Арванхоёрдугаар сар хаяанд ирлээ. Догдлол, хүлээлт дүүрэн энэ сард хаана юу үзэхээ төлөвлөөгүй бол, энэхүү дугаараар дамжуулан ирэх сард болох эвент, тоглолтуудын хуваарийг хүргэж байна.
1. "Сычуаны сайн хүн" гротеск драм
Хаана: Улсын драмын эрдмийн театр
Хэзээ: 2022.11.30-12.03
Тасалбар: 25.000-80.000 төгрөг
2. “Үүл салхи ус” романтик гүн ухаан яруу найргийн кино
Хаана: Тэнгис кино театр
Хэзээ: 2022.12.01-02
Тасалбар: 8.000 төгрөг
Тайлбар: Энэхүү кино нь экзистенциал сэтгэлгээ, хүйтэн нуур шиг мэдрэмж эсвэл киноны фанатизмын эрэл хайгуул юм.
3. Монголын урлагийн зөвлөлийн “Гэрэлт үдэш” шинэ жилийн үдэшлэг
Хаана: Чингис зочид буудал
Хэзээ: 2022.12.02
Тасалбар: 89.000 төгрөг
Тайлбар: Хэрэв та “ГЭРЭЛТ ҮДЭШ”-т уригдахыг хүсвэл МУЗ-ийн гишүүнчлэлийн аянд 2022 оны 11-р сарын 30-наас өмнө нэгдэж, урилгаа хүлээн аваарай. Мөн гишүүн болсноор бүтэн жилийн хугацаанд МУЗ-өөс зохион байгуулагдах төрөл бүрийн урлагийн тоглолт, олон улсын наадам, үзэсгэлэнд уригдан оролцох боломжтой.
Гэрэлт үдшийн хөтөлбөрт:
• CHU5 шинэ мультимедиа бүжиг
• А-Sound хамтлагийн тоглолт
• Silent disco – DJ Xacka
• Disco - DJ Boloroos
• Wine tasting
• Азын сугалаа
зэрэг сонирхолтой хөтөлбөр багтахаас гадна хөнгөн зууш, коктейль та бүхнийг хүлээж байна.
Dress code: SHINING
4. “Classic night concert”
Хаана: Улсын Филармони
Хэзээ: 2022.12.02
Тасалбар: 30.000 төгрөг
Тайлбар: Удирдаач Б.Батбаатар/СТА/
Сонгодог хөгжим эгшиглэх үдэш эрхэм таныг хүндэтгэн урьж байна.
5. “Хөгжмөөр хөглөгдсөн 50 жил”
Хаана: Соёлын төв өргөө
Хэзээ: 2022.12.02-03
Тасалбар: 80.000, 130.000 төгрөг
Тайлбар: Хөгжмийн зохиолч Ц.Чулуунбат нь 1972 оноос эхлэн Рок Поп урлагт тасралтгүй бүтээл туурвин энэ жил түүхэн 50 жилтэйгээ золгож байна.Монголын орчин үеийн урлаг тэр чигээрээ түүний бүтээлээр амьсгалдаг гэж хэлж болно. Үзэгч,сонсогч таны зүрхэнд хоногшин,сэтгэлд аялагдсан500 гаруй бүтээлүүдээс сонгон авч энэхүү үдэш сонорыг тань мялаахаар Рок Попын нэрт уран бүтээлчид хэдийнээ бэлэн болоод байна.
6. “Grand opera gala night”
Хаана: Улсын дуурь бүжгийн эрдмийн театр
Хэзээ: 2022.12.04
Тасалбар: 100.000, 150.000 төгрөг
Тайлбар: Монголын сонгодог урлагийн энэ цагийн АЛТАН ХООЛОЙТНУУД нэгэн тайзнаа. Улсын Дуурь Бүжгийн Эрдмийн Театрын эхлэл, сонгодог урлагийн түүчээ болсон Гоцлол дууны ангийнхан 70 жилийн ойн нээлтийн тоглолтоороо үзэгч, сонсогчдодоо дэлхийн тайзыг эзэгнэсэн монгол дуучдын хоолойн цараа, мэргэжлийн уран чадварыг гайхшруулах энэ үдшийн тоглолтод эрхэм үзэгч таныг урьж байна.
7. Шинэ жилийн “Puppet show” тоглолт
Хаана: РЦНК
Хэзээ: 2022.12.10-21
Тасалбар: 29.000 төгрөг
Тайлбар: Бид Шинэ жилийн босгон дээр үзэгч хүүхдүүддээ зориулж Тайзан дээр гайхамшигийг бүтээж мартагдашгүй дурсамжийг үлдээнэ.
Намар алиалагч Өвөл охин алиалагчид анхны харцаар дурласнаар олон олон ер бусын бэлэгүүдийг түүндээ зориулан задлах болно. Түүний бэлгэн дотор: Орчин үеийн дэлхийн шилдэг хүүхэлдэйн номерууд, неон гэрэл дээрхи гарын хөдөлгөөнт үзүүлбэр, Нарутогийн гэрлийн үзүүлбэр, хөгжилтэй илбэчиний үзүүлбэр, хөгжөөнт тоглоом, Elsa, Olaf, өвлийн өвгөн, цасан охиноос бүрдсэн гайхамшигт шоу тоглолт багтсан байх болно. Мөн муу санаат салбадай тэдэнд саад болохыг оролдоно.
Зөвхөн хүүхдүүд гэлтгүй 3–аас дээш насны бүх хүмүүс үзэхэд тохиромжтой учир гэр бүлээрээ үзэх боломжтой.
8. Тээр жил LIVE тоглолт
Хаана: UB Palace
Хэзээ: 2022.12.10
Тасалбар: 40.000, 80.000 төгрөг
Тайлбар: ХОНХ.хамтлагын Н.Энхбаяр,ТИТЭМ хамтлагын Л.Тайванбат, Д.Отгонбаатар, ЦЭЦЭГ хамтлагын Ч.Батболд, НОМИН хамтлагын П.Төгсөө ХАРШ хамтлагын Б.Баярт нарын шилдэг хит дуунуудаас бүрдсэн “Тээр жил” тоглолт ганцхан удаа тоглоно.
9. “Prosit” 2023 Улаанбаатарын шинэ жилийн концерт
Хаана: Улсын дуурь бүжгийн эрдмийн театр
Хэзээ: 2022.12.14
Тасалбар: 30.000-70.000 төгрөг
Тайлбар: Жил бүрийн 1-р сарын 1-нд Австрийн Вена хотноо 11:15 цагт Филармоны Оркестр нь алдарт Musikverein-ийн (Венын Хөгжмийн Холбоо) Aлтан танхимд Шинэ Жилийн Концертыг тоглон 90 гаруй оронд шууд дамжуулагдан шинэ оны анхны өдөр 95 сая орчим үзэгчдэд аз жаргалын илч болон хүргэгддэг заншилтай билээ.
Концертын төгсгөлд бүх хөгжимчид Герман хэлээр “Prosit Neujahr”хэмээн үзэгчиддээ нэгэн дуугаар Шинэ Оны Мэндчилгээ хүргэдэг заншлаас бид санаа аван уг концертоо “PROSIT”хэмээн нэрлэснийг үзэгчид маань болгооно уу.
Энэхүү алдартай концертын Монгол хувилбарыг МҮХАҮТ-ын дэргэдэх Монгол-Австрийн Хамтын Ажиллагааны Зөвлөл, Австрид төгсөгчдийн холбоо УДБЭТ-тай хамтран Улаанбаатар хотноо 3 дахь удаагаа Австрийн сонгодог хөгжмийн зохиолчдын, ялангуяа Вальсын Хаан Йоханн Штраус болон В.Моцартын сэтгэл сэргээсэн уянгалаг вальсын аясаар УДБЭТ-ын тайзнаа МУСТА Т.Гансүхийн удирдлагаар ганцхан удаа 2022.12.14-нд 19:00 цагт “PROSIT 2023“ толилуулахад бэлэн боллоо.
Энэ удаагийн концертын орлогын 15%-ийг Хавдар Судлалын Үндэсний Төвийн Дэргэдэх Хавдрыг Даван Туулагчдыг дэмжих хөтөлбөрт хандивлах юм. Даван туулагчдыг дэмжих хөтөлбөр нь хавдартай хүмүүсийг хавдрыг даван туулах, эмчилгээнээс эдгэрэлт рүү шилжихэд нь туслан чадавхжуулах, тэдэнд ээлтэй дэмжлэгт орчныг нийгмийн хүрээнд бий болгоход сайн дурынхны оролцоо, манлайлыг хөгжүүлэх зорилготой юм
10. Kids Christmas Party 2023
Хаана: Zaisan Hill complex
Хэзээ: 2022.12.24-25
Тасалбар: 120.000 төгрөг
Тайлбар: “Ho Ho Ho” Happy Merry Christmas Kids
Хүүхдүүд та бүхэнд зориулсан энэ жилийн ХАМГИЙН гайхалтай, ХАМГИЙН гоё зул сарын шоу тоглолт “Kids Christmas Party 2023” 12-р сарын 24, 25 нд болох нь ээ.
-Wonderland entrance welcome
-Party food
-Gift from Santa Face paint Photo shoot corners 360 Tik tok camera and more… Анги хамт олноороо, хайртай найзуудтайгаа хамт хамгийн тансаг, ид шидийн мэт орчинд зул сарын баяраа аз жаргалтай тэмдэглээрэй.
Хөтөлбөр
-Дуучин охид, хөвгүүд та нарын дуртай "Тик Ток" хит дуунуудаас дуулна. Хүсвэл чи бас дуулж болно.
- Охидын бүжгийн хамтлагтай хамтдаа бүжиглэж, зул сарын найрал дуу
- Санта өвгөн, цасан охидын бэлэгтэй
- Гайхамшигт циркийн үзүүлбэр, хөгжөөнт тоглоом,
- Шоуны ханхүү ба гүнж, хамгийн гоё "ugly sweater" шалгаруулах гээд олон сюрприз хүлээж байна.
11. Цөмөөхэй ба гайхамшгийн орон
Хаана: Степпе Арена
Хэзээ: 2022.12.31, 2023.01.01-02
Тасалбар: 79.000, 99.000, 119.000, 3.000.000 төгрөг
Тайлбар: Сонгодог урлаг, тэр дундаа балетын урлагийг медиа арт технологийн шийдэл ашиглан драм, цирк, мюзикл, орчин цагийн урлагийн сонирхолтой төрөл болох холограм хосолсон цоо шинэ уран бүтээлийг Монгол Улсад анх удаа туурвих гэж байна.
Т.Мөнхжаргал
