Финлянд Улсад архи, согтууруулах ундаанд ногдуулах албан татвар 2017-2020 онд нийт 3.6 хувиар нэмэгдсэн байна. Татварын хэмжээг архины литр тутамд 0.49 евро, дарсанд 0.31 евро, шар айрганд 0.36 еврогоор нэмсэн.

Ингэснээр дээрх жилүүдэд гэр бүлийн хүчирхийллийн улмаас нас барсан тохиолдол өмнөх оны мөн үеийнхтэй харьцуулахад 1.3 хувиар, зам, тээврийн ослоор нас барах  тохиолдол 24 хувиар, утаа болон гал түймрийн улмаас нас барах тохиолдол 19 хувиар буурчээ.

Мөн 2018  оноос онцгой албан татварыг дахин нэмснээс гадна архи, согтууруулах ундаа сурталчлахыг хориглосон байна. Хуулийн өөрчлөлт,  татвартай холбоотой тогтоолууд нь архины үйлдвэрлэл болон хэрэглээг мэдэгдэхүйц хэмжээгээр багасгаж, өвчлөл, эндэгдлийг ч бууруулж чаджээ.

Тухайлбал 2010 онд нэг  хүнд ногдох жилийн архины хэрэглээ 12 литр орчим байсан бол 2020 оны байдлаар 7.8 литр болсон. Архины шалтгаант үхэл, эндэгдэл 2007 онтой харьцуулахад 2020 онд ойролцоогоор гурав дахин багассан байна.

Энэ нь архины хор хөнөөлийн талаарх сурталчилгаа, мэдээллийг идэвхтэй явуулсан, эмнэлгийн байгууллагуудын үйлчилгээ, эмчилгээ сайжирсан зэрэгтэй холбоотой ч онцгой албан татварыг нэмсэн нь  маш том нөлөө үзүүлжээ.

Нэг хүнд ногдох жилийн архины хэрэглээ дэлхийн дундажтай харьцуулахад 1.4 литрээр их. 2019 оны эхээр татварын хэмжээ нэмэгдсэнээр архины хэрэглээ өмнөх оныхоос 0.4 хувиар багассан байна.

Цаашид татварыг нэмж, архины хэрэглээг бууруулах нь хамгийн оновчтой арга гэж үздэг байна.