Ур чадвараа ахиулж, өөртөө хөрөнгө оруулалт хийх хүсэлтэй хүн бүрийн алдаж болохгүй боломж GROW WITH GOOLE MONGOLIA хөтөлбөрийн бүртгэл эхэллээ.

Монголын залуусыг дэлхийн хөдөлмөрийн зах зээлд өрсөлдөхүйц ур чадвартай болгох зорилготой тус хөтөлбөр нь зөвхөн энтрепренер залуус төдийгүй ахлах ангийн сурагчид, тэтгэвэрт суугаа ахмадууд, алслагдсан бүс нутагт амьдарч буй малчид зэрэг бүх насны иргэдэд нээлттэй хэрэгждэг.

Мэдээллийн технологийн үндэсний парк нь “Grow with Google” хөтөлбөрийн дэмжигч байгууллагаар ажиллаж ирсэн бөгөөд энэ удаагийн элсэлтээр нийт 350 оролцогчийг хамруулж, Google-ийн хүний нөөц бэлтгэх аргачлалд суурилсан цахим ур чадварын сургалтад хамруулах юм. Тус хөтөлбөрийн AI, Advanced Data Analytics, Cybersecurity чиглэлүүднп уөн суудал үлдээд байна.

ОЛОН УЛСАД ХҮЛЭЭН ЗӨВШӨӨРӨГДСӨН СУРГАЛТЫН ХӨТӨЛБӨР

Суралцагчид 3 сарын хугацаанд Coursera платформоор дамжуулан англи хэл дээр цахимаар суралцахын зэрэгцээ танхимын хэлбэрээр монгол хэл дээр софт ур чадварын сургалтад хамрагдана.

Ингэснээр цахим болон мэргэжлийн ур чадвараа ахиулах, олон улсын стандартад нийцсэн мэдлэг эзэмших, карьертаа бодит ахиц гаргах, гадаад, дотоодын хөдөлмөрийн зах зээлд өрсөлдөх боломжтой болох юм.

АЖ АХУЙН НЭГЖҮҮДЭД НЭЭЛТТЭЙ ХАМТЫН АЖИЛЛАГАА

Мөн аж ахуйн нэгжүүд тус хөтөлбөртэй хамтран ажилласнаар цахим ур чадвар болон англи хэлний мэдлэгтэй шинэ боловсон хүчнийг сонгон шалгаруулах, одоогийн ажилтнуудаа чадавхжуулах өргөн боломж бүрдэж буйг зохион байгуулагчид онцолжээ.

БОДИТ ҮР ДҮН

Өмнөх төгсөгчдийн 77.5% нь карьераа ахиулж, 34.5% нь бизнесээ өргөжүүлж, 28.6% нь шинэ ажилд орсон гэсэн судалгааны дүн гарсан байна.

САНХҮҮГИЙН ДЭМЖЛЭГ, ХӨНГӨЛӨЛТ

Сургалтын төлбөрийг Storepay-аар дамжуулан 45 хүртэлх хоногийн хугацаанд хүүгүйгээр хуваан төлөх боломжтой бөгөөд сургалтад хамрагдах хүсэлтэй иргэд “IT PARK” гэсэн промо кодыг ашиглан 5 хувийн хөнгөлөлтийг эдлэх боломжтой.

“Grow with Google” хөтөлбөр нь мэдлэгийг бодит хөрөнгө оруулалт болгон хувиргаж, Монголын хүний нөөцийг олон улсын түвшинд өрсөлдөх чадвартай болгоход чиглэсэн бодитой алхам юм. Бүртгэл хязгаартай тул сонирхсон иргэд та бүхэн амжиж бүртгүүлэхийг уриалж байна.