Ардчилсан Намын "4:11 мэдээллийн цаг" хэвлэлийн бага хурлаар улс төрийн цаг үеийн асуудлаар Ардчилсан Намын дарга О.Цогтгэрэл мэдээлэл хийлээ.
Тэрбээр "Гуравдугаар сарын 10-ны байдлаар Ардчилсан намын шинэчилсэн бүртгэлд 167600 иргэн бүртгүүлсэн. Үүнээс 65625 иргэн шинээр элссэн байна. Хуучин гишүүдээ нэмээд тооцсон Ардчилсан нам 250 мянга гаруй гишүүд дэмжигчидтэй болж байна. АН-ын шинэчилсэн бүртгэл нийлэлд гишүүдийн хувь 79 хувиар, орон нутагт 53 хувиар тус тус нэмэгдсэн байна. Мөн цахим системээс олон статистик мэдээллийг харах боломжтой" хэмээн намын шинэчилсэн бүртгэлийн дүнг танилцууллаа.
Хоёрдугаар хэсэгт улс төрийн цаг үеийн асуудлаар мэдээллийг хүргэлээ.
Тэрбээр "2016-2026 онд буюу сүүлийн 10 жил МАН парламентын олонх болж, төрийн эрх барьж байна. Энэ 10 жилд Монгол улсад системийн авлига гаарч, авлигын индекс үзүүлэлтүүд дотоод гадаад аль ч судалгаагаар тасралтгүй уруудаж ирлээ. Монгол Ардын нам авлигатай тэмцэж байна гэдэг. Тэмцээд байхад яагаад авлига нь өсөөд байгаа юм бэ? МАН дүр эсгэсэн тэмцлээ одоо боль. Хүнээ сольж ард түмнээ хуураад сурчихсан, үе үеийн дарга нар өмнөх даргаа авлигач байсан. Би одоо чухам авлигалаас хол энхийн цагаан тагтаа гэж хэлдэг. Энэ үлгэрийн далай 10 жил үргэлжиллээ" хэмээв.
