Украин улсын ерөнхийлөгч Владимир Зеленский Орос-Украины нөхцөл байдлыг намжааж энх тайвныг тогтоохын тулд ОХУ-тай тохиролцож Украин улсыг төвийг сахисан цөмийн зэвсэггүй орон болгоход бэлэн байгаа гэдгээ ням гарагт нэгэн сурвалжлагчид өгсөн ярилцлагынхаа үеэр мэдэгджээ.

Тэрбээр уг ярилцлагынхаа үеэр, “Миний санаж буйгаар ОХУ-ын төлөөлөгчид биднээс төвийг сахисан бодлоготой болж цаашид цөмийн зэвсэгтэй болохгүй байх амлалт өгөхийг шаардаж байсан. Тэд энэхүү шаардлагуудын үндсэн дээр одоогийн дайныг эхлүүлсэн. Хоёр улсын харилцан аюулгүй байдлын бодлогын үндсэн дээр би уг саналыг хүлээж авахад бэлэн байгаа. Мөн бид Донбасс болон Крымийн асуудлуудыг хэлэлцэж тодорхой шийдэлд хүрэх ёстой.

Харин манай улсын хувьд эх орноо цэрэггүйжүүлэх, Нацистуудыг улсаасаа гаргах гэх зэрэг асуудлууд дээр ОХУ-тай ямар нэгэн тохироо хийхгүй” гэж дурджээ. 

Эх сурвалж: CNN