Намын дарга “1990 оны Цагаан морин жилийн Ардчилсан хувьсгалаас хойш 36 жилийн дараа“Сүрээр дарагч” хэмээх гал морин жилийн босгон дээр Ардчилсан Нам өөрчлөлт, шинэчлэлтийг зоригтой эхлүүлж байна. Энэ бол зүгээр нэг дотоод зохион байгуулалтын шинэчлэл бус харин Монголын ардчилсан тогтолцооны дутууг гүйцээж, алдаа оноог засаж, ирээдүйн хөгжлийн бат бөх суурийг тавих түүхэн боломж юм. Хувийн ашиг сонирхлоос илүү нийтлэг үнэт зүйл, зарчмыг дээдэлж чадвал нам жинхэнэ институт болж төлөвших учиртай” хэмээв.

Түүнчлэн “Ардчилсан хувьсгалд манлайлан оролцож, цаг үеийн хүнд сорилтыг даван туулж, өнөөгийн нийгмийн суурийг тавилцсан ахмад үеийн гавьяа хэмжээлшгүй их” хэмээн хэлээд “Ардчиллын гэрэгэ”-г гардаж авсан ардчиллын ахмад зүтгэлтнүүдэд сайн сайхан бүхнийг хүсэн ерөөв.