“Орчин үеийн Монголын антропологийн судалгаа-2012” олон улсын хурал энэ сарын 18-нд эхлэсэн билээ. Энэхүү  хурлын эхний өдөр танилцах уулзалтууд болсон бөгөөд хурлын хөтөлбөрийн дагуу эрдмийн үйл ажиллагаа өнөөдөр эхлэх юм.  Монголд өмнө нь антропологийн энэ төрлийн томоохон хурал тун цөөн хийгдэж байжээ.  Уг хурлыг Олон улсын монгол эрдэмтдийн холбоо, МУИС хамтран зохион байгуулж байна. Хурал ШУА-ийн хурлын танхим буюу Соёлын төв өргөөнд болох юм. Олон улсын форум энэ сарын 22-ныг дуустал үргэлжлэх юм. Оролцогчдын хувьд, Индианнагийн их сургуулийн доктор Кристофер П.Этвуд, Кэмбрижийн их сургуулийн доктор Дэвид Снийт, Урадын Э.Булаг, МУИС-ын доктор С.Дулам, Д.Бум-Очир, Аризонагийн их сургуулийн доктор Брэнт Т.Вайт, Лондонгийн их сургуулийн доктор Оод Мишлэ нарын 22 эрдэмтэн “Монголын эзэнт гүрний угсаа гардын асуудал”,  “Дотоод Азийн тэргүүн үгүй төр: Ураг төрлийн нийгэм, овгийн байгууллыг дахин нягтлах нь” зэрэг сэдвээр илтгэлээ хэлэлцүүлж байна.