Өнөөдөр “Улстөрийн тойм” сонины сэтгүүлч Л.Баяраад холбогдох шүүх хурал Баянгол дүүргийн Эрүүгийн танхимд товлогдсон. Түүнийг нэр төрд халдсан хэмээн УИХ-ын гишүүн асан Д.Одхүү Баянгол дүүргийн шүүхэд хандсанаар Эрүүгийн хуулийн 111.2-т зааснаар эрүүгийн хэрэг үүсгээд байсан билээ. Харин өнөөдөр товлогдсон шүүх хуралд тус сонины сэтгүүлч Л.Баяраа 20 гаруй минут хоцорч очсон байна. Гэтэл түүнийг хоцорсон гэсэн үндэслэлээр тус дүүргийн шүүгч Г.Очмандах хорих захирамж гаргаж, шууд цагдан хорьжээ.
Л.Баяраа нь УИХ-ын гишүүн асан Д.Одхүүгийн УИХ-ын 2012 оны сонгуулийн өмнө нэг тойрогт өрсөлдсөн УИХ-ын гишүүн Д.Дамба-Очир, нэр дэвшигч О.Содбилэг нарын эсрэг хар пиарын төлөвлөгөө гаргасан байсныг сониндоо нийтэлсэн аж.
Б.Чимэг
