Дэлхийн хамгийн залуу тэрбумтан бүсгүй бол Элизабет Холмс юм.
Элизабет Холмс нь Business Insider –аас тодруулдаг Silicon Valley(Цахиурын хөндий) –ийн хамгийн нэр хүндтэй хүмүүсийг шалгаруулдаг “Silicon Valley 100” жагсаалтын нэгдүгээрт эрэмбэлэгдэж байгаа юм.
Америкийн хамгийн мундаг тэрбумтан эмэгтэйн тухай 24 баримтыг дэлгэж байна.
1. 2014 оны “Forbes 400” буюу Америкийн хамгийн баян тэрбумтангуудыг нэрлэдэг жагсаалтын 110 –рт эрэмбэлэгдэж байсан тэрээр 2015 онд “Америкийн өөрөө баяжсан эмэгтэй” жагсаалтыг 4.7 тэрбум долларын цэвэр ашигтайгаар тэргүүлсэн юм.
2. Холмс 1984 онд төрсөн. Түүний аль хэдийн хүрсэн амжилтыг нь бодоод үзэхээр нас нь ч мөн адил бүх хүмүүсийг гайхшруулдаг юм.
3. Холмс дөнгөж 9 настайдаа аавдаа бичсэн захидалдаа: “Энэ амьдралд миний хамгаас илүүтэй хүсч байгаа зүйл бол, хүн төрөлхтөн хэзээ ч боломжгүй гэж бодож байсан ямар нэгэн цоо шинэ зүйлийг нээн илрүүлэх явдал” хэмээн бичиж байжээ.
4. Ахлах сургуульд суралцаж байхдаа 3 коллежийн Хятад хэлний курсыг дүүргэж байжээ. Хятадын их сургуулиудад С хэлний хөрвүүлэгч программуудыг худалдаалдаг байжээ.
5. Холмс, Стэнфордын их сургуульд химийн инженерийн чиглэлээр суралцаж байх хугацаандаа анхныхаа патентын эрхийг авч байжээ.Их сургуулийнхаа 2 –р курст элсэхээсээ өмнө тэрээр коллежоо орхисон байна.
6. Тэрээр Сингапурт нэгэн зуны амралтаараа Genome Institute Lab -д SARS(Амьсгалын цочмог халтай хам шинж) –ийн судалгааны багт ажиллаж байжээ.
7. Холмс, компаниа бий болгож байсан эхний 11 жилийн хугацаанд хэтэрхий нууцлаг нэгэн байв. Тэрээр өнгөрсөн жил Fortune сэтгүүлийн нүүрэнд гарснаасаа хойш л олны анхаарлын төвд багтах болсон.
8. Компанийнх нь нэр болох Theranos нь therapy (эмчилгээ) болон diagnose (оношлогоо) гэсэн 2 үгнээс бүтсэн.
9. Theranos компани 2003 оноос үйл ажиллагаагаа явуулж эхэлсэн бөгөөд зөвхөн хурууны өндгийг хатгаад л гарсан ганц, хоёрхон дусал цусыг ашиглан өндөр холестерол, хорт хавдар гэх мэт эрүүл мэндийн янз бүрийн нөхцөл байдлыг илрүүлэх боломжтой цусны шинжилгээний аргыг боловсруулсан юм.
10. Холмсыг сэдэлжүүлж өдөөсөн хүчин зүйлүүдийн нэг нь түүний зүүг үзэн яддаг явдал нь байв; түүний ээж, эмээ нь зүүнд хатгуулаад л ухаан алддаг байсан гэдэг.
11. Холмс дэлхийн корпорациудын түүхэнд хамгийн туршлагатай, чадварлаг хүмүүсээр удирдах зөвлөлөө бүрдүүлж чадсан: Джордж Шульц, Билл Перри, Хенри Кисинджър, Сэн Нанн, Билл Фрист гэх мэт.
12. Холмс ахлах сургуулиа төгссөнийхөө дараа зун Бээжинд байхдаа тухайн үед Калифорнийн их сургуулиас магистрийн зэргээ авахаар суралцаж байсан Санни Балванитай танилцсан ба тэрээр хожим нь Theranos компанийн үйл ажиллагаа эрхэлсэн захирал болсон юм.
13. Холмсыг ихэнхдээ Стив Жобстой эн зэрэгцүүлж харьцуулдаг ба Mercury news –ийн мэдээлснээр, тэрээр “энэ дэлхий ертөнцөд миний хийж чадах хамгийн агуу зүйл юу байх вэ гэдэг талаар бодсон” –ыхоо дараа Theranos компаниа байгуулсан ажээ.
14. Стив Жобсын адилаар, Холмс өдөр тутамдаа хар битүү захтай цамц, хар костюм пиджак өмсдөг.
15. Холмс зөвхөн цусны шинжилгээний зах зээлийг эзэгнэхээс илүү холд хараагаа чиглүүлсэн. Тэрээр хүн бүр өөрийн эрүүл мэнддээ илүү анхаарал тавих боломж бүхий “хэрэглэгчийн эрүүл мэндийн технологи” хэмээх цоо шинэ зах зээлийг бий болгохоор зорьж яваа.
16. Өнгөрсөн жил гэхэд, Холмс өөрийн нэр дээр нийт 84 патентыг эзэмшчихээд байна (Үүнээс 18 нь Америкийн нэгдсэн улсад, 66 нь АНУ –аас бусад улсад).
17. CBS News –ийн мэдээлж буйгаар, Холмс ихэнхдээ оффистоо өглөөг угтдаг ба гэрт нь зурагт ч байдаггүй аж.
18. Энэ жилийн 3 –р сард Холмс, “Онцлох Америк хүн” –ээр тодорч, бүх насаараа Горацио Элджерийн Нийгэмлэгийн гишүүн байх хүндтэй эрхийг гардан авсан хамгийн залуу хүн болсон юм.
19. The New Yorker сэтгүүлийн мэдээлснээр, тэрээр Джейн Остины зохиолуудын хэсгийн хаанаас ч цээжээр уншиж чаддаг. Гэвч Холмсын хувьд одоогоор уран зохиол, найз нөхдөд цаг зориулах боломжгүй, болзоонд явдаггүй, гэртээ зурагт ч байхгүй, өнгөрсөн 10 жилийн хугацаанд огт амралт авч байгаагүй гээд тоочоод байвал мундахгүй олон зүйлсээр хязгаарлагдмал аж төрдөг.
20. Тэрбээр кофейн хэрэглэхээс татгалзаж, нойрсох цагтаа хязгаар тавьдаг.
21. Элизабет Холмс долоо хоногийн долоон өдөрт ажилладаг хөдөлмөрч эмэгтэй.
22. Холмс маш нууцлаг нэгэн гэдгээрээ алдартай бөгөөд, үүгээрээ ч салбарынхаа мэргэжил нэгтнүүдээс багагүй шүүмжлэлд өртдөг байна. Гэвч энэ нь өөрийн бий болгон, хөгжүүлж буй технологио өрсөлдөгчдийнхөө сониуч хараанаас хамгаалах гэсэн бодлоготой нь холбоотой аж.
23. Тэрээр цагаан хоолтон бөгөөд өргөст хэмх, яншуй, тэжээлийн байцай, бууцай, навчит цоохор майлз гэх мэтийг хольж нухсан шүүсийг өдөрт хэд хэдэн удаа уудаг байна.
24. Элизабет Холмс ахлах сургуульд суралцаж байхдаа л Хятадын их сургуулиудад С хэлний хөрвүүлэгч программуудыг худалдаалдаг овсгоотой нэгэн байжээ.
Сэтгэгдэл (2)