2025 оны отгон Их Дуулга “Токио Их дуулга” өнөөдөр эхэллээ. Өнөөдөр манай тамирчдаас МУГТ, Дэлхийн аваргын хошой хүрэл медальт Л.Энхрийлэн, ОУХМ Б.Гончигсүрэн тэргүүтэй 9 тамирчин зодоглож байна. Шууд дамжуулалтыг judotv.org хаягаар хүлээн аван үзэх боломжтой.
Манайхаас +100 кг-ын жинд барилдсан О.Цэцэнцэнгэл дагах барилдаандаа ялагдсан бол ОУХМ Б.Гончигсүрэн хэсгийн барилдаандаа Гүржийн бөх Иракли Деметрашвилид ялагдсан байна.
Харин МУГТ Л.Энхрийлэн -63 кг-ын жинд Зочова Ренататай дагах барилдаан хийнэ. -48 кг-ын жинд барилдсан Ж.Анударь шөвгийн дөрөвт Японы бөх Кого Ваканад ялагдаж хүрэл медалийн төлөө Тайваны Лин чин-Хаотой барилдана.
-52 кг-ын жинд барилдсан М.Нандин-Эрдэнэ дагах барилдаандаа ялагдсан бол -57 кг-ын жинд барилдсан Л.Сосорбарам эхний тойрогтоо ялагдан тэмцээнээ өндөрлүүлжээ.
Л.Баяр
