ОБЕГ гал түймрийг унтраах тоног төхөөрөмж, бие бүрэлдэхүүнийг галын голомтод яаралтай хүргэх арга хэмжээ авахад удаашралтай байдаг. Монгол улсад ой хээрийн гал түймэртэй тэмцэх Эйр Трактор АТ-602 агаарын хөлгийг оруулж ирэн ашиглах боллоо.
Уг агаарын хөлгөөр өчигдөр ОБЕГ-ын дэд даргад үзүүлэх нислэгийг амжилттай хийж танилцуулсан байна. Томас Эйр ХХК нь Монгол Улсад анх удаа АНУ-д үйлдвэрлэгдсэн хөдөө аж ахуйн, ойн хээрийн түймэр, хортон шавьж устгах зориулалт бүхий Эйр Трактор АТ-602 агаарын хөлгийг худалдан авч ашиглаж эхэллээ.
Ийнхүү манай улс дэлхийн шилдэг техник технологийг ашиглаж ой хээрийн түймэр, хортон шавьж гэх мэт байгаль хамгаалах зориулалтын агаарын хөлөг ашиглах боломжтой болов.