-
2015 оны 6 сарын 29
Монгол Улсын Ерөнхийлөгч Ц.Элбэгдоржийн урилгаар Монгол Улсад төрийн айлчлал хийхээр ирсэн Мьянмарын Холбооны Бүгд Найрамдах Улсын Ерөнхийлөгч У Тейн Сейнийг албан ёсоор угтах ёслол өнөөдөр өглөө Чингисийн талбайд болсон.
-
2015 оны 6 сарын 29
Сурвалжлага: Үүлэн хээтэй орчлонгийн дор ”Нарны орон” жуулчны баазад
Д.Намсрайноровын нүнжигтэй бэлэг хурдан удмын адуу, хув цагаан хонь, хуруу зузаан сая төгрөг
”Сарны саруултайд” аялал Нарны орон жуулчны баазад маш амжилттай боллоо. Зохиолын дуучдын дунд цахиур хагалсан гэж хэлж болох уг аялал олон арван зочид төлөөлөгчидтэйгээр найртай хууртай, сэтгэл догдлуулсан мөчүүдтэйгээр үргэлжилсэн юм.
Дуучин Д.Намсрайноровын зарласан клипжүүлэх уралдаанд чамгүй олон бүтээл өрсөлдсөнөөс эхний гурван байрын эзэд шүүгчид хийгээд олон нийтийн саналаар “байгаа онож” нүнжигтэй шагналуудын эзэн болсон юм.
Мэргэлжийн түвшинд биш, өндөр шаардлага цензурийг ч өвөртлөөгүй уг уралдаан олон аавын хүүгийн талархалыг хүлээж цаашид энэ чиглэлээр хөдөлмөрлөх эрч хүчийг өгч чадсан юм.
Уралдаанд нийслэлээс төдийгүй, хөдөө орон нутгаас бүтээлээ сойсон иргэд олон байв. Хамгийн сонирхолтой нь уралдааны ялагч Хурдан удмын адуугаар шагнуулсан бол, удаах байранд орсон залуус 1 сая төгрөг, гуравдугаар байранд орсон ялагч хундан цагаан хониор мялаалгалаа.
Үнэхээрийн нүнжигтэй, час хийсэн шагналууд байсныг тэнд цугласан олон түмэн ам булаалдан хэлж байсныг нуух юун. Эр хүн хэлсэндээ гэдэг шиг дуучин Д.Намсрайноров мал хариулж өссөн монгол залуу, малтай айлын хөвгүүн гэсэндээ бай шагналаа тодотгож, хэлсэн үгнээсээ гажилгүй холын холоос морь, хонио бэлдүүлж “Нарны орон”-д авчруулж уралдаанд оролцогчдод гардуулж өгсөн юм.
МУСТА Д.Намсрайноровын аав Доржгочоо Төв аймгийн Өндөрширээт сумын харъяат 1000-т малчин, ажилсаг хөдөлмөрч хүн бий. Дуучин Д.Намсрайноров анхны уран бүтээлээ хийхэд ар гэрийнхэн нь “спонсорлосон” гэдэг. Тэгвэл энэ удаад ч түүний эцэг, эх хүүгийнхээ зорьж буй үйлсийг сайшааж, бай шагналыг нь бэлдэж өгчээ.
Үүлэн хээтэй орчлонгийн дор ”Нарны орон” жуулчны баазад учрах ёстой хүмүүс цуглав
Ийн амралтын өдрөөр Үүлэн хээтэй орчлонгийн дор ”Нарны орон” жуулчны баазад Гранд хүмүүс цуглаж, Сарны сартуултайд амжуулаад, Монгол аялалаар амраад ирлээ. Улс төрчдийн пи ар биш, урлагийнхны гэгээн сайхан үйлсэд нэг зорилготойгоор оролцсон манай сурвалжлах багийн хувьд сэтгэл өндөр байлаа.
“Нарны орон” аялал жуулчлалын газар аялалын оролцогчдын тав тухтай байлгах бүхий л боломжийг бүрдүүлж чадсан юм. Аялалыг зохион байгуулсан дуучин Д.Намсрайноровын хувьд ч хээгүй монгол зангаараа, хэгжүүрхэж жийрхэсэн зүйлгүйгээр аялалын хамт олонтойгоо, гэр бүлтэйгээ нэгэн сайхан өдрийг өнгөрүүллээ.
Тэрбээр “Учрах ёстой хүмүүс уулздаг. Энэхүү аялал ч учрах ёстой хүмүүсийг уулзуулж байна. Хувьтай хүн хур борооноор гэдэг шиг аялалд гарахын өмнөх өдөр хурмаст тэнгэр хур бороо хайрлалаа. Өнөөдөр тэнгэр хангай сайхан байж, байгаль дэлхий ч өнгөө засчээ. Урлагийн хүмүүс бидний хувьд амьдралаа сайхан авч явахын тулд хөдөлмөрлөж, түүнийхээ үр шимийг хүртдэг. Харин үр шимийг хүртэж байгаагийнхаа хэрээр бусдад түгээх хэрэгтэй гэж би боддог. Авьяасаараа хэдэн бор төгрөг олж байна. Авч байна. Тиймээс өгдөг ч байх хэрэгтэй. Тэр ч үүднээс өнөөдөр энэхүү уралдааныг зохион байгуулж байгаа билээ” гэв.
Уралдаанд эхний байр эзэлсэн Өвөрхангай аймгийн Арвайхээр хотын оролцогчийн сэтгэгдлийг хуваалцахад “Битүүхэн дотроо залбирч байсан шагналаа авлаа. Сэтгэгдэл маш өндөр байна. Монгол хүн тэр тусмаа эр хүн морь бэлгэнд авна гэдэг гайхалтай зүйл. Энэ жилийн өнгийг маань тодорхойллоо. л гэсэн үг. ” хэмээн сэтгэгдлээ илэрхийлэв.
Харин удаах байранд Өвөрхангай аймгаас оролцсон оролцогч н.Ганбаатар “Би Өвөрхангай аймгаас Д.Намсрайноровын “Сарны сартайд” клипны уралдаанд оролцлоо. Түрүүлсэндээ сэтгэл их өндөр байна. Өөрийнхөө бүтээлийг уг уралдаанд түрүүлнэ гэж бодоогүй /инээв/. Зарим хүмүүс уг клипыг +18 гэж тодотгоод байх шиг байна. Гэхдээ анх хийсэн санаа маань огт тийм байгаагүй. Дуусгаад хүмүүст үзүүлсэн чинь тэгж хэлээд байна” гэв.
Харин халуун хошуутай хоньтой буцаж буй оролцогч маань “Энэ жил миний жил орж байгаа. Хонь жил хониор мялаалгана гэдэг их л бэлэгшээлтэй зүйл болж байна. Халуун хошуут хундан цагаан хонио сүрэгтээ идээшлүүлж илүү олон болгож өсгөнө гэдгээ хэлмээр байна” гэлээ.
Аялалын дундуур FM-ийн сэтгүүлчдийн “ориг” дүр төрхтэй танилцаж, спорт тэмцээн залуусыг огшоов
Аялалын дундуур FM-ийн сэтгүүлчид радиогийн ертөнцөөр аялуулж, эфирийн цаадах дүр төрхөө ил гаргасан бол бусад хэвлэл мэдээллийн хэрэгслийн сэтгүүлчид шүүгчдийн суудалд сууж уралдаанд оролцогчдын бүтээлийг шүүж тунгаасан юм.
Нэгэн өдрийг сэтгэл догдлуусан мөчтэйгээр өнгөрүүлж буй хурсан олон спортоор өрсөлдөж цагийг хөгжилтэй өнгөрөөв.
Хурдан удмын адуугаар шагнуулсан Өвөрхангай аймгийн ороцлогчид маань морио хэрхэн авч явахаа уралдааныг зохион байгуулагчидтай ярилцаж, халуун хошуут хонь авсан залуу маань ч эцэг эхээ баярлуулж байгаадаа туйлын баяртай байгаагаа дахин дахин хэлж байлаа.
Ийн Сарны саруултайд аялал маань өндөрлөж нийслэлийн зүг дотно найз, ах дүү, хамаатан садан болон буцацгаасан юм.
-
2015 оны 6 сарын 29
Morgan Davidson-ы өнгийн харандаагаар зурсан гайхалтай бүтээлүүд
-
2015 оны 6 сарын 29
Тайванийн Синьбэй хотын “Аквариумтай цэцэрлэгт хүрээлэн” хэмээх усан паркт өнгөрсөн өнгөрсөн бямба гарагт дэлбэрэлт гарсан билээ.
-
2015 оны 6 сарын 29
Г.Ариунбаатар Чайковскийн нэрэмжит уралдааны эцсийн шатанд үлдлээ
-
2015 оны 6 сарын 29
”ОРОН СУУЦАНД ГАЛ ГАРАХААС УРЬДЧИЛАН СЭРГИЙЛЖ ЧАДЖЭЭ” өнгөрөгч 2015 оны 6 сарын 22 ны өдөр Баянгол дүүргийн 4 дүгээр хороонд байрлах иргэн Б овогтой Ц гэрт маш их хэмжээний утаа гараад байна гэсэн дуудлага 18:59 д хүлээн авч 19:03 цагдаагийн дэслэгч А.Мөнхэрдэнэ ахлагч Э.Пүрэвсүрэн нар нь түргэн шуурхай шалгасны эцэст гал гархаас урьдчилан сэргийлж чадлаа..Баянгол дүүрэг дэх цагдагийн хоёрдугаар хэлтсээс сэрэмжлүүлж байна. Урин дулаан цаг ирж иргэд хөдөө орон нутаг.зусланд гарахдаа орон гэрийнхээ цахилгаан хэрэгсэл болон цонх хаалга үүдээ сайн шалгаж аль болох эзэнтэй үлдээхийг анхааруулж байна...share hiigerei
-
2015 оны 6 сарын 29
Манай орны ихэнх нутгаар хэт халалтын улмаас ой, хээрийн түймрийн эрсдэл бүхий бүс нутгаар хуурайшилт нэн аюултай зэрэглэлд хүрч, төв, баруун зүгийн нутгаар зуншлага муу, гантай байна.
-
2015 оны 6 сарын 29
З.Баянсэлэнгэ: АТГ цаашдаа Засгийн газрын харьяанд байх хэрэгтэй болов уу
-
2015 оны 6 сарын 29
ШЕЗ-өөс хэвлэлийн бага хурал зарлалаа. Хурлаар Эрүүгийн гэмт хэргийн нөхцөл байдлын талаар Шүүхийн судалгаа, мэдээлэл, сургалтын хүрээлэнгийн ахлах референт С.Билгүүн, судлаач Ц.Ариунболд нар мэдээлэл хийх юм байна. Мөн Шүүх байгуулах тухай хууль 7 дугаар сарын 1-нээс хэрэгжиж эхлэхтэй холбоотойгоор шүүхүүдийн нэр, харъяалалд орж байгаа өөрчлөлтийн талаар болон зарим аймагт шинээр шүүх байгуулах талаар ШЕЗ-ийн Гүйцэтгэх нарийн бичгийн дарга Т.Мэндсайхан мэдээлэл хийнэ. Хурал ШЕЗ-ийн байранд 11.00 цагаас болно.
-
2015 оны 6 сарын 29
Грекийн парламент өнгөрсөн бямбаас ням гаригт шилжих шөнө хуралдаж өрийн асуудлаар олон улсын санхүүгийн байгууллагаас тавьсан шаардлагыг хүлээн авах талаар бүх нийтийн санал асуулга явуулахаар боллоо.
-
2015 оны 6 сарын 29
Европын Холбоо хамгийн их тулгамдсан асуудлын нэг болох цагдаачдын тухай хэлэлцжээ.
-
2015 оны 6 сарын 29
Сонирхолтой нь ёслолыг голчлон зохион байгуулагч И.Мөнхсаруул гэх эмэгтэй Чингис хааныг тодруулсангүй. Тэрээр мөнх тэнгэрийн зарлигаар томилогдсон 1000 бурханаа танилцуулсны дараа “Ханхүүг сэвтүүлнэ гээд хаан зарлигаа буцаасан тул алтан нарнаасаа адис аваад буцаарай” гэж ард түмэндээ дуулгаснаар хаан залах ёслолын ажиллагаа хойшлогдов.
-
2015 оны 6 сарын 29
Монгол Улсын Ерөнхийлөгч Ц.Элбэгдоржийн урилгаар Монгол Улсад төрийн айлчлал хийхээр ирсэн Мьянмарын Холбооны Бүгд Найрамдах Улсын Ерөнхийлөгч У Тейн Сейнийг албан ёсоор угтах ёслол өнөөдөр өглөө Чингисийн талбайд боллоо.
-
2015 оны 6 сарын 29
-Зууны мэдээ сонины Үндэсний мэдээллийн төвд 12:30 цагаас Гавьяат жүжигчин С.Жавхлан нийгэмд болж бүтэхгүй байгаа зүйлийг эсэргүүцэж үсээ хусах болсон талаар мэдээлнэ.
-
2015 оны 6 сарын 29
Нийслэлийн ИТХ – ын Тэргүүлэгчдийн 90 дүгээр тогтоолоор баталсан “Ашиглалтын шаардлага хангахгүй нийтийн зориулалттай орон сууцны барилгыг дахин төлөвлөн барилгажуулах тухай журам” - ын дагуу Монгол Улсын Мэргэжлийн хяналтын газрын улсын ахлах байцаагчийн дүгнэлтээр ашиглалтын шаардлага хангахгүй нь тогтоогдсон Хан-Уул дүүргийн нутаг дэвсгэр дэх 21 барилгыг буулгаж дахин төлөвлөн, барилгажуулахаар болсон. Энэ хүрээнд тус дүүргийн арьс ширний 25 дугаар байрыг буулгаж, орон сууцны барилгын шавыг тавилаа. Уг үйл ажиллагаанд нийслэлийн Засаг дарга бөгөөд Улаанбаатар хотын захирагч Э.Бат-Үүл, Хан-Уул дүүргийн Засаг дарга Ж.Ганхуяг, нийслэлийн Ерөнхий төлөвлөгөөний газрын дарга О.Одбаяр, төсөл хэрэгжүүлэгч “Эфэс констракшн” ХХК-ийн ерөнхий захирал зэрэг албаны хүмүүс оролцов.
Нийслэлийн Засаг даргын 2015 оны А/130 захирамжаар “Эфэс констракшн” ХХК-г дахин барилгажуулах төсөл боловсруулж, барилга угсралтын ажил гүйцэтгэх төсөл хэрэгжүүлэгчээр батламжилж, гурван талт гэрээг батлагдсан загварын дагуу байгуулах эрхийг олгох тухай шийдвэр гарсан. Ашиглалтын шаардлага хангахгүй барилгыг дахин барилгажуулах төсөл хэрэгжүүлэгч “Эфэс констракшн” ХХК нь 2015-2016 онд төслөө хэрэгжүүлж дуусгахаар графикчилсан төлөвлөгөө гаргаж 2015 оны 05 дугаар сарын 18-ны Газар барилгажилтын зөвлөлийн хурлаар барилгажилтын төслөө хэлэлцүүлэн батлуулж, Хан-Уул дүүргийн 3 дугаар хорооны нутаг дэвсгэрт байрлах Арьс ширний 25 дугаар байрны 24 сууц өмчлөгчтэй, 26 дугаар байр нь 23 сууц өмчлөгчтэй 3 талт гэрээгээ байгуулж, нүүлгэн шилжүүлэлт хийсэн юм гэж Нийслэлийн Ерөнхий төлөвлөгөөний газраас мэдээллээ.
-
2015 оны 6 сарын 29
Дүүргийн 3 дугаар прокурорын газраас ял эдлүүлэх ажиллагаанд хяналт тавих ажлын хүрээнд 2015 онд зарим ажлыг зохион байгуулан ажилласан байна.
Тухайлбал: 2015 оны 06 дугаар сарын 15-ны өдөр хорих ангид ял эдэлж байгаа ялтнуудын дунд гарч байгаа гэмт хэрэг, зөрчлийг бууруулах, урьдчилан сэргийлэх зорилгоор “Гэмт хэрэг, зөрчлийг бууруулах талаар авч хэрэгжүүлсэн ажил, хүрсэн үр дүн”-гийн талаар Багануур дүүрэг дэх Шүүхийн шийдвэр гүйцэтгэх ерөнхий газрын харьяа Шийдвэр гүйцэтгэх албаны хорих 427 дугаар ангийн дэд даргын сонсголыг хэлэлцэж, ярилцлага зохион байгуулжээ.
-
2015 оны 6 сарын 29
Сүүлийн жилүүдэд шилжилт хөдөлгөөн ихсэж хөдөө орон нутгийн хүн ам цөөрсөн нь цус ойртолын гол шалтгааны нэг болсон талаар албаны хүмүүс мэдээлж байна. Нэлээд олон жил яригдсан энэ асуудал өдгөө “Үндэсний аюулгүй байдал” болон хүн амын удмын сангийн аюулгүй байдалд заналхийж байгааг судалгаагаар тогтоожээ. Тиймээс Монгол Улсын хүн ам дахь цус ойртолтын өнөөгийн түвшин, түүнд нөлөөлж буй хүчин зүйлсийн талаар НЭМХ-ийн Хүний генетик, эрүүл мэнд судлалын секторын эрдэм шинжилгээний ажилтан, Анагаах ухааны доктор Э.Энхмаатай ярилцлаа.
-
2015 оны 6 сарын 29
Өнөөдөр 14.00 цагт Аж үйлдвэрийн яамны хурлын танхимд ”САЙН ӨДРИЙН ЗАХ” өргөтгөсөн худалдааны талаар мэдээлэл хийнэ.
Энэ удаагийн өргөтгөсөн худалдааны онцлог нь талбайн түрээсгүй бөгөөд ХЭРЭГЛЭГЧДЭД үйлдвэрийн үнээр бараа, бүтээгдэхүүнийг худалдан авах боломж олгож байгаагаараа давуу талтай юм.
-
2015 оны 6 сарын 29
Өнөөдөр УИХ дахь намын бүлгүүд болон ажлын хэсгийн хуралдаантай.
Улсын Их Хурал дахь Ардчилсан намын бүлгийн хуралдаан “А” танхимд;
Улсын Их Хурал дахь Монгол ардын намын бүлгийн хуралдаан “Б” танхимд;
Улсын Их Хурал дахь “МАХН-МҮАН-ын Шударга ёс” эвслийн бүлгийн хуралдаан “В” танхимд хуралдана.
Харин ажлын хэсгийн тухайд:
Эрүүгийн хууль /шинэчилсэн найруулга/, Зөрчлийн тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 09.00 цагаас 334 тоот өрөөнд;
Газрын тосны тухай хууль тогтоомж, бүтээгдэхүүн хуваах гэрээний хэрэгжилтийн талаар иргэд, аж ахуйн нэгжүүдээс ирүүлсэн өргөдлийн дагуу хяналт шалгалт хийж, Байнгын хорооны хуралдаанаар хэлэлцүүлэхэд бэлтгэх үүрэг бүхий Өргөдлийн байнгын хорооны ажлын хэсгийн хуралдаан 09.00 цагаас 4 давхрын Нээлттэй сонсголын танхимд;
Нийтийн сонсголын тухай хуулийн төслийг хэлэлцүүлэгт бэлтгэх үүрэг бүхий Төрийн байгуулалтын байнгын хорооны ажлын хэсгийн хуралдаан 10.30 цагаас 419 тоот өрөөнд;
”Төрийн өмчийг 2015-2016 онд хувьчлах, өөрчлөн байгуулах үндсэн чиглэл батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 11.30 цагаас 334 тоот өрөөнд;
Ойн тухай хуульд нэмэлт, өөрчлөлт оруулах тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Байгаль орчин, хүнс, хөдөө аж ахуйн байнгын хорооны ажлын хэсгийн хуралдаан 14.00 цагаас “В” танхимд;
“Монгол Улсын Төрийн цэргийн бодлогын үндсийг батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Аюулгүй байдал, гадаад бодлогын байнгын хорооны ажлын хэсгийн хуралдаан 14.00 цагаас “Г” танхимд;
Замын хөдөлгөөний аюулгүй байдлын тухай тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 14.00 цагаас “А” танхимд;
Иргэний агаарын тээврийн салбарын үйл ажиллагаанд дүгнэлт хийх, шийдвэрийн төсөл боловсруулах чиг үүрэг бүхий Эдийн засгийн байнгын хорооны ажлын хэсгийн хуралдаан 14.30 цагаас 4 давхрын Нээлттэй сонсголын танхимд;
Олон Улсын зах зээлд гаргасан Засгийн газрын үнэт цаасны арилжаагаар төвлөрсөн хөрөнгийн зарцуулалт, эргэн төлөлт болон санхүүжүүлэх төсөл хөтөлбөрийн сонголт, хэрэгжилтийн явц байдалтай танилцаж санал, дүгнэлт гаргах үүрэг бүхий Төсөв, Эдийн засгийн байнгын хорооны хамтарсан ажлын хэсгийн хуралдаан 15.30 цагаас “Г” танхимд;
“Эдийн засгийн хүндрэлээс гарах арга хэмжээний хөтөлбөр батлах тухай” Улсын Их Хурлын 2015 оны 02 дугаар сарын 18-ны өдрийн 41 дүгээр тогтоолын хэрэгжилтэд хяналт тавих үүрэг бүхий Эдийн засгийн байнгын хорооны ажлын хэсгүүдийн гишүүдийн хуралдаан 16.00 цагаас /ахлагч нарын өрөөнд/;
Татварын хууль, тогтоомжид нэмэлт, өөрчлөлт оруулах тухай хуулийн төслүүдийг хэлэлцүүлэгт бэлтгэх үүрэг бүхий ажлын хэсгийн хуралдаан, 16.00 цагаас “Г” танхимд /Татварын ерөнхий хуулиар/;
Хяналтын тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Төрийн байгуулалтын байнгын хорооны ажлын хэсгийн хуралдаан 16.30 цагаас “А” танхимд;
Үйлдвэрлэлийг дэмжих тухай хуулийн төсөл болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 17.00 цагаас “В” танхимд хуралдана.
-
2015 оны 6 сарын 29
Монгол Улсын Засгийн газрын 39 дэх ээлжит хуралдаан өнөөдөр 16.00 цагт Засгийн газрын хуралдааны танхимд болно. Тус хуралдаанаар 31 асуудлыг хэлэлцэх юм байна.
Тухайлбал, хуралдааны эхэнд Стандартчилал, техникийн зохицуулалт, итгэмжлэлийн тухай хуулийн төслийн үзэл баримтлалын тухай /У.ХҮРЭЛСҮХ/, Ерөнхий сайдын Петербургийн чуулга ууүзалтад оролцсон дүнгийн тухай /Л.ПҮРЭВСҮРЭН/, Байнгын төлөөлөгчийг эгүүлэн татах тухай /Л.ПҮРЭВСҮРЭН/, Төсвийн ерөнхийлөн захирагч нарын 2016 оны төсвийн хязгаарыг батлах тухай /Ж.ЭРДЭНЭБАТ/, Улсын Их Хурлын гишүүн Д.Ганбатын санаачлан боловсруулсан “Прокурорын байгууллагын бүтэц зохион байгуулалтыг шинэчлэн батлах тухай” Улсын Их Хурлын тогтоолын төсөлд Засгийн газраас өгөх санал, дүгнэлтийн тухай /Д.ДОРЛИГЖАВ/ зэрэг асуудлыг хэлэлцэхээр төлөвлөжээ.