Исламын шашинтнуудын он тооллоор жил бүрийн  есдүгээр сарыг ариун сар гэдэг . Энэ жилийн ариун Рамадан сар орчин цагийн тооллоор өнөөдрөөс эхэлж байна. Ойрхи дорнодын бүс нутгийн Исламын шашинтай ард түмэн ариун Рамадан сарын мөргөлийн ёслолдоо бэлэн болсон байна.
Өнөөдрөөс эхлэн сар орчим үргэлжлэх ариун сард цаг агаар хэт халж болзошгүй гэсэн урьдчилсан мэдээ байгаа юм. Тухайлбал сүүлийн долоо хоногт халууны урсгал Газа хотыг дайрч, гэрэл цахилгааны доголдол гарсан байна. Өчигдөр орой Газа хотод Исламын мөргөлчид сүмд цуглаж Хамас бүлэглэлийн тэргүүн Исмайл Хамияа тэдэнтэй нэгджээ.
  Исламын он тооллоор жил бүрийн  ес дэх сард ариусч, бурхны номлолыг үнэнч шударгаар даган мөрдөхийг сургадаг Рамадан сар өнгөрсөн онд найм дугаар сард тохиож байсан юм. Энэ сард сүсэгтэн олон өглөөний цайгаа уун гэрээсээ гарч мацаг барьдаг. Эдгээр хоногуудад Коран судрыг хүний гарт өгч байсан гэх түүхээс үндэслэн бурханд мөргөж, идэх уухаа цээрлэн, согтууруулах ундаа, бэлгийн харилцаанаас татгалдаг. Бурхны мөргөл залбирлаар оюунаа хооллож байна гэж үзэн нар мандахад Сухур нэртэй мөргөлийн зоог барьж, наран жаргатал балга ус ч амандаа хүргэдэггүй аж. Уг заншлыг Ураза гэж нэрлэдэг.