ОХУ-ын Новая Газета гэх өдөр тутмын сонин Украин улсын ерөнхийлөгч Владимир Зеленскийгийн ярилцлагыг нийтэлж Оросын ард түмэнд хүргэсээр байжээ. Гэвч Оросын хэвлэл мэдээллийг зохицуулагч Роскомнадзор тэдний уг үйлдлийг хориглож анхааруулга өгсөөр байсан тул Новая Газета сонины зүгээс үйл ажиллагаагаа түр хугацаанд зогсоохоор болж байгаа юм байна.
Новая Газетагийн редакцын зөвлөл, “Роскомнадзор манай байгууллагад хоёр дахь удаагаа анхааруулга өглөө. Тиймээс Украины нутаг дэвсгэрт өрнүүлж буй тусгай үйл ажиллагаа дуустал бид сониноо хэвлэмэл болон дижитал байдлаар хэвлэхгүй байх шийдвэрийг гаргаж байна” гэж мэдэгдсэн ба эдгээр үгсээрээ тэд аль нэг талыг дэмжсэн мэдээллийг хүргэж чадахгүй гэх санааг илэрхийлжээ.
ОХУ-ын ерөнхийлөгч Владимир Путинг олон илэн далангүй шүүмжлэгч Анна Политковская тэргүүтэй тус хэвлэл мэдээллийн байгууллагын зургаан ажилтан 1993 оноос хойш бусдын гарт амь насаа алдсан ба тэдний ерөнхий редактор Дмитрий Муратов нь өмнө жил энх тайвны Нобелийн шагналыг хүртсэн билээ.
Эх сурвалж: CNN
