Украин улсын Ерөнхийлөгч В.Зеленскийн энэ ням гарагт ОХУ-ын зарим хэвлэлд  90 минут онлайнаар ярилцлага өгчээ. “Ройтерс”-ын мэдээлснээр Владимир Зеленский ярилцлагын үеэр Украин улс төвийг сахих статусыг зөвшөөрч болох хэдий ч үүнийг гуравдагч талуудаар баталгаажуулж, бүх нийтийн санал асуулга явуулах хэрэгтэй гэдгийг онцолсон байна. Оросын арми урьд өмнө нь ямар улстай, ямар армитай ингэж харьцаж байсныг мэдэхгүй, ямар ч байсан Украинд явуулж байгаа түрэмгийллийн сүйрлийн хэмжээг Чеченийн дайнтай харьцуулахын аргагүй гамшгийн байдалтай байгаа гэж Украины Ерөнхийлөгч Оросын хэвлэлийнхэнд хэлжээ. Тэрбээр, Оросын арми орос хэлтэй Украины хотуудыг дэлхийн гадаргаас арчлаа гэж тодотгожээ. Гэсэн ч ОХУ-ын хууль хүчний байгууллагууд энэхүү ярилцлагыг хэвлэн нийтлэхгүй байхыг өөрийн улсын хэвлэлийн байгууллагуудад анхааруулаад байгаа юм. Үүний дараа В.Зеленский “Орос улс өөрийн орны үг хэлэх эрх чөлөөг устгасан” хэмээгээд энэ нь ийм эмгэнэлтэй биш байгаагүйсэн бол инээдтэй байх байлаа хэмээсэн байна. 

П.Тамир