Улаанбаатар
Өнөөдөр / 2026.11.18
Өдөртөө
Шөнөдөө
ХАЙЛТ ХИЙХ
Эхлэл
Улс төр
Эдийн засаг
Нийгэм
Дэлхий
24 баримт
24 фото
COP17
Спорт
Видео
Сошиал мэдээ
  • Эхлэл
  • Улс төр
  • Эдийн засаг
  • Нийгэм
  • Дэлхий
  • 24 баримт
  • 24 фото
  • COP17
  • Спорт
  • Видео
  • Сошиал мэдээ
5155 5156 5157 5158 5159 5160 5161
  • УИХ-ын намын бүлэг, ажлын хэсгүүдийн өнөөдрийн хуралдааны тов
    2016 оны 12 сарын 05
    Өнөөдөр болох УИХ дахь намын бүлэг, ажлын хэсгүүдийн хуралдааны тов, хэлэлцэх асуудлын дэлгэрэнгүйг та бүхэнд хзүргэж байна.
    НЭГ. намын бүлгийн хуралдаан:

    Улсын Их Хурал дахь Монгол Ардын намын бүлгийн хуралдаан “Жанжин Д.Сүхбаатар” танхимд;
    Улсын Их Хурал дахь Ардчилсан намын бүлгийн хуралдаан “Их эзэн Чингис хаан” танхимд.

    ХОЁР. АЖЛЫН ХЭСГИЙН ХУРАЛДААН:

    Гэр бүлийн хүчирхийлэлтэй тэмцэх тухай хуулийн шинэчилсэн найруулын төсөл болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын дэд хэсгийн хуралдаан 09.30 цагаас 334 тоот өрөөнд;
    Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай хуулийн төсөл, Төрийн албаны тухай хуульд нэмэлт оруулах тухай хуулийн төслийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 14.00 цагаас 334 тоот өрөөнд.
  • Өнөөдөр болох үйл явдлын тойм
    2016 оны 12 сарын 05
    10:00 цагт Монгол Улсын Хүний эрхийн Үндэсний Комиссоос жил бүр уламжлал болгон зохион байгуулдаг “Хүний эрхийн Үндэсний байгууллага - Иргэний нийгмийн түншлэл ээлжит 12 дахь уулзалт” болно. Холбоо барих утас: 262902, 88026226

  • Үс засуулбал: Өнгө зүс сайжирна
    2016 оны 12 сарын 05
    Үс засуулбал: Өнгө зүс сайжирна
  • Маргадын өнгөт хувцасыг энэ сард өмсвөл зохимжтой
    2016 оны 12 сарын 04
    Оросын алдартай бөө Дардо Кусто маргад өнгөтэй хувцас өмсөхийг санал болголоо
  • Харилцан үндэсний валютаар тооцоо хийхийг Турк улс Орост санал болгов
    2016 оны 12 сарын 04
    Түүнчлэн яг ийм саналыг Хятадад тавьсан гэж Туркийн Ерөнхийлөгч цохон тэмдэглэв. Эрдоган “Би Төвбанктаа зохих тушаал, захирамж өгсөн. Бид энэ санаагаа хэрэгжүүлж чадна гэж найдаж байна. Тэгээд ч дэлхийн зах зээл дээрх хямрал манайд түр зуур нөлөөлөх байх” хэмээжээ.

    Туркийн Ерөнхийлөгч өмнө нь өөрийн ард иргэддээ хандан уриалга гаргасан билээ. “Үндэсний валютаа бэхжүүлэхийн тулд доллараа лир (Туркийн мөнгөн тэмдэгт), алтаар солих хэрэгтэй” хэмээн Эрдоган уриалсан. Хамгийн түрүүнд Стамбулын хөрөнгийн бирж энэ уриалгыг хэрэгжүүлж, одоо үндэсний валютаар бүх операциа хийж байна.
  • Тарагаар турах дэглэм
    2016 оны 12 сарын 04
    Тарагны ач тус зөвхөн турахад биш аж. Мөн хүний бие организмыг цэвэрлэж эрүүлжүүлэх үүрэгтэй. Тараг нь ходоодны үйл ажиллагааг хэвийн байдалд оруулж, витамины уурхай юм.
    Тарагтай дэглэм нь дотроо 3 болон 7 хоногийнх байдаг.

    3 өдрийн нэг өдөрт 1-1,5л тараг ууна. Өдөрт тэнцүү цагийн зөрүүтэйгээр хувааж ууна. Өөр хүнс хэрэглэхгүй. Харамсалтай нь энэ хувилбар нь их хатуу дэглэмд тооцогддог.

    Тиймээс дэглэмийг хөнгөрүүлэхийн тулд тараг+ногоо+жимс байж болно. Энэ хувилбар нь 6-7 хоног үргэлжилнэ. 5-6 кг хаяж биеэ цэвэрлэх боломж.

    6 хоногийн дэглэмийн цэс:
    1 дэх өдөр: жигнэсэн төмс/5ш амталсан байж болно/ + 1,5л тараг
    2 дахь өдөр: жигнэсэн тахианы мах /100г/ + 1,5л тараг
    3 дахь өдөр: жигнэсэн үхрийн мах /100г/ + 1,5 л тараг
    4 дэх өдөр: жигнэсэн мах / хүссэн мах, 100г/ + 1,5 тараг
    5 дахь өдөр: хүссэн хэмжээгээр жимс, ногоо болон ногооны салат + 1,5л тараг
    6 дахь өдөр: 1,5л тараг

    Анхаарах зүйлс: давс болон элсэн чихэр хэрэглэхгүй. Энэ дэглэмийг сард ганц удаа барьж болно.
  • “Таван толгой” компанийн хувьцаа 9.15-иар өсчээ
    2016 оны 12 сарын 04
    12 дугаар сарын 02-ны өдөр “I”, “II, “III” ангилалд бүртгэлтэй 23 хувьцаат компанийн 73,265 ширхэг хувьцаа арилжигдаж нийт 39,222,257.00 төгрөгийн гүйлгээ хийгдсэнээс 11 хувьцаат компанийн хувьцаа өсч, 6 хувцаат компанийн хувьцаа буурсан бол 6 хувьцаат компанийн хувьцаа тогвортой байлаа. Үүнээс “Таван толгой” компани хамгийн өндөр буюу 9.15-иар өссөн бол “Гермес центр” 7.14%, “Адуун чулуун” 6.10%-иар тус тус өслөө.

    Энэ өдөр ”MSE ALL” индекс 787.53 нэгж болж 0.83%-иар өссөн бол зах зээлийн үнэлгээ 1,373,434,111,771.00 төгрөг боллоо.
  • Оффшор дансны асуудлаар Т.Аюурсайхан гишүүн Т.Раднаасэдэд санал хүргүүлжээ
    2016 оны 12 сарын 04
    Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай болон Төрийн албаны тухай хуульд нэмэлт оруулах тухай хуулийн төслийн анхны хэлэлцүүлгийг өнгөрсөн долоо хоногт хийсэн.

    Харин УИХ-ын гишүүн Ц.Нямдорж хуулийн төслийг энэ байдлаар нь цааш явуулах боломжгүй тул Засгийн газар төслөө татаж аваад дахин боловсруулж оруулж ирэх хэрэгтэй. Наад зах нь оффшор бүс гэдгийг зөв ойлгох ёстой. Оффшор бүсийн гол зарчим нь мэдээлэл гаргаж өгдөггүй, хууль хяналтын байгууллага шалгах боломжгүй байдаг явдал. Ер нь эрхийн туслалцааны талаархи гэрээгүй орнуудтай харилцан мэдээлэл авах боломжгүй тул үүнийг харгалзаж үзэх учиртай. Мөн өөрийн нэр дээр биш бол гэр бүлийн гишүүд, хамаатан садныхаа нэр дээр данстай байж болно гэсэн санаа цаана нь агуулагдаад байгааг анхаарах ёстой гэсэн байр суурьтай байгаагаа хэлэв.

    Ингэснээр хуулийн төслийг чамбайруулах үүднээс хэлэлцүүлгийг долоо хоногоор хойлуулахаар болсон.

    Тэгвэл УИХ-ын гишүүн Т.Аюурсайхан Хууль зүйн байнгын хорооны дарга Ш.Раднаасэдэд санал хүргүүлсэн байна. Энэ талаар тэрбээр өөрийн фэйсбүүк хуудаснаа нийтэлжээ. Тэрбээр “Оффшорыг хориглосон бус, дэмжсэн хуулийн төсөл хуулийн хамгаалалтад орохыг санаархагч оффшорт өөрийн болон гэр бүл, ах дүүгийн нэр дээр сэжиг бүхий данстай тодорхой бүлэг этгээдийн захиалгаар яаруу сандруу байдлаар боловсруулагдан өргөн баригдсан гэж үзэж байгаа тул дөрвөн үндэслэлээр хуулийн төслийг буцааж, ашиг сонирхлын зөрчилгүйгээр дахин боловсруулахыг хүслээ” гэжээ.
  • Шилэн хяналтын цахим системийг хүлээлгэн өгчээ
    2016 оны 12 сарын 04
    ЗГХЭГ-аас ”Шилэн хяналтын цахим систем”-ийг Мэргэжлийн хяналтын байгууллагад хүлээлгэн өгчээ.
  • Зорчигч, ачаа тээвэрлэлтэд шалгалт хийжээ
    2016 оны 12 сарын 04
    МХЕГ-аас хүргүүлсэн “Онцгой нөхцөлд ажиллах тухай” албан тоот, Дорнод аймгийн Мэргэжлийн хяналтын газрын даргын баталсан удирдамжийн хүрээнд гурван пост дээр зорчигч, ачаа тээвэрлэлтэд хяналт шалгалт хийлээ.



    Шалгалтад нийт 86 тээврийн хэрэгсэл хамрагдсанаас, оношлогоо үзлэгт ороогүй, бүрэн бус техник ашигласан нэг зөрчил илрүүлж, хариуцлага тооцон, мэргэжил арга зүйн зөвлөгөө өгөв.



    Энэ үеэр тээврийн хэрэгслийн бүрэн бүтэн байдлыг хангаж хот, хөдөө орон нутагт зорчих тухай сэрэмжлүүлгийг зургаан аж ахуй нэгж, байгууллага, 28 иргэнд тараасан байна.
  • 25-35 насны залуус ДОХ-оор өвчилж байна
    2016 оны 12 сарын 04
    Жил бүрийн арванхоёрдугаар сарын 01-ний өдөр “ДОХ-той тэмцэх дэлхийн өдөр” тохиож өнгөрөв.

    Манай улс энэ жил “Хүний дархлал хомсдлын вирүс, Дархлалын олдмол хомсдлоос сэргийлэх нь та бидний гарт” уриан дор тэмдэглэн өнгөрүүлэв. Монгол Улсад ХДХВ/ДОХ-ын анхны тохиодол 1992 онд илэрч байсан бөгөөд өнөөдрийн байдлаар ДОХ-ын нийт 219 тохиолдол бүртгэгдсэн байна. Үүний 62 хувийг 25-34 насны залуучууд эзэлж байгаа бол 80 хувийг эрэгтэйчүүд эзэлдэг судалгаа гарчээ.

    Энэ өдрийг тохиолдуудан Баянзүрх дүүргийн Эрүүл мэндийн төвөөс өдөрлөг зохион байгуулна. Тус өдөрлөгөөр ХДХВ/ДОХ/БЗДХ-аас сэргийлэх үйл ажиллагааг эрчимжүүлэх зорилгоор иргэд, албан байгууллагын ажилчдад мэдлэг, мэдээлэл олгож, үзлэг, шинжилгээ хийсэн юм.
  • Дональд Трампын анхны айлчлал Индианполисоос эхлэв
    2016 оны 12 сарын 04
    Дональд Трамп АНУ-ын Ерөнхийлөгчийн сонгуульд ялалт байгуулсныхаа дараах анхны ажлын айлчлалаа Индианаполисоос эхэллээ. Энд олон мянган ажлын байр хадгалах тохиролцоо хийснээ мэдэгдсэн юм. Тухайлбал агааржуулагч үйлдвэрлэгч ”Карриер” корпорацийн удирдлагуудтай тохиролцоонд хүрч чадсан байна.

    Энэ нь хилийн чанад руу үйлдвэрлэлээ шилжүүлэхээр шийдсэн компаниудтай АНУ-ын Ерөнхийлөгч тохиролцох загвар болохыг мэргэжилтнүүд онцолж байна. Карриер корпораци зардлаа танах зорилгоор Мексик рүү үйлдвэрлэлийнхээ зарим хэсгийг шилжүүлэхээр төлөвлөж байсан ч одоо татгалзаад байна. Ерөнхийлөгчөөр сонгогдоод байгаа Дональд Трамп тус компанид ирэх 10 жилийн хугацаатай 7 сая долларын татварын хөнгөлөлт үзүүлэхээ амалсан байна.

    Харин үүний оронд Карриер Корпораци болон толгой компани нь болох ”Юнайтед Техноложис” тус муж дахь үйлдвэрийнхээ шинэчлэлд 16 сая долларын хөрөнгө оруулалт хийхээр болжээ. Тус компани өнгөрсөн 2 дугаар сард Индиана дахь 2 ч үйлдвэрээ хааж 2 мянга гаруй хүнээ халахаа мэдэгдэж байсан билээ.
  • Ардын жүжигчин Н.Сувд гуай П.Анужинг орлоно
    2016 оны 12 сарын 04
    ”Монгол тулгатны 100 эрхэм” нэвтрүүлгийн шинэ дугаар өчигдөр орой цацагдаа. Энэ удаагийн дугаарт Төрийн соёрхолт Ардын жүжигчин Н.Сувд гуай хөтөлсөн юм. Тус нэвтрүүлгийн хөтлөгч П.Анужин цаашид хөтлөн явуулах боломжгүй болсоноо албан ёсоор мэдэгдсэн. Иймд Н.Сувд гуай түр орлон хөтлөхөөр болжээ.
  • МАХН-ын гишүүн Ц.Шаравдорж Ч.Улаанд дургүйцлээ илэрхийлэв
    2016 оны 12 сарын 04
    МАХН-ын гишүүн Ц.Шаравдорж УИХ-ын гишүүн Ч.Улаанд хандаж захидал илгээжээ. Тэрбээр МАХН, одоо эрх барьж буй МАН-ын гишүүдэд хандаж дургүйцлээ илэрхийлсэн байна.

    Захидалд “Ч.Улаан та ярилцлагадаа, “... нэг нам нь аяндаа задарч, сарниж байна /МАХН-ыг хэлж байгаа юм байна Ц.Ш/. Нөгөө нам руугаа аяндаа төвлөрөл явж байна. Тэгвэл одоо нэг нам маань л томорч үлдэнэ” гэсэн байна. Хальтхан харвал гэмгүй юм шиг атлаа “хорлон”-той үг хэллэгийг хэлсэн байхаар чинь би энэ хэдэн үгийг Эрхэм гишүүн Ч.Улаан танд хүргэж байгаа юм шүү.

    Ер нь сүүлийн үед МАН руу явсан зарим нөхөд энэ маягийн, тухайлбал, “2020 он гэхэд МАХН-ын бүх хүмүүсийг урвуулна, санаанд багтаж байна” гэх мэт яриа гаргаад явж байгааг хэн хүнгүй л мэдэж байгаа. Та ч ярилцлагадаа, “...Илт давамгай ийм үед уусна гэдэг асуудал л яригдана шүү дээ” гэж хэлээд авахаа мартсангүй. Манжийн дарлалын үед уусаагүй Монголчууд, МАН+АН-гийн дарлалд уусна гэж үү. Үгүй л болов уу.

    “Хүний олон хүнээ барьж иддэггүй” гэх үг бий, “Гэнэт олдсон хоол гэдсэнд хортой” гэх үг ч бас бий. Хорвоогийн жамыг хэмжих Таны цензур ийм юм гэж үү, орчин үеийн хэллэгээр бол аз жаргалын индексийг тодорхойлох арга чинь бол бүр ч хачин юм байна.

    Хэдэн хүн явснаар МАХН-ыг “задарч, сарниж байна” гэж бодоод байна л даа. Жингийн цуваа явдгаараа л явж байгаа хө. Чухал үед ар өврөөс хутгалдаг, хорлодог хүмүүс явж байх нь дээр юм байна. Харин ч нам цэвэршдэг юм байна. Өврийн хүүхэн өдрөөс илүү тогтохгүй гэдэг нь улс төрд ч байдаг юм байна, эр хүнд ч байдаг юм байна. Өдрөөс илүү тогтох ёсгүй хүнийг тогтоох гээд ч яанам билээ. Жингийн цуваа явдгаараа л явахаас хойш.

    МАХН том эрх мэдлийн төлөө биш, том мөнгөний төлөө биш, харин том үйл хэргийн төлөө явж байгаа нам.

    Та нар МАН руу очсоноо “голын нэг эргээс нөгөө эрэгт гарсан” гэж тайлбарлах гээд байна. Голын нэг эргээс нөгөө эрэг рүү гарснаасаа илүү гол дунд нь осолдсон хүн олон байдаг юм шүү. Яахав, та өөрийгөө “сайн сэлдэг” гэж үзээд байна, одоохондоо ч бас сэлж л байна л даа. Гэхдээ л, олон түмэн “сайн сэлдэг” гэж дандаа үнэлээд байх нь юу л бол. Тэгээд ч голын эрэг нь мэдэгдэхгүй болчихсон, нэг эргээс нөгөө рүү очигсод бий болсноос “МАН-АН” үүсч, олон түмнийг төөрөгдүүлсэн, дундын төл “олигархи бүлэглэл” нь үүссэн, тэд эргээд хоёр намаа идэж, намууддаа ч, Монголдоо хор аюул учруулж байгааг монголчууд харж байна....” гэжээ.
  • НӨАТ-ын урамшуулалд идэвхтэй оролцохыг уриалав
    2016 оны 12 сарын 04
    НӨАТ-ын урамшууллын 18 дахь удаагийн сугалааны тохирол энэ сарын 18-ны ням гаригт болох юм. Иргэн та 2016 оны арваннэгдүгээр сарын 1-30-ний өдөр хүртэлх хугацаанд худалдан авалт хийсэн баримтаа арванхоёрдугаар сарын 17-ны өдрийн 23 цаг 59 минутаас өмнө Цахим талбөрийн баримтын системд бүртгүүлснээр НӨАТ-ын урамшууллын сугалаанд хамрагдах боломжтой болохыг Татварын ерөнхий газраас сануулж байна.

    Онцлоход, өнгөрсөн сард болсон НӨАТ-ын урамшууллын азтан тодруулах сугалаагаар 6234 иргэн азтан болсон юм. Уг тохиролд 2016 оны аравдугаар сарын 1-31-ний өдрийн хооронд худалдан авалт хийж, арваннэгдүгээр сарын 19-ны 23 цаг 59 минутаас өмнө бүртгүүлсэн 6,092,914 баримт хамрагдсанаас

    100 сая төгрөгийн 2

    4 сая төгрөгийн 5

    500 мянган төгрөгийн 69

    100 мянган төгрөгийн 561

    20 мянган төгрөгийн 5597 баримт тохиролд таарч, нийт 6234 иргэн азтан болсон юм.
  • Гол нэрийн барааны үнэ бага зэрэг буурчээ
    2016 оны 12 сарын 04
    Үндэсний статистикийн хорооноос хүнсний гол нэрийн барааны үнийн танилцуулгыг гаргажээ. Арваннэгдүгээр сарын 30-ны байдлаар гол нэрийн барааны үнийг өмнөх сарынхтай харьцуулахад 1.8 хувь, өмнөх 7 хоногтой харьцуулахад 1.5 хувиар буурчээ.

    Махны дундаж үнэ: Хонины ястай махны үнэ өмнөх сарынхаас 9.2 хувь, ямааны ястай махны үнэ 7.9 хувиар буурч, үхрийн ястай махны үнэ 6.5 хувь, үхрийн цул махны үнэ 4.6 хувиар өсч, адууны ястай махны үнэ өөрчлөлтгүй байна. Өмнөх 7 хоногийнхтой харьцуулахад хонины ястай махны үнэ 5.7 хувь, үхрийн ястай махны үнэ 1.5 хувиар буурч, үхрийн цул махны үнэ 1.5 хувиар өсч, адуу болон ямааны ястай махны үнэ өөрчлөлтгүй байна. 2016 оны 11-р сарын 30-ны байдлаар 1 кг хонины /ястай/ мах дунджаар 3860 төгрөг, үхрийн /ястай/ мах 5575 төгрөг, үхрийн цул мах 7215 төгрөг, адууны /ястай/ мах 4405 төгрөг, ямааны /ястай/ мах 3355 төгрөгийн үнэтэй байв.

    Гурилын үнэ: Гурилын үнийг өмнөх сарынхтай болон өмнөх 7 хоногийнхтой харьцуулахад өөрчлөлтгүй байна.

    Будаа, элсэн чихрийн дундаж үнэ: Цагаан будааны үнэ өмнөх сарынхаас болон өмнөх 7 хоногийнхоос 1.2 хувиар өсчээ. Элсэн чихрийн үнэ өмнөх сарынхтай болон өмнөх 7 хоногийнхтой харьцуулахад өөрчлөлтгүй байна.

    Төмс, хүнсний ногооны дундаж үнэ: Төмс, хүнсний ногооны үнийг өмнөх сарын дундаж үнэтэй харьцуулахад төмсний үнэ 3.0 хувь, луувангийн үнэ 0.4 хувь, байцааны үнэ 5.6 хувь, сонгины үнэ 0.5 хувиар буурч, манжингийн үнэ 26.2 хувиар өсчээ. Өмнөх 7 хоногийнхтой харьцуулахад манжингийн үнэ 5.8 хувиар буурч, бусад хүнсний ногооны үнэ өөрчлөлтгүй байна.

    Сүү, өндөг, ургамлын болон цөцгийн тосны дундаж үнэ: Сүүний үнийг өмнөх сарынхтай харьцуулахад савласан /1 литрийн/ сүүний үнэ 2.9 хувь, “Элекстер” /0.5 литрийн/ сүүний үнэ 8.7 хувиар өсч, задгай сүүний үнэ өөрчлөлтгүй байна. Өмнөх 7 хоногийнхтой харьцуулахад савласан /1 литрийн/ сүүний үнэ 0.5 хувиар өсч, бусад сүүний үнэ өөрчлөлтгүй байна. Өндөгний үнэ өмнөх сарынхтай болон өмнөх 7 хоногийнхтой харьцуулахад өөрчлөлтгүй байна. Ургамлын тосны үнэ өмнөх сарынхтай болон өмнөх 7 хоногийнхтой харьцуулахад өөрчлөлтгүй байна. Цөцгийн тосны үнэ өмнөх сарынхаас болон өмнөх 7 хоногийнхоос өөрчлөлтгүй байв.
  • А.Ичинноров алтан медалийн эзэн боллоо
    2016 оны 12 сарын 04
    Манай улсын 16 тамирчин Тайландын Бангкок хотноо зохиогдож буй 2016 оны бодибилдинг, фитнессийн ДАШТ-д оролцож байна. Уг тэмцээнээс эмэгтэй модель ангилалд /Women’s Fitness Physique up to 160cm/ оролцсон манай тамирчин А.Ичинноров алтан медаль хүртэж дэлхийн аварга цолтон боллоо.
  • 2017 оны шинэ жилийн даашинзны чиг хандлага
    2016 оны 12 сарын 04
    Шинэ он болоход 27 хоног үлджээ. Арванхоёр дугаар сар айлчилхад дэлхийн өнцөг булан бүрт шинэ жилийн баярын уур амьсгал орж хүн бүрийн сэтгэлд догдлол, хүлээлт авчирдаг. Удахгүй албан байгууллага, аж ахуй нэгжүүд шинэ жилийн баяраа тэмэглэж эхэлнэ. Одооноос охид бүсгүйчүүд та бүхэн шинэ жилийн баяраараа ямар даашинзаар гоёх вэ гэдэгт санаагаа чилээж эхэлсэн бол наашаа анхаарлаа түр хандуулаарай. Ингээд 2017 оны шинэ жилийн даашинзны чиг хандлагатай танилцана уу.
  • Өнөөдөр зарим газраар цас орно
    2016 оны 12 сарын 04
    4-нд нутгийн өмнөд хэсгээр, 3-нд зарим газраар цас орж зөөлөн цасан шуурга шуурна. Салхи 3-4-нд Алтайн уулсаар 14-16м/с хүрч ширүүснэ. Идэр, Тэсийн хөндийгөөр шөнөдөө 23-28 градус, өдөртөө 11-16 градус хүйтэн, Алтайн өвөр говиор шөнөдөө 8-13 градус хүйтэн өдөртөө 0-5 градус дулаан, бусад нутгаар шөнөдөө 16-21 градус өдөртөө 5-10 градус хүйтэн байна. 3-4-нд хүйтний эрч бага зэрэг чангарна.

  • 24 баримт: Ерөнхий сайд Ж.Эрдэнэбатыг найзууд нь “Этка” гэж хочилдог
    2016 оны 12 сарын 04
    Монгол Улсын 29 дэх Ерөнхий сайд Ж.Эрдэнэбатыг Сэлэнгэ аймгийн Засаг дарга, УИХ-ын гишүүн, Сангийн сайд хийж байснаар олон нийт андахгүй. Харин түүний хувь хүн, гэр бүл, карьрертай танилцаад байдаггүй. Энэ удаа 24 баримт буландаа сайд Ж.Эрдэнэбатыг онцоллоо. Ингээд Ерөнхий сайд Ж.Эрдэнэбаттай танилцъя.


    1. Ж.Эрдэнэбат хамгийн залуудаа Ерөнхий сайд болсон эрхмүүдийн нэг. Тодруулбал, 41 насандаа Монгол Улсын 29 дэх Ерөнхий сайдад 97.1 хувийн саналаар дэвшсэн юм. Өмнө нь Монгол Улсын Ерөнхийлөгч Ц.Элбэгдорж 1998 онд 35 насандаа Ерөнхий сайдын албыг хашиж байжээ.



    2. Ерөнхий сайд Ж.Эрдэнэбат эцэг, эхээс дөрвүүлээ, нэг эгч, хоёр эрэгтэй дүүтэй, айлын том хүү.



    3. Ерөнхий сайдынх ам бүл тавуулаа. Гэргий Тунгалагтайгаа арван жилийн нэг ангийн хоёр юм байна. Том охин нь “Мон Турк” дунд сургуульд, дунд охин нь “Хобби” дунд сургуульд, бага хүү нь цэцэрлэгт явдаг.



    4. Ерөнхий сайд Ж.Эрдэнэбатын аав Г. Жаргалтулга Мандал сумын Хэрх ЕБС-д захирлаар ажиллаж байжээ.




    5. Ээж Л.Пүрэвдулам нь Сэлэнгэ аймгийн Мандал сумын харьяат аж.



    7. Ж.Эрдэнэбат 99974 сая төгрөгийн орлоготой.



    8. Гурван орон сууцтай бөгөөд дөрвөн компанид хувь эзэмшдэгээс нэг нь 100 хувь Ерөнхий сайдынх юм байна.



    9. Харин “Toyota Land cruiser 105”-1, “Toyota highlander”-1, “Lexus-570”-1 гэсэн гурван автомашин хөлөглөдөг. Нийт 116 сая төгрөгтэй тэнцэх малтай аж.




    10. Ерөнхий сайд Ж.Эрдэнэбат 22 насандаа төрийн албан хаагч болжээ.



    11. 1997-2000 онд Сэлэнгэ аймгийн Хянан шалгах хороонд байцаагчаар ажиллаж байсан бөгөөд гурван жил нягтлан бодогчоор ажиллажээ.




    12. Ж.Эрдэнэбат эдийн засагч мэргэжилтэй. Мэргэжилээрээ дотоодын дөрвөн их дээд сургууль дүүргэжээ.




    13. 1981-1991 онд Сэлэнгэ аймгийн Мандал сумын 10 жилийн дунд сургуулийг төгсчээ.



    14. Тэрбээр Ерөнхий сайдаар ажиллаад зургаан сарын нүүрийг үзжээ. Тодруулбал, долдугаар сарын 8-ны өдөр албаа хүлээж авсан юм.



    15. Ерөнхий сайд болохоосоо өмнө буюу 2014-2015 онд Сангийн сайдаар ажиллаж байв.


    16. 2005 он Санхүү банкны тэргүүний ажилтанаар шагнуулж байсан бол 2010 онд Алтангадас одонгоор шагнуулж байжээ.


    17. Төрийн албан хаагчаар тасралтгүй 19 жил ажиллаж байгаа аж.




    18. Ж.Эрдэнэбат 2012 оны Улсын Их Хурлын зургаа дахь удаагийн сонгуулиар Монгол Улсын Их Хурлын гишүүнээр сонгогдон ажиллаж байна.




    19. Тэрбээр өрөөндөө ташуур байлгах дуртай. Учир нь ташуурыг муу муухай зүйлээс зайлуулдаг гэж үздэг байна.



    20. Ерөнхий сайд Сэлэнгэ аймгийн Мандал сумын уугуул. Тиймээс ч газар тариалан, мал аж ахуй, санхүүгийн салбарт бизнес эрхэлдэг. Харин бизнесийг нь эхнэр болон дүү нар нь хариуцдаг гэнэ.



    21. Тэрбээр сагсан бөмбөгт маруухан бөгөөд бусад спортын бүх төрөлд авьяастай. Тухайлбал, шатар тоглох дуртай нэгэн.



    22. Түүний хобби эрүүл агаарт гарч байгалийн үзэсгэлэнтэй газарт өөрийн тааваараа явах дуртай гэнэ. Ингэхдээ хүүхэд байхын л байгальд аялах дуртай байжээ.



    23. Ерөнхий сайд Ж.Эрдэнэбатын баримталдаг зарчим нь “хүн юу хийж чадна, түүнийгээ л хийж чаддаг байх хэрэгтэй” гэж үздэг.


    24. Түүнийг Этка хэмээн ойр тойрныхон нь хочилдог. Дүү Эрдэнээ нь ах гэж хэлж чадахгүй Этка гэж дуудаж эхэлсэнээр одоо болтол нутгийнхан, найзууд нь Этка гэж дууддаг байна.



    Ерөнхий сайд Ж.Эрдэнэбат хотод амралтаа өнгөрүүлэх дургүй болж л өгвөл хөдөөгүүр амрах дуртай гэнэ.


5155 5156 5157 5158 5159 5160 5161
  • Шинэ
  • Их уншсан
  • Их сэтгэгдэлтэй
  • Украины цохилтын улмаас Оросыг Крымтэй холбодог стратегийн гүүрний хэсэг нуржээ
    10 мин
  • 24 БАРИМТ: Дэлхийн гүнжүүдийн тухай сонирхолтой түүхүүд
    12 мин
  • Боксын гурван удаагийн дэлхийн аварга Хорхе Линаресыг АНУ-ын цагаачлалын албаныхан саатуулжээ
    43 мин
  • ТББХ: Ерөнхийлөгчийн үүрэгт ажлаасаа чөлөөлөгдөх хүсэлтийг 13.30 цагаас хэлэлцэнэ
    52 мин
  • Оросын цэргийн онгоц Сибирьт осолдсоны улмаас зорчиж явсан 19 хүн бүгд амиа алджээ
    54 мин
  • Засгийн газар: Ургац хураалтын урьдчилсан дүнг хэлэлцэнэ
    55 мин
  • ӨНӨӨДӨР: Аймгуудын өрсөлдөх чадварын тайланг танилцуулна
    58 мин
  • Одоо л С.Бямбацогтыг дэмжихгүй бол оройтож мэдэх нь!
    1 цаг 2 мин
  • Н.Учрал: Эх хэл бол үндэстний оюун санааны дархлаа, тусгаар тогтнолын баталгаа
    17 цаг 15 мин
  • 2026 оны өвлийн монгол хэл бичгийн болон элсэлтийн шалгалтын бүртгэл энэ сарын 23-нд дуусна
    17 цаг 19 мин
  • Улс хоорондын шуудан илгээмжийн нийт бараа эргэлт 40.5 хувиар өсжээ
    17 цаг 28 мин
  • “Онцгой хотхон”-ы 512 айлын орон сууцны барилга угсралтын ажлыг шуурхайлахыг үүрэг болголоо
    17 цаг 36 мин
  • Их зохиолч Д.Нацагдоржийн мэндэлсний 120 жилийн ой өнөөдөр тохиож байна
    18 цаг 25 мин
  • Эрдэнэбүрэнгийн усан цахилгаан станцын бүсээс эртний чулуун хайрцагтай булш илэрчээ
    18 цаг 30 мин
  • Өвөрхангай аймгийн Засаг даргаар Т.Жамбалцэрэнг томилжээ
    18 цаг 41 мин
  • О.Батжаргал: Төрөө дээдэлдэг ард түмний хувьд төрийн тэргүүний ажил ариун байх ёстой, сэвтээж таарахгүй
    19 цаг 33 мин
  • Азийн Испорт болон оюуны анхдугаар наадам 2027 оны арваннэгдүгээр сард болно
    19 цаг 55 мин
  • Я.Содбаатар: 2019, 2020 оны намын санхүүжилтэд хөндлөнгийн аудит оруулна
    19 цаг 58 мин
  • Өнөөдөр "Олон улсын оюутны эрхийг хамгаалах өдөр"
    20 цаг 12 мин
  • Ц.Ганзориг: Ерөнхийлөгч гүжир гүтгэлэгт нэр төрөө сэргээлгэх хуулиар олгогдсон бүрэн эрхийнхээ хүрээнд өөрөө шийдвэрээ гаргасан
    20 цаг 22 мин
  • Г.Тэмүүлэн: Хүний эрх, эрх чөлөөг хамгаалахад төсөв мөнгө харамлах шаардлаггүй
  • Хайрын дууч С.Сэрчмаагийн тухай 24 баримт
  • Б.Орхонбаярт амлуулсан О.Хангай аварга яагаад өөрөөсөө бага цолтой М.Лхагвагэрэл гарьдын ард гарав?
  • Л.Батлут: Улс эх орны эрх ашгаас илүү албан тушаал гэж үгүй
  • Өнөөдөр төв болон зүүн аймгуудын нутгаар нойтон цас орж, шуурна
  • 24 БАРИМТ: Дэлхий дээрх бидний анзаардаггүй "этгээд" баримтууд
  • Этгээд хоригтой 24 улс
  • Б.Баяраа: Хүчин төгөлдөр бус хуулийг шүүх хэрэгжүүлсээр байна
  • Ойрын 10 хоногийн цаг агаарын урьдчилсан ТӨЛӨВ
  • З.Мэндсайхан: 2027 оны төсөв иргэдийнхээ орлогыг хамгаална
  • Бөхчүүдийн улирлын чансааг Улсын аварга О.Хангай хол тасархай тэргүүлж, Улсын арслан Ц.Бямба-Отгон удаалж байна
  • МУГТ Т.Тулга, Л.Энхрийлэн нар дэлхийн чансааг ТЭРГҮҮЛЖ байна
  • Нийслэлийн 8 дүүрэгт томуу, томуу төст өвчний үзлэг, оношилгоо, эмчилгээний 21 цэг ажиллаж байна
  • Өвөлжилтийн бэлтгэл, отор нүүдлийн зохион байгуулалтыг эрчимжүүлэх чиглэл өглөө
  • Жүдо бөхийн залуучуудын ДАШТ энэ сарын 19-нд эхэлнэ
  • Экспорт өмнөх оны мөн үеэс 45.3 хувиар өсжээ
  • ОХУ-ын талд тагнуул хийсэн гэх сэжгээр АНУ-ын армийн алба хаагчийг Их Британид баривчилжээ
  • Дохио!!! Цаг агаарын аюултай үзэгдлээс сэрэмжлүүлж байна
  • Б.Хурцын эхлүүлсэн шинэ зам буюу “Их эвсэл”
  • ОХУ-ын АНУ-д суугаа Элчин сайд Александр Дарчиев гэнэт нас баржээ
  • Өнөөдөр төв болон зүүн аймгуудын нутгаар нойтон цас орж, шуурна
  • Г.Тэмүүлэн: Хүний эрх, эрх чөлөөг хамгаалахад төсөв мөнгө харамлах шаардлаггүй
  • Хайрын дууч С.Сэрчмаагийн тухай 24 баримт
  • Б.Хурцын эхлүүлсэн шинэ зам буюу “Их эвсэл”
  • 24 БАРИМТ: Дэлхий дээрх бидний анзаардаггүй "этгээд" баримтууд
  • МУГТ Э.Цэндбаатар энэ бямба гарагт Мухаммад Якубовтой тулалдана
  • ОХУ-ын АНУ-д суугаа Элчин сайд Александр Дарчиев гэнэт нас баржээ
  • З.Мэндсайхан: 2027 оны төсөв иргэдийнхээ орлогыг хамгаална
  • ОХУ-ын талд тагнуул хийсэн гэх сэжгээр АНУ-ын армийн алба хаагчийг Их Британид баривчилжээ
  • Экспорт өмнөх оны мөн үеэс 45.3 хувиар өсжээ
  • Этгээд хоригтой 24 улс
  • Дональд Трампын илгээсэн тусгай илч нар В.Путинтай уулзахаар Москвад ирлээ
  • Согтуугаар тээврийн хэрэгсэл жолоодсон 73 зөрчил өчигдөр бүртгэгджээ
  • Б.Баяраа: Хүчин төгөлдөр бус хуулийг шүүх хэрэгжүүлсээр байна
  • СУРВАЛЖИЛГА: Махны үнэ өсөж, иргэд өвлийн идэшээ бага багаар базааж байна
  • ФАКТ: Г.Дамдинням сайдын барьсан "iPhone Duo" гар утас дунджаар 10 сая төгрөгний үнэтэй
  • Б.Орхонбаярт амлуулсан О.Хангай аварга яагаад өөрөөсөө бага цолтой М.Лхагвагэрэл гарьдын ард гарав?
  • Л.Батлут: Улс эх орны эрх ашгаас илүү албан тушаал гэж үгүй
  • Э.Одмөнх: Төрийн ёслолын дэг журамд "бөхчүүдийн гарыг арчуулах" гэсэн зүйл байхгүй
  • Ойрын 10 хоногийн цаг агаарын урьдчилсан ТӨЛӨВ
24 баримт
  • 24 БАРИМТ: Дэлхийн гүнжүүдийн тухай сонирхолтой түүхүүд
  • Хайрын дууч С.Сэрчмаагийн тухай 24 баримт
  • З.Мэндсайхан: 2027 оны төсөв иргэдийнхээ орлогыг хамгаална
  • Б.Баяраа: Хүчин төгөлдөр бус хуулийг шүүх хэрэгжүүлсээр байна
  • Этгээд хоригтой 24 улс
Эхлэл Улс төр Эдийн засаг Нийгэм Дэлхий 24 баримт 24 фото COP17 Спорт Видео Сошиал мэдээ
Холбоо барих Сурталчилгаа байршуулах Зар Вэб сайт хийх

Зохиогчийн эрх хуулиар хамгаалагдсан. Мэдээлэл хуулбарлах хориотой.

Вэб сайтыг хөгжүүлсэн: Sodonsolution ХХК