Алдарт дуучин Боб Диланы удаан хүлээлгэсэн шинэ цомог ирэх есдүгээр сарын 10-наас худалдаанд гарах гэнэ. “Tempest” нэртэй уг цомогт орсон дуунуудыг Дилан өөрөө продюсерлэсэн ч Жек Фрост хэмээх нууц нэрээр овогложээ. 
Уран бүтээлд хөл тавьснаас хойш 50 жил болж буй дуучны шинэ цомогт “Duquesne Whistle”, “Soon After Midnight”, “Narrow Way”, “Long and Wasted Years”, “Pay In Blood” зэрэг дуу багтсан байна. Сонирхуулахад, тэрбээр 1962 оны гуравдугаар сард “Bob Dylan” нэртэй анхны цомгоо гаргаж байжээ.