“Хүний хөгжил сан”-гийн мөнгийг энэ сараас эхлэн олгохоо зогсоосон. Ингэснээр олон айлын амьдралын хүнд байдалд орлоо. 21000 төгрөгөөр амьдралаа залгуулж байсан өрхүүдийн орлого мөн зогсох шиг болов. Гэхдээ энэ бол ард түмний өөрсдийнх нь сонголт.
    “Хүний хөгжил сан”-гийн мөнгийг энэ сараас эхлэн олгохоо зогсоосон. Ингэснээр олон айлын амьдралын хүнд байдалд орлоо. 21000 төгрөгөөр амьдралаа залгуулж байсан өрхүүдийн орлого мөн зогсох шиг болов.
    Гэхдээ энэ бол ард түмний өөрсдийнх нь сонголт. 2012 оны УИХ-ын сонгуульд олон нам эвсэл өөр өөрсдийн мөрийн хөтөлбөрийг танилцуулсан. МАН-ын хөтөлбөрт “Хүний хөгжил сан”-гийн мөнгийг үргэлжлүүлэн олгоно хэмээн тусгасан байсан. Харин АН ялвал олгохгүй гэж байсан билээ.
     Гэвч ард түмэн АН-ыг сонгосон. АН ялснаар нэгэнт мөрийн хөтөлбөрт нь тусгагдаагүй “Хүний хөгжил сан”-гийн мөнгийг олгохгүй. Харин ард түмэн “өнгөрсөн борооны хойноос цув нөмрөв” гэгчээр одоо амаа барьж байна.
    Хэдийгээр “Хүний хөгжил сан”-гийн мөнгө өгч эхэлсэн цагаас бэлэнчлэх сэтгэлгээнд сургаж байна, архидалт ихэсч байна гэх олон сөрөг дагавар араасаа дагуулсан ч долоон ам бүлтэй айл гэхэд сардаа 140000 мянган төгрөг авчихна. Энэ нь амьдралаа залгуулахад овоо л нэмэр болчихдог байв. Гэвч санхүүжилт зогссоноор олон айл хоолгүй хонож байна гэхэд хилсдэхгүй.
    Гэхдээ олон айлын орлого зогссон ч АН-ын мөрийн хөтөлбөрт тусгагдаагүй учраас “Хүний хөгжил сан"-г цоожтой авдар мэт байлгана гэж амлажээ. Харин шинэчилсэн бүртгэлд хамрагдаагүйн улмаас мөнгөө аваагүй иргэдэд зориулж 54,2 тэрбум төгрөгийг нөхөж олгоно гэв.
    Мөн ирэх онд тус санд уул уурхайн орлогоос 594 тэрбум төгрөг оруулна гэж тооцоолсон аж. Үүний зөвхөн 65 тэрбумыг нь зарлагадаад үлдсэнийг нь ирээдүй, хойч үедээ хадгална гэв. Түүнчлэн 2011, 2012, 2013 онд шинээр төрсөн хүүхдүүдэд ч хишиг, хувийг нь нөхөн олгохгүй гэлээ. Ийнхүү эх орныхоо хишгээр амьдарч байсан иргэдийн хувьд хүндхэн байдалд ороод байгаа юм. Гэвч энэ бүхэн ард түмний өөрсдийнх нь сонголт билээ.