“Цагдаад саатуулагдаад байхад эргэж ирсэнгүй” гэх шалтгаанаар эхнэрээ зодож, амь насыг нь хөнөөсөн этгээдийн хэргийн шүүх хурал өнгөрсөн долоо хоногт Нийслэлийн шүүхэд боллоо. Хэргийг үйлдсэн этгээдийг Б.Батхолбоо гэдэг. Тэрбээр эхнэрээ өмсч явсан өмдөөр нь боож, амийг нь хөнөөсөн юм. Анхан шатны шүүх хурал өнгөрсөн наймдугаар сард болж, Эрүүгийн хуулийн тусгай ангийн 91 дүгээр зүйлийн 91.2.2, 91.2.12-д зааснаар түүнд 24 жилийн ял оноосон байдаг. Харин тэрбээр уг шийдвэрийг эсэргүүцэж Нийслэлийн шүүхэд хандсан боловч шүүх хэргийг хянан хэлэлцээд, анхан шатны шүүхийн шийдвэрийг хэвээр үлдээсэн байна. Мөрдөн байцаалтын явцад гэрчийн өгсөн мэдүүлгийг үзвэл “Хэрэг гардаг өдрийн урд орой Батхолбоо, У хоёр манайд орж ирээд “Усаа авч чадсангүй, ус байвал өгөөч” гэж гуйсан. Тэгэхээр нь “Ус байхгүй” гээд өгөөгүй. Батхолбоо манай нөхрөөс хоёр ширхэг тамхи гуйж аваад тэд гэртээ орцгоосон. Нөхөр, хүүхэд бид гурав унтаж байтал шөнө 01-02 цагийн үед хойд гэрээс Батхолбоо, У хоёрын хэрэлдэж байгаа дуу чимээ гараад У нь уйлаад байсан. Батхолбоо У-г “янхан” гээд орилж, хашгирч зодож байгаа бололтой пид пад гэх чимээ сонсогдож байсан. Тэгээд удалгүй У гэрээсээ гарч ирж байгаа бололтой, хүний гүйж байгаа хөлийн чимээ сонсогдсон. Удалгүй манай хаалгыг У хэд хэдэн удаа нүдэж, бидний нэрийг дуудаж “Хаалгаа тайл” гээд орилоод байхаар нь би хаалгаа тайлж өгөөгүй юм. Тэгтэл хойноос нь Батхолбоо ирж байгаа бололтой хөлийн чимээ гараад У цаашаа зугтааж гүйсэн үү, эсхүл Батхолбоотой явсан уу, ямар ч байсан дуу чимээ гарахаа больчихсон. Тэгээд өглөө нь хүүхдээ цэцэрлэгт нь хүргэж өгөхөөр гарах гэтэл угаадасны ягаан хувин зам дээр хэвтэж байсан. Хашаанаас гараад явж байтал урагшаа 50 орчим метрийн зайд шороон замын хажууд У-гийн өмсдөг хар өнгийн углааш өрөөсөн нь дээшээ, нөгөө нь доошоо харчихсан хэвтэж байсан. Цаашаа явж байтал 100 гаруй метрийн зайд байдаг эзэнгүй шавар байшингийн хаалга нь хагас онгорхой харагдаж байв. Уг нь тэр хаалга байнга хаалттай байдаг байсан. Урд орой нь манай нөхөр хоолоо идэж дуусчихаад 21 цагийн үед Батхолбоотой уулзахаар гэр рүү нь ороод 20 орчим минутын дараа гэртээ буцаж орж ирээд, “Батхолбоо гэртээ сууж байна. Эхнэр нь алга” гэж байсан. Тэгээд тэр өглөө би ажилдаа явсан. 11 цагийн үед манай нөхөр утсаар яриад “У манай доод талын байшинд хөлдөөд үхчихсэн байна гэж Батхолбоо хэлж байна” гэсэн байна.

   Цагдаагийнхан хэргийн газар очиход хохирогч У нь өмсч явсан өмдөөрөө боолгосон байдалтай нас барсан байжээ. Б.Батхолбоо урьд нь эхнэрээ байнга зодож, боож ухаан алдуулж байсан талаар гэрчүүд мэдүүлсэн байна.  Бас У-гийн ар гэрийнхэн ч хэд хэдэн удаа энэ талаар цагдаад мэдэгдэж Б.Батхолбоог баривчлуулж байжээ.

Б.Чимэг

   “Цагдаад саатуулагдаад байхад эргэж ирсэнгүй” гэх шалтгаанаар эхнэрээ зодож, амь насыг нь хөнөөсөн этгээдийн хэргийн шүүх хурал өнгөрсөн долоо хоногт Нийслэлийн шүүхэд боллоо. Хэргийг үйлдсэн этгээдийг Б.Батхолбоо гэдэг. Тэрбээр эхнэрээ өмсч явсан өмдөөр нь боож, амийг нь хөнөөсөн юм. Анхан шатны шүүх хурал өнгөрсөн наймдугаар сард болж, Эрүүгийн хуулийн тусгай ангийн 91 дүгээр зүйлийн 91.2.2, 91.2.12-д зааснаар түүнд 24 жилийн ял оноосон байдаг. Харин тэрбээр уг шийдвэрийг эсэргүүцэж Нийслэлийн шүүхэд хандсан боловч шүүх хэргийг хянан хэлэлцээд, анхан шатны шүүхийн шийдвэрийг хэвээр үлдээсэн байна. Мөрдөн байцаалтын явцад гэрчийн өгсөн мэдүүлгийг үзвэл “Хэрэг гардаг өдрийн урд орой Батхолбоо, У хоёр манайд орж ирээд “Усаа авч чадсангүй, ус байвал өгөөч” гэж гуйсан. Тэгэхээр нь “Ус байхгүй” гээд өгөөгүй. Батхолбоо манай нөхрөөс хоёр ширхэг тамхи гуйж аваад тэд гэртээ орцгоосон. Нөхөр, хүүхэд бид гурав унтаж байтал шөнө 01-02 цагийн үед хойд гэрээс Батхолбоо, У хоёрын хэрэлдэж байгаа дуу чимээ гараад У нь уйлаад байсан. Батхолбоо У-г “янхан” гээд орилж, хашгирч зодож байгаа бололтой пид пад гэх чимээ сонсогдож байсан. Тэгээд удалгүй У гэрээсээ гарч ирж байгаа бололтой, хүний гүйж байгаа хөлийн чимээ сонсогдсон. Удалгүй манай хаалгыг У хэд хэдэн удаа нүдэж, бидний нэрийг дуудаж “Хаалгаа тайл” гээд орилоод байхаар нь би хаалгаа тайлж өгөөгүй юм. Тэгтэл хойноос нь Батхолбоо ирж байгаа бололтой хөлийн чимээ гараад У цаашаа зугтааж гүйсэн үү, эсхүл Батхолбоотой явсан уу, ямар ч байсан дуу чимээ гарахаа больчихсон. Тэгээд өглөө нь хүүхдээ цэцэрлэгт нь хүргэж өгөхөөр гарах гэтэл угаадасны ягаан хувин зам дээр хэвтэж байсан. Хашаанаас гараад явж байтал урагшаа 50 орчим метрийн зайд шороон замын хажууд У-гийн өмсдөг хар өнгийн углааш өрөөсөн нь дээшээ, нөгөө нь доошоо харчихсан хэвтэж байсан. Цаашаа явж байтал 100 гаруй метрийн зайд байдаг эзэнгүй шавар байшингийн хаалга нь хагас онгорхой харагдаж байв. Уг нь тэр хаалга байнга хаалттай байдаг байсан. Урд орой нь манай нөхөр хоолоо идэж дуусчихаад 21 цагийн үед Батхолбоотой уулзахаар гэр рүү нь ороод 20 орчим минутын дараа гэртээ буцаж орж ирээд, “Батхолбоо гэртээ сууж байна. Эхнэр нь алга” гэж байсан. Тэгээд тэр өглөө би ажилдаа явсан. 11 цагийн үед манай нөхөр утсаар яриад “У манай доод талын байшинд хөлдөөд үхчихсэн байна гэж Батхолбоо хэлж байна” гэсэн байна.

   Цагдаагийнхан хэргийн газар очиход хохирогч У нь өмсч явсан өмдөөрөө боолгосон байдалтай нас барсан байжээ. Б.Батхолбоо урьд нь эхнэрээ байнга зодож, боож ухаан алдуулж байсан талаар гэрчүүд мэдүүлсэн байна.  Бас У-гийн ар гэрийнхэн ч хэд хэдэн удаа энэ талаар цагдаад мэдэгдэж Б.Батхолбоог баривчлуулж байжээ.

Б.Чимэг