Хүйтний улиралд ханиад, томуу ихсэж, хоолойн өвдөлт элбэг тохиолддог. Тэгээд л бид эмийн сан орж, эм авч уух шаардлагатай болдог. Зарим эх сурвалжийн мэдээснээр ханиаданд эм уух нь ханиадыг эмэнд тэсэх магадлалыг нэмэгдүүлдэг гэсэн судалгаа гарчээ. Тэгвэл бид та бүхэнд хоолойн өвдөлтийг эмгүйгээр хэрхэн анагаах зөвлөгөөг танилцуулж байна. 

• Таны хоолой өвдсөн бол эхний ээлжинд гэртээ чийгтэй цэвэрлэгээ хийгээрэй. Мөн хоолойн өвдөлтийн үеэр агаар цэвэршүүлэгчийг орныхоо ойролцоо  тавих хэрэгтэй. Хоолой өвдөх үед хоолой болон хамар ихээр хуурайшдаг. Чийг таны өвчнийг хормын төдийд эмчлэх болно.
• Халуун сүү, үзэмний шүүсийг хоолой өвдсөн үедээ уугаарай. Үр дүнг нь хормын төдийд харах болно.
• Хоолойн өвдөлт гэлтгүй ханиад хүрсэн үедээ 1-2 ширхэг хумс сармис хэрэглээрэй. Сармисыг дундуур нь хэрчээд хоолойгоо арч, дараа нь ороолт зүүгээрэй. Хагас цагийн дараа өвдөлт тань намдах болно.
• Таны хүүхдийн хоолой өвдсөн бол халбага зөгийн бал идүүлээрэй. Харин том хүн бол хоёр халбага зөгийн балыг идэх хэрэгтэй. Зөгийн бал хоолойн өвдөлтийг намдаах чадвартай. Таны хоолой эрвэгнэж, бага зэрэг улайсан үед зөгийн бал хэрэглэх нь хамгийн үр дүнтэй.
• Бага зэргийн лимонтой усаар 30 минутын зайтай гурван удаа амаа зайл. Энэ арга хоолойн өвдөлтийг намдаахаас гадна элдэв бактерийг устгадаг байна.
• Хэрвээ эдгээр аргыг турших боломжгүй бол та гаатай чихэр болон гаа хэрэглээрэй. Сэнгэсэн агаар таны хоолойг эмчлэх болно. 

Л.Сайнаа