орчинд цэргийн алба хаагчидтай холбоотой бичлэг цацагдсан. Үүний дараа Цагдаагийн байгууллагаас ирж шалгалт явуулсан. Мөн шүүх шинжилгээний байгууллагын эмнэлгийн байгуулагад үзүүлсэн. Үүний дараа төрийн тусгай алба хаагчдын нэгдсэн эмнэлэгт давхар үзүүлж байна. Бусад алба хаагчдын гэр бүл ч мөн бидэн шиг цочирдож хүлээж авсан байх. Иймд алба хаагчдыг ар гэрийнхэнтэй нь холбогдуулж байна. Ийм асуудал хэрэв байдаг бол таслан зогсоох ёстой. Үргэлжлэх ёсгүй. Миний авсан мэдээллээр алба хаагчдын биеийн байдал хэвийн байна" гэв.