Засгийн газрын 2020 оны 113 дугаар тогтоолоор батлагдсан "Жижиг, дунд үйлдвэрийг хөгжүүлэх сангаас хөнгөлөлттэй зээл олгох, сонгон шалгаруулах, дамжуулан зээлдүүлэх, эргэн төлүүлэх, хяналт тавих журам" болон ХХААХҮ-ийн Сайдын 2026 оны А/185, А/223 дугаар тушаалаар Дархан-Уул, Төв аймгуудад хөнгөлөлттэй зээл олгох ерөнхий нөхцөлийг баталсан. Үүний дагуу төсөл хүлээн авах үйл ажиллагааг 2026 оны 08 дугаар сарын 03-аас 09 дүгээр сарын 01-ний өдрийн хооронд буюу 30 хоногийн хугацаанд Төсөл хүлээн авах цахим системээр амжилттай хүлээн авлаа.
Төсөл хүлээн авах цахим системд нийт 241 аж ахуйн нэгж бүртгүүлснээс 173 аж ахуйн нэгж 25,0 тэрбум төгрөгийн зээлийн хүсэлтээ баталгаажуулан ирүүлсэн байна.
| № |
Аймаг/Хот | Төслийн тоо | Хүсэж буй зээлийн дүн |
| 1 | Дархан-Уул | 48 | 6,464,371,261.00 |
| 2 | Төв | 125 | 18,540,600,285.00 |
| Нийт | 173 | 25,004,971,546.00 |
"Жижиг, дунд үйлдвэрийг хөгжүүлэх сангаас хөнгөлөлттэй зээл олгох, сонгон шалгаруулах, дамжуулан зээлдүүлэх, эргэн төлүүлэх, хяналт тавих журам"-д заасны дагуу борлуулалтын орлогоос хамааруулан зээл хүсэх дээд хэмжээг заасан бөгөөд зээлийн цахим системд нийт ирүүлсэн хүсэлтийн 120 буюу 69,4% нь 100,0 сая хүртэлх төгрөгийн зээлийн хүсэлт байна.
| № | Зээлийн ангилал | Төслийн тоо | Хүсэж буй зээлийн дүн | Эзлэх хувь |
| 1 | 0-100 сая төгрөг хүртэл | 120 | 11,408,455,769.00 | 69,4% |
| 2 | 100-200 сая төгрөг хүртэл | 17 | 2,993,286,000.00 | 9,8% |
| 3 | 200-300 сая төгрөг хүртэл | 36 | 10,603,229,777.00 | 20,8% |
| Нийт | 173 | 25,004,971,546.00 | 100% |
Төсөл сонгон шалгаруулалтын явцын мэдээллийг тухай бүрд нь төсөл илгээгчийн зээлийн цахим системд бүртгэлтэй утасны дугаараар болон энэхүү цахим хуудсаар нийтэд ил тод мэдээлж байх болно.
Сэтгэгдэл (1)