Цагдаагийн ерөнхий газрын Хэвлэл мэдээллийн төвийн дарга, хурандаа Т.Сайнжаргалаас олны анхаарал татсан хэргүүд ямар шатандаа явааг тодрууллаа.

-“Анод” банкны удирдлагууд батлан даалтад удлаа. Хэрэг нь ямар шатандаа явна вэ?

-Өнгөрсөн сарын 22-нд УМБГ-аас яллах дүгнэлт үйлдэн прокурорын хяналтад шилжүүлсэн. Өмнө нь хэрэгт хяналт тавьж байсан прокурор нь солигдож, нийслэлийн прокурор О.Мөнхбаатар, Х.Нямтайван нар хэргийг үргэлжлүүлэн хянахаар болоод байгаа. “Зоос” банкны хэргийг ч мөн өдөр УМБГ-аас яллах дүгнэлт үйлдүүлэн прокурорт шилжүүлсэн байна.

-Чингэлтэй дүүргийн эмч нарын хэргийг хэрэгсэхгүй болгосон гэх мэдээлэл байна?

-Тийм асуудал байхгүй. Энэ бол их ээдрээтэй хэрэг учраас хэрэгсэхгүй болгох үндэслэл байхгүй. Хууль бусаар өвчтөний хуурамч түүх бичиж, мөнгө завшсан эмч нарын хэргийг УМБГ-т үргэлжлүүлэн шалгаж байна. Мөрдөн байцаалтын ажиллагаа явагдсаар байгаа.

-Өнгөрсөн жил Сонгинохайрхан дүүрэгт гарсан есөн хүнийг хөнөөсөн хэргийг  дахин шалгахаар болсон гэсэн?

-Хэргийг үйлдсэн талийгаач Ш өөрийгөө егүүтгэсэн. Тиймээс уг хэргийн эзэн холбогдогч байхгүй гэсэн үндэслэлээр хэрэгсэхгүй болгоод байсан. Гэвч талийгаачдын нэг, гэрийн эзэгтэй Б-гийн төрсөн дүү Б.Дэлгэрмаа хэргийг сэргээж, дахин шалгах хүсэлтээ УЕПГ-т тавьсан байгаа. Гэхдээ дахин шалгах боломжтой эсэхэд хариу өгөөгүй л байна.

-МИАТ-ын удирдлагуудын хэрэг одоо хэр шийдэгдээгүй байна?

-Олон холбогдогчтой учир мөрдөн байцаалтын шатанд удаж байгааг үгүйсгэхгүй. Мөн энэ хэрэгт гадаадад байгаа хүнийг нэмж шалгах шаардлагатай болсон. Мэдээж түүний араас очиж, мөрдөн байцаалтын ажиллагаа явуулах боломжгүй. Гэхдээ хэргийн шалгах ажиллагаа үргэлжилж байгаа.

Б.Чимэг

Цагдаагийн ерөнхий газрын Хэвлэл мэдээллийн төвийн дарга, хурандаа Т.Сайнжаргалаас олны анхаарал татсан хэргүүд ямар шатандаа явааг тодрууллаа.

-“Анод” банкны удирдлагууд батлан даалтад удлаа. Хэрэг нь ямар шатандаа явна вэ?

-Өнгөрсөн сарын 22-нд УМБГ-аас яллах дүгнэлт үйлдэн прокурорын хяналтад шилжүүлсэн. Өмнө нь хэрэгт хяналт тавьж байсан прокурор нь солигдож, нийслэлийн прокурор О.Мөнхбаатар, Х.Нямтайван нар хэргийг үргэлжлүүлэн хянахаар болоод байгаа. “Зоос” банкны хэргийг ч мөн өдөр УМБГ-аас яллах дүгнэлт үйлдүүлэн прокурорт шилжүүлсэн байна.

-Чингэлтэй дүүргийн эмч нарын хэргийг хэрэгсэхгүй болгосон гэх мэдээлэл байна?

-Тийм асуудал байхгүй. Энэ бол их ээдрээтэй хэрэг учраас хэрэгсэхгүй болгох үндэслэл байхгүй. Хууль бусаар өвчтөний хуурамч түүх бичиж, мөнгө завшсан эмч нарын хэргийг УМБГ-т үргэлжлүүлэн шалгаж байна. Мөрдөн байцаалтын ажиллагаа явагдсаар байгаа.

-Өнгөрсөн жил Сонгинохайрхан дүүрэгт гарсан есөн хүнийг хөнөөсөн хэргийг  дахин шалгахаар болсон гэсэн?

-Хэргийг үйлдсэн талийгаач Ш өөрийгөө егүүтгэсэн. Тиймээс уг хэргийн эзэн холбогдогч байхгүй гэсэн үндэслэлээр хэрэгсэхгүй болгоод байсан. Гэвч талийгаачдын нэг, гэрийн эзэгтэй Б-гийн төрсөн дүү Б.Дэлгэрмаа хэргийг сэргээж, дахин шалгах хүсэлтээ УЕПГ-т тавьсан байгаа. Гэхдээ дахин шалгах боломжтой эсэхэд хариу өгөөгүй л байна.

-МИАТ-ын удирдлагуудын хэрэг одоо хэр шийдэгдээгүй байна?

-Олон холбогдогчтой учир мөрдөн байцаалтын шатанд удаж байгааг үгүйсгэхгүй. Мөн энэ хэрэгт гадаадад байгаа хүнийг нэмж шалгах шаардлагатай болсон. Мэдээж түүний араас очиж, мөрдөн байцаалтын ажиллагаа явуулах боломжгүй. Гэхдээ хэргийн шалгах ажиллагаа үргэлжилж байгаа.

Б.Чимэг