Сүхбаатар киноны СьюшүЖан, Цогт тайж, Ленин, Чойбалсан, Сүхбаатарын дүр гээд л олон кинонд тоголсон тэрээр өөрийгөө аавынхаа давтамж гэж боддог Монгол улсын гавяъат жүжигчин Ц.Төмөрбаатар тухай 24 баримтыг хүргэж байна.1. Ц.Төмөрбаатар нь 1956 онд Улаанбаатар хотод төрсөн.
2 Түүний аавыг мэдэхгүй хүн гэж бараг үгүй болвуу тэрээр Монгол Улсын Ардын жүжигчин цолыг анхлан буюу 1942 онд хүртсэн театр, киноны жүжигчин Цагааны Цэгмид юм.
3. Ах дүү долуулаа бөгөөд дөрөв нь урлагийн хүн болсон байна.
4. Эгч нь СУИС-ийн төгөлдөр хуурын багш, дүү Төмөрхуяг, Төмөрсүх нар жүжигчин, балетчин мөн Хөгжим бүжгийн концейртмейстр Ц.Уртнасан түүний төрсөн эгч юм.
5. Тэрээр аавынхаа 51 настайд харин түүний дүү Ц.Төмөрхуяг нь 58 настай байхад нь
мэндэлжээ.6. Төмөрбаатарыг 6 настай байхад нь аав нь өөд болсон.
7. Цэгмидийн Төмөрбаатар нь 1978 онд УБДС төгссөн.
8. Тэрээр сургуулиа төгсөөд 1978-1997 онд Хүүхэд, залуучуудын театрт жүжигчин болсон. 1999-2000 онд КУДС-д багш, 2000-2002 онд Драмын театрт жүжигчин, 2002 оноос театр, хөгжмийн "Мюзик-Холл" дээд сургуульд багшаар ажилласан.
9. Мөн тэрээр Ардчилсан намд 1990 оны нэгдүгээр сарын 4-нд элсэн гишүүн болжээ.
10. 1996 оноос орон нутгийн сонгуульд оролцож эхэлсэн бөгөөд анх Баянзүрх дүүрэгт нэр дэвшиж байжээ
11. Тэрээр “ Би өөрийгөө эр хүн юм байна гэж бахархах сэтгэл төрдөг. Залуу гэргий авч чадаагүй бол хохь нь. Үеийнхээ хөгшинтэйгээ л явж байна биз. Миний эхнэр бол үнэхээр дайчин хүүхэн. Өнөөдөр би тэр хүнийг биш харин тэр намайг авч яваа. Надаас 14 дүү эмэгтэй байдаг” гэжээ.
12. Ц.Төмөрбаатар “Миний хань Отгончимэг гэж эмэгтэй бий. Эхнэр маань музейн аялал жуулчлалын чиглэлээр их сургууль төгссөн. Манайх Биндэръя, Сүндэръя гэж хоёр охинтой. Би эхнэрээ “Дайчин Катя” гэж дууддаг” хэмээжээ.13. 1989 онд Ардчиллын анхдугаар зөвөлгөөн дээр үг хэлэх зөвшөөрөл авч, төрийн шагналаасаа татгалзаж байгаагаа албан ёсоор хэлсэн.
14. Тэрээр 1985 онд төрийн шагналыг 25 настайдаа авсан.
15. 2008 онд АН-аас Баянгол дүүргийн ИТХ-ын төлөөлөгчөөр сонгогджээ.
16. Ц.Төмөрбаатар Ардчилсан хувьсгалын 20 жилийн баярын өдөр Монгол улсын гавяъат жүжигчин цолоор энгэрээ мялаасан.
17. МУГЖ Ц.Төмөрбаатар нь театр, киноны 80 орчим дүр бүтээсэн. “Говь хянганд тулалдсан нь” киноны Цэдэнбал, “Мандах нарны туяа”, “Төрийн сүлд өршөө” кинонд Хятадын генералд, “Үхэж үл болно Чингис хаан”,“Сайн байна уу амьдрал минь” ,“Боолын гэрээ”, “Фронтод явах өргөдөл”, “Ирэх хаврын цэцэг”, “Хүний хүн”, “Үлгэр дууссан хойно”, “Мандах нарны туяа”, “Амьдралын нахиа” гээд л олон дүр бүтээсэн аж.
18. Тэрээр кинонд тоглохдоо дор хаяж сая таван зуу бүр хамгийн ихдээ 35 саяар тоглож байжээ.
19. “Үхэж үл болно Чингис хаан” кинонд 35 сая төгрөгөөр тоглосон аж.
20. Ланд-200, Хаммер, Прадо машинуудыг сольж унадаг .
21. 2011 он Чин ван Ханддоржийн тухай "Ай нан аа" түүхэн дуулалт жүжигт Манжийн
түшмэлд тоглож байжээ.
22. Түүний бүтээхийг хүсэж буй дүр: малчин монгол эрийн дүр. Аавыгаа бурхан болсноос хойш 12 жилийн дараа анхны бүтээл буюу "Хүний амь" кинонд тоглосон.
23. Сэтгүүлчийн таны бүтээсэн хамгийн хэцүү дүр аль вэ? гэсэн асуултанд “Амьдрал дээрх өөрийн минь дүр л хэцүү дээ. Киноных бол зохиолынхоо хувь заяагаар төгсөнө. Харин амьдрал бол таашгүй баян. Энэ дүрдээ хэрхэн сайн тоглож, хүмүүст сайн сайхнаар дурсагдаж үлдэх вэ гэдэг миний авьяасаас бус ухаанаас шалтгаална. Хүн ганц л амьдардаг. Тэр амьдралынхаа түүхийг алдаанаасаа илүү оноо байлгахыг л хүснэ шүү дээ”гэжээ.24. Одоо өнгөрсөн амьдрал, туулсан замналаа эргээд харахаар бас муугүй явсан дүр зураг харагддаг юм шүү. Тэр ч бүү хэл нэртэй хүний зүстэй хүү явж чаджээ гэх бахархал төрдөг. Бас хүмүүсийн, үзэгчдийн надад өгсөн итгэлийг дааж чаджээ гэх бардамнал миний өнгөрсөн амьдралд бий гэж ярьжээ.
Ц.Болор
