ОХУ-ын цэргийн хүчин Беларусьтай “Холбоотны шийдвэр” нэртэй хамтарсан цэргийн сургуулилт хийсэн. Беларусийн баруун хэсэгт буюу НАТО-гийн гишүүн орнууд болох Польш, Литва улсын болон Украины хилийн  ойролцоо болсон цэргийн сургуулилтад ОХУ өөрийн техник хэрэгсэлтэйгээр ирж оролцсон юм. Оросын танкийн арми нийт таван бүс нутагт 800 цэрэг, 300 гаруй техник хэрэгсэлтэйгээр штабын сургуулилт хийсэн хэмээн мэдэгдээд байгаа.

Энэ сургуулилт эхлэхийн өмнө Беларусийн Ерөнхийлөгч Лукашенко “Украин улс Беларусийн хилийн ойролцоо цэргээ байрлуулсан тул бид сургуулилт хийх шаардлагатай байна. Мөн Польш болон Балтийн орнууд Беларусийн хилийн ойролцоо 30 мянган цэрэг байрлуулсан. Энэ удаагийн сургуулилт барууныхан, Польш, Балтийн орнууд, Украин гэсэн хүчний эсрэг тодорхой төлөвлөгөө гаргах зорилготой энгийн сургуулилт” хэмээн мэдэгдэж байлаа. Гэсэн ч энэ хамтарсан цэргийн сургуулилт дууссаны ОХУ Беларусиас цэргээ гаргахгүй гэсэн нь дэлхийн хэвлэлийн анхаарлын төвд байна. Тэд Беларусийг өөрийн муж шиг үзлээ хэмээн ОХУ-ыг шүүмжилж байгаа билээ.

Б.Жаргал