2022 оны есдүгээр сарын 9-ны өдрийн Баасан гараг буюу өнөөдөр томоохон тоглолт, үзвэрүүд давхцаж буй. Тэгвэл уншигч та дараах үзвэр, тоглолтуудаас алийг нь үзэх гэж байна вэ? Хараахан сонгож амжаагүй бол өнөөдөр хаана, ямар үзвэр болох тухай мэдээллийг танд хүргэж байна.
"Зура2: Цурам ажиллагаа" УСК
“Фантастик продакшны шинэхэн уран бүтээл "Зура 2: Цурам Ажиллагаа” уран сайхны кино өнөөдөр нээлтээ хийнэ. Ийнхүү өнөөдрөөс үзэгчдийн хүтээл болох юм. "Зура" уран сайхны киноны нэгдүгээр ангид улс төрчдийн хууль бус үйлдэл, ажлуудын талаар үйл явдал өрнөж байсан. Тэгвэл энэ удаад цоо шинэ үйл явдал, шинэ зохиолтойгоор үзэгчдэд хүрэх нь.
Хаана: The Corporate Hotel and Convention Centre
Хэзээ: 2022 оны есдүгээр сарын 9-ны өдрийн 17 цагт
МУГТ Э.Цэндбаатар, Холимог тулаанч З.Шинэчагтга нарын 600 сая төгрөгийн төлөөх тулаан
Боксын дэлхийн аваргийн хүрэл медальт, Азийн аваргийн хошой алтан медальт МУГТ Э.Цэндбаатарын эсрэг MGL-1 холбооны аварга, мастер тулаанч реалити шоуны ялагч, Холимог тулаанч З.Шинэчагтга нарын 600 сая төгрөгийн төлөөх мэргэжлийн боксын халз тулаан юм.
Хаана: Монгол бөхийн өргөө
Хэзээ: 2022 оны есдүгээр сарын 9-ны өдрийн 19 цагт
Тасалбарын үнэ: 80-300 мянган төгрөгийн хүртэл
“Toonot 21x21” төслийн хаалтын тоглолт
Бид “Toonot 21x21” төслийн хаалтын тоглолтоо Сүхбаатарын талбайд хийж байгаатай холбогдуулан сайн үйлсийн аян хийнэ. Тоглолтыг ТВ8 телевизийн эфир болон TOONOT RECORDS, TV8 MONGOLIA хуудсуудаар шууд дамжуулах бөгөөд та интернет холболттой аль ч газраас хандивын аянд нэгдэж болох юм. Хандивыг “Лантуун дохио” ТББ “Ид шидийн орон”-той хамтран нэг ч төгрөгийн шимтгэлгүйгээр 100 хувь сайн үйлсийн аянд зарцуулна.
Хаана: Сүхбаатарын талбайд
Хэзээ: 2022 оны есдүгээр сарын 9-ны өдөр
"Дурсамж амьдрал"
Дуучин М.Үүрцайхийн "Дурсамж амьдрал" уран бүтээлийн анхны бие даасан тоглолт
Хаана: UG Palace
Хэзээ: 2022 оны есдүгээр сарын 9-ны өдрийн 19 цагт
Тасалбарын үнэ: 60 мянган төгрөг
"Nomadic Legend" ардын урлаг, өв соёлын тоглолт
Цагаан гавай чуулгын "Nomadic Legend" ардын урлаг, өв соёлын тоглолт нь үндэсний урлагийн бүхий л үзүүлбэрүүд багтах бөгөөд ардын хөгжмийн хамтлаг, ардын бүжиг, бие биелэгээ, хөөмий, магтаал, морин хуур, цамын бүжиг, уртын болон ардын дуу, уран нугралт гээд ардын урлагийн цогц хөтөлбөртэй тоглолт юм.
Хаана: Ган зам палас
Хэзээ: 2022 оны есдүгээр сарын 9-ны өдрийн 18 цагт
Тасалбарын үнэ: 35 мянган төгрөг
