-Би Москвад Владимир Путины урилгаар эхнэр, хүүхдийн хамт ирсэн. Орос орон, бас түүний ерөнхийлөгчид би хайртай гэж өдгөө 60 настай Голливудын зодоонч эр өгүүлж байна. Цагтаа Монголын цэнгээнт бүжгийн “Хатан хаан” цол хүртэж байсан Батсүхийн Эрдэнэтуяа хатагтай түүний гурав дахь эхнэр билээ.

   -Би Москвад Владимир Путины урилгаар эхнэр, хүүхдийн хамт ирсэн. Орос орон, бас түүний ерөнхийлөгчид би хайртай гэж өдгөө 60 настай Голливудын зодоонч эр өгүүлж байна.

 Цагтаа Монголын цэнгээнт бүжгийн “Хатан хаан” цол хүртэж байсан Батсүхийн Эрдэнэтуяа хатагтай түүний гурав дахь эхнэр билээ. Сигал 2001 онд Монголд ирж Чингис хааны тухай кино хийнэ, хатны дүрийн жүжигчин сонгон шалгаруулна гэж байхдаа ирээдүйн эхнэрээ “шалгаруулсан” юм. 2002 онд МУИС-ийн ОУХДС-ийг япон хэлний орчуулагч мэргэжлээр төгссөн Б.Эрдэнэтуяад хөтлөгч Э.Гантулгаас авахуулаад эвслийн засгийн газрын нэгэн сайд хүртэл ухаан мэдрэлгүй дурлаж явсан ч аль аль нь түүнийг Америк руу алдчихсан билээ. Таван жил хувийн туслахаар нь ажилласны эцэст Б.Эрдэнэтуяа түүний эхнэр болсон юм.

Энэ удаа Орост байх хугацаандаа ноён Сигал хэл хугармаар хэцүү нэртэй, залуухан монгол гэргийгээ “дарлинг” буюу “хонгор минь” гэж дуудаж байсан гэж Оросын хэвлэлүүд онцолжээ.

-Бид хоёр 10 жилийн өмнө Монголд зураг авалтын үеэр танилцсан юм. Тэр бол миний гүнж. Гэр бүлээсээ арай илүү цагийг би зөвхөн тулааны урлагт л зарцуулдаг гэж америк хүргэн мэдэгдсэн байна.

Орост байх хугацаандаа Стивен Сигал Москвад түүний ажил хэргийг хариуцаж байх хувийн туслахын сонгон шалгаруулалт хийжээ. Ази төрхтэй, англи хэлэнд төгс, 27 хүртэлх насны, хамгийн гол нь массаж хийж чаддаг бүсгүйг сарын 100 мянган рубль (4 сая төгрөг)-ийн цалинтай ажилд шалгаруулж авах гэж Сигал гуай бүтэн хоёр өдөр өөрийн биеэр 20 шахам ажил горилогчтой ярилцлага хийсэн байна. Ярилцлагад жүжигчний хувийн туслах, эхнэр, 3 настай хүүхэд нь хүртэл хамт байлцжээ.
-Хартай залуутай найзалдаг бол энд ирэх хэрэггүй. Имй хүний туслах үүр шөнөөр утас дуугарах, дуудагдах, олон хоног сараар орон гэрээсээ хол байх хэрэгтэй болдог гэж Сигалтай гэрээ байгуулсан ажил зуучлалын компаний менежер ярьж байна.

Алдартай жүжигчний санал болгосон ажилд орох гэсэн бүсгүйчүүдийг шадар туслах нь эхлээд угтаж авчээ. Шалгаруулалт Стивен Сигалын Москвад ирэхдээ буух дуртай маш үнэтэй нэгэн зочид буудалд болжээ. Удалгүй “од” өөрөө, эхнэр, дэлхий тойрсон аялалд үргэлж цуг явж байдаг эхнэрийнх нь хоёр ч үеэл, 3 настай охин нь хамт орж ирсэн гэж Life showbiz сайтын сурвалжлагч бичжээ. Ажил горилогчид урьд өмнө дэлгэцнээс л харж байсан хүн өөрийн биеэр ярилцлага хийсэнд багагүй сандарч байгаа нь илт. Сигал нэг бүсгүйд ойролцоогоор 15 минут зарцуулсан бөгөөд хамгийн түрүүн дорнын зурхай, жил, орд зэргийг нь сонирхсон байна. Залгуулаад массажны тухай ярианд шилжжээ.
-Сайхан кофеноос гадна орой болгон надад сайн массаж хийж өгч чаддаг байх хэрэгтэй. Хэрвээ мэргэжлийн төвшинд хийж чадахгүй бол эхнэр маань зааж сургаад, яаж хийвэл надад таалагддагийг үзүүлэх болно. Би ажлын өдрийн сүүл рүү их ядардаг юм гэж ийм илэн далангүй ярианд нь цочирдсон бүсгүйн гарыг атгаж байгаад мань эр тасхийтэл хэлсэн байна.
Үйлийн үр, давуу тал, хувийн амьдрал зэрэг эсэн бусын зүйл асуухдаа Сигал эхнэр, хүү хоёрынхоо саналыг ёс юм шиг байнга лавлаж байв. Жаран настай одын монгол гэргий өөрөөсөө нэлээн дүүмэд насны бүсгүйчүүдийг анзаараагүй дүр үзүүлэн сууж байлаа гэж Life showbiz-ийн сурвалжлагч онцолжээ. Учир нь Б.Эрдэнэтуяа удахгүй эр нөхрөө эдгээр бүсгүйчүүдийн аль нэгтэй удаан хугацаагаар хамт үлдээх болно. Харин энэ айлын жижигхэн хүү ээжээсээ ялгаатай нь хүн бүхний ярианд дэмжингүй толгой дохин хамт тоглохыг хүсч байжээ.

Ярилцлагын дараа эхний даваагаа давсан бүсгүйчүүд гэртээ очоод дэлхий тойрон хэрж, өдөр шөнийн алинд ч бэлэн байх ёстой ачаалал ихтэй энэ ажил өөрт нь үнэхээр хэрэгтэй эсэхийг дахин бодох даалгавар авав. Эцсийн шийдвэр гаргахад хэцүү байх нь ойлгомжтой. Хоёр жилийн өмнө Кайден Нгуен хэмээх вьетнам гаралтай нарийн бичгийн дарга нь Стивен Сигалыг бэлгийн өдөөн хатгалгад буруутгаж байсан билээ. Тэр бүсгүй түүнийг илт бүдүүлгээр өдөн хоргоож, гэр бүлээрээ амьдардаг Луизана дахь байшиндаа хүчээр байлгаж байсан гэж шүүхэд өгсөн юм. Кино одын ихэд таашаадаг дорнын төрхтэй бүсгүйчүүдийнх нь нэг ийнхүү түүнээс сэтгэл санааны хохирол гэж 1 сая доллар нэхэж байсан цаг саяхан билээ.
Стивен Сигал Москвад суурин туслахтай болох гэж байгаа шалтгаан нь Дорнын тулааны урлагийг дэмжих Оросын сангийн нүүр царай болж байгаатай холбоотой ажээ. Өнгөрсөн долоо хоногт тэрээр ерөнхийлөгч Путины хамт тулааны урлагийн тэмцээн үзэж сонирхжээ.
Сигалын ээж буриад хүн байсан бөгөөд мань эр монгол эхнэртэйгээ адил буддын шашин шүтдэг гэдэг. Дуучин Б.Сарантуяа хэдэн жилийн өмнө Бөхийн өргөөнд болсон ээлжит “сонгон шалгаруулалт”-ынх нь дараа Сивтен Сигалыг “Эмэгтэй хүнд гар хүрдэг, арчаагүй эр” гэж Монголын хэвлэлээр цоллож байв.