Өнөөдөр БТСГ-ын дарга Ч.Наранбаатар “Лондон-2012” зуны олимпийн ХХХ наадамд оролцох Монголын багийн дөрөв дэх хэсэг усан спортын тамирчдыг хүлээж авч уулзан санал сэтгэгдлийг сонсож үдэн гаргалаа. Энэ үеэр олимпийн бэлтгэл сургуулилт хэрхэн хангагдсан тухай дасгалжуулагчаас мэдээлэл авч, өмнөө тавьсан зорилтоо биелүүлэн амжилттай оролцохыг хүсэн ерөөв.
Манай тамирчид 100м мэлхий сэлэлтийн төрөлд оролцох Г.Оюунгэрэл энэ сарын 29-нд, 100м өврөөр даллах төрөлд оролцох А.Тамир энэ сарын 31-нд уралдах юм. А.Тамирын хувьд өмнө “Афин-2004” зуны олимпийн ХХVIII наадамд уралдаж байсан туршлагатай тамирчин бөгөөд түүний хувьд хоёр дахь олимпдоо хүч үзэх гэж байгаа юм.
Б.Золбоо
