Засгийн газар Бүх нийтийн бэлэн байдлын зэрэглэлийг сунгах эсэх талаар өнөөдөр ээлжит бусаар хуралдлаа. Хуралдаанаас гарсан шийдвэрийн талаар Шадар сайд Я.Содбаатар мэдээлэл өглөө.

Тэрбээр “Бүх нийтийн бэлэн байдлын хугацаанд бид PCR шинжилгээгээр 156.038, түргэвчилсэн 166.300 хүнийг шинжилгээнд хамруулсан.  Хөл хориог 80, 90 хувиар мөрдөж чадсаны хүчинд өвчний тархалтыг 10 хувиар бууруулсан гэж эрдэмтэн судлаачид үзэжбайна.

Манай улсад нийт 784 тохиолдол, дотоодод 341 батлагдсан тохиолдол байна. Хэрэв хөл хорио тогтоогоогүй бол 3400 гаруй хүн халдвар авах байсан гэсэн судалгаа гарсан.

Бид дархан-Уул ааймагт нэг өрхөөс нэг иргэн шинжилгээг авч дууслаа. Мөн Орхон аймагт тандалтын шинжилгээ авч дууссан. Улирлын томуугийн тандан судлалтын шинжилгээ байдаг. Эмнэлэгт хэвтсэн бүх хүмүүсээс тандалт судалгаа авсан. Тохиолдол гарсан сум баймаг, нийслэлд хорооллоор нь шинжилгээнд хамруулсан.

Цаашид цар тахлын голомтыг бүрэн хумих, тархвар судлалын үрээнд тандалт, зарим массын шинжилгээ хийх шаардлагатай байна. Дэлхий нийтийн жишгийг авч үзвэл бид 14 хоног буу нэг нууц үшеийг ажиглалаа. Цааш дахин 14 хоног сунгах ёстой гэж эрдэмтэд, ЭМЯ-аас санал ирүүлсэн. Ингээд нийт эрдэмтэн мэргэдүүдийн оролцоо, судалгаа шинжилгээгээр 10 хоног сунгалаа.

Засгийн газраас улсын хэмжээнд авсан Бүх нийтийн бэлэн байдлаа цуцалж хэсэгчлэн тогтоох шийдвэр гаргалаа. Тодруулбал, арванхоёрдугаар сарын 1-11-ний өдрийн 06.00 цаг хүртэл Сэлэнгэ, Архангай, Улаанбаатарт Гамшгаас хамгаалах бүх нийтийн бэлэн байдлын зэргийг хэсэгчлэн тогтоож, бусад аймгийг Гамшгаас хамгаалах өндөржүүлсэн бэлэн байдлын зэрэглэлд шилжүүлж зэрэглэлийг буурууллаа.

Энэ хүрээнд халдвар гарсан аймгуудад иргэдийн болон тээврийн хэрэгсэлд хязгаарлалт хийх эрхийг нь тухайн аймгийн Засаг дарга нарт өгсөн.

Бусад аймгуудын хувьд олон нийтийн хамарсан хурал цуглаан, үзвэр үйлчилгээ, боловсролын байгууллага, иргэн, тээврийн хэрэгслийн хөдөлгөөнд хязгаарлалттай байна" гэлээ. 

Б.Лхам