Импортоор оруулж ирээд “Эрин интернэшнл” ХХК-ийн агуулахад хадгалж байсан их хэмжээний өргөст хэмхийг холбогдох албаны хүмүүс шалгаад устгалд оруулжээ. Энэ талаар НМХГ-ын Экспорт, импортын хяналтын хэлтсийн дарга С.Даваасүрэнгээс тодрууллаа.

-НМХГ чанарын шаардлага хангахгүй өргөст хэмхийг устгасан байна. Энэ талаар тодруулаач?

-Хил, гаалиар чанарын шаардлага хангахгүй нөөшилсөн буюу шилтэй өргөст хэмх орж ирсэн байгаа. Тухайлбал, иргэн Хандын оруулж ирсэн дөрвөн чингэлэг өргөст хэмхнээс 1.2 тонн нь улсын байцаагчийн үзлэгээр шаардлага хангаагүй. Түүнийг  “Эрин интернэшнл” ХХК-нийн агуулахад саатуулаад зохих журмын дагуу устгасан. Мөн Польшоос өргөст хэмх, компот орж ирсэн. Өргөст хэмх нь биет байдлаа алдаж, чанарын шаардлага хангаагүй. Өөрөөр хэлбэл хэт зөөлөрсөн. Харин компотных нь жимсний хальс язарч, урагдсан байсан. Тийм болохоор эдгээр бүтээгдэхүүнийг саатуулаад байгаа. Лабораторийн шинжилгээний дүн гараагүй байхад зарим нэгэн аж ахуйн нэгжүүд хариуцлагагүй хандаж түгээлт хийсэн асуудал гарсан. Тийм аж ахуйн нэгжүүдэд нөхөн төлбөр, торгуулийн арга хэмжээ аваад цаашид алдаа дутагдал гаргахгүй байхыг анхааруулаад байна.

-Тухайлбал, ямар компани чанаргүй бүтээгдэхүүн оруулж борлуулсан бэ?

-“Тэнгэр” компанийн зах зээлд нийлүүлсэн чанарын шаардлага хангахгүй хоёр сая гаруй төгрөгний компотонд акт тогтоосон. Тус компани ч буруутай үйл ажиллагаагаа ойлгосон. Ер нь лабораторийн шинжилгээний хариу гартал гаалиар нөөшилсөн бүтээгдэхүүн оруулахгүй байгаа.

-Хариу нь хэзээ гарах вэ?

-Сайн мэдэхгүй байна. Хариу хэзээ гарна, тэр болтол нааш нь бүтээгдэхүүн оруулахгүй. Өмнө нь “Шинжилгээний хариу гартал худалдаж болохгүй шүү” гэж анхааруулаад дотооддоо нэвтрүүлдэг байсан. Гэтэл аж ахуйн нэгжүүд нийтэд түгээгээд асуудал хүндрүүлдэг. Тиймээс гааль дээр саатуулахаас өөр аргагүй байгаа.

-Шинжилгээний хариу гартал бүтээгдэхүүн гааль дээр муудах асуудал гарах уу?

-Ер нь эрс тэс уур амьсгалтай манай оронд хүнсний бүтээгдэхүүн хадгалах маш хэцүү. Гааль дээр хорьж байтал хүйтэнд хөлдөх, халуунд ялзрах тохиолдол гардаг. Гэхдээ өөрсдийнх нь арчилгаанаас хамаарна. Шинжилгээ гартал муудчихна гээд оруулаад байвал иргэдэд маань бүр илүү хор учирна. Аж ахуй нэгжүүд хүлээсэн үүргээ биелүүлэхгүй байхад бид захиргааны арга хэмжээ авч, саатуулахаас өөр аргагүй.

-Ямар тохиолдолд улсын орлого болгодог вэ?

-Чанарын шаардлага хангахгүй бүтээгдэхүүнийг зарж борлуулсан аж ахуйн нэгж, иргэний олсон орлогыг нь улсын орлого болгодог. Биет байдлаа алдсан бүтээгдэхүүн иргэдэд онц ноцтой аюул учруулахгүй ч манай улсын үндэсний стандартад чанарын шаардлага хангахгүй гэж заасан байдаг. Тийм бүтээгдэхүүнийг тээвэрлэгчийн хүсэлтээр “Тухайн оронд нь буцаая” гэвэл бид татгалздаггүй. Мөн халуун боловсруулалт хийгээд хүнсэнд хэрэглэж болно гэвэл бүтээгдэхүүний дүгнэлтийг хийж өгөөд хилээр оруулдаг.

Б.Чимэг

      Импортоор оруулж ирээд “Эрин интернэшнл” ХХК-ийн агуулахад хадгалж байсан их хэмжээний өргөст хэмхийг холбогдох албаны хүмүүс шалгаад устгалд оруулжээ. Энэ талаар НМХГ-ын Экспорт, импортын хяналтын хэлтсийн дарга С.Даваасүрэнгээс тодрууллаа.

-НМХГ чанарын шаардлага хангахгүй өргөст хэмхийг устгасан байна. Энэ талаар тодруулаач?

-Хил, гаалиар чанарын шаардлага хангахгүй нөөшилсөн буюу шилтэй өргөст хэмх орж ирсэн байгаа. Тухайлбал, иргэн Хандын оруулж ирсэн дөрвөн чингэлэг өргөст хэмхнээс 1.2 тонн нь улсын байцаагчийн үзлэгээр шаардлага хангаагүй. Түүнийг  “Эрин интернэшнл” ХХК-нийн агуулахад саатуулаад зохих журмын дагуу устгасан. Мөн Польшоос өргөст хэмх, компот орж ирсэн. Өргөст хэмх нь биет байдлаа алдаж, чанарын шаардлага хангаагүй. Өөрөөр хэлбэл хэт зөөлөрсөн. Харин компотных нь жимсний хальс язарч, урагдсан байсан. Тийм болохоор эдгээр бүтээгдэхүүнийг саатуулаад байгаа. Лабораторийн шинжилгээний дүн гараагүй байхад зарим нэгэн аж ахуйн нэгжүүд хариуцлагагүй хандаж түгээлт хийсэн асуудал гарсан. Тийм аж ахуйн нэгжүүдэд нөхөн төлбөр, торгуулийн арга хэмжээ аваад цаашид алдаа дутагдал гаргахгүй байхыг анхааруулаад байна.

-Тухайлбал, ямар компани чанаргүй бүтээгдэхүүн оруулж борлуулсан бэ?

-“Тэнгэр” компанийн зах зээлд нийлүүлсэн чанарын шаардлага хангахгүй хоёр сая гаруй төгрөгний компотонд акт тогтоосон. Тус компани ч буруутай үйл ажиллагаагаа ойлгосон. Ер нь лабораторийн шинжилгээний хариу гартал гаалиар нөөшилсөн бүтээгдэхүүн оруулахгүй байгаа.

-Хариу нь хэзээ гарах вэ?

-Сайн мэдэхгүй байна. Хариу хэзээ гарна, тэр болтол нааш нь бүтээгдэхүүн оруулахгүй. Өмнө нь “Шинжилгээний хариу гартал худалдаж болохгүй шүү” гэж анхааруулаад дотооддоо нэвтрүүлдэг байсан. Гэтэл аж ахуйн нэгжүүд нийтэд түгээгээд асуудал хүндрүүлдэг. Тиймээс гааль дээр саатуулахаас өөр аргагүй байгаа.

-Шинжилгээний хариу гартал бүтээгдэхүүн гааль дээр муудах асуудал гарах уу?

-Ер нь эрс тэс уур амьсгалтай манай оронд хүнсний бүтээгдэхүүн хадгалах маш хэцүү. Гааль дээр хорьж байтал хүйтэнд хөлдөх, халуунд ялзрах тохиолдол гардаг. Гэхдээ өөрсдийнх нь арчилгаанаас хамаарна. Шинжилгээ гартал муудчихна гээд оруулаад байвал иргэдэд маань бүр илүү хор учирна. Аж ахуй нэгжүүд хүлээсэн үүргээ биелүүлэхгүй байхад бид захиргааны арга хэмжээ авч, саатуулахаас өөр аргагүй.

-Ямар тохиолдолд улсын орлого болгодог вэ?

-Чанарын шаардлага хангахгүй бүтээгдэхүүнийг зарж борлуулсан аж ахуйн нэгж, иргэний олсон орлогыг нь улсын орлого болгодог. Биет байдлаа алдсан бүтээгдэхүүн иргэдэд онц ноцтой аюул учруулахгүй ч манай улсын үндэсний стандартад чанарын шаардлага хангахгүй гэж заасан байдаг. Тийм бүтээгдэхүүнийг тээвэрлэгчийн хүсэлтээр “Тухайн оронд нь буцаая” гэвэл бид татгалздаггүй. Мөн халуун боловсруулалт хийгээд хүнсэнд хэрэглэж болно гэвэл бүтээгдэхүүний дүгнэлтийг хийж өгөөд хилээр оруулдаг.

Б.Чимэг