Нийслэлийн тээврийн газраас нийт хэвлэл мэдээллийн байгууллагуудад хандан дараах уриалгыг хүргүүлж байна. Нийслэлийн тээврийн газраас Том оврын автобусны үйлчилгээ эрхлэгчдийн холбоо, Монголын Оюутны холбоо, Монголын Сурагчдын холбоотой хамтран нийтийн тээврийн үйлчилгээ эрхлэгч болон үйлчлүүлэн зорчигч талуудын эрх,үүргийг дээшлүүлэх зорилготой “Аюулгүй тээвэр-Соёлтой зорчигч” аяныг 2013 оны гуравдугаар сарын 15-наас тавдугаар сарын 1 хүртэлх хугацаанд зохион байгуулж байна.Аяны эхний долоо хоногт Нийслэлийн тээврийн газар том оврын автобусны үйлчилгээ эрхлэгч 24 байгууллагад шалгалт хийж, нийт 1469 зөрчлийг илрүүлж, байгууллагын удирдлагад хугацаатай албан даалгаврыг хүргүүлж, алдаа зөрчлийг аяны хугацаанд арилгах шаарлага тавин ажиллаж байна. Цаашид Нийслэлийн тээврийн газраас тус аяныг нийтийн тээврийн үйлчилгээнд хэвшээд байгаа стандартаа биелүүлдэггүй, дүрэм журам зөрчсөн, ёс зүйн дутагдал гаргадаг буруу хэвшмэл байдлыг засах, үүргийг нь биелүүлэх, аяны дараа жолоочийн буруугаас үүдэлтэй осол аваарыг тодорхой хувиар буурах зорилт тавьж ажиллаж байна.Үүний зэрэгцээ зорчигчид маань соёлтой үйлчлүүлдэггүй, автобусны зааланд хог хаях, кондуктортай зүй бус харьцах, автобусны урдуур гарцгүй зам хөндлөн гэнэт гүйж гарах, бага насны хүүхдээ асран хамгаалагчгүй явуулах, хуурамч бичиг баримтаар үйлчлүүлэх, 1-р эгнээгээр явах зэрэг алдаа дутагдлыг тодорхой хэмжээгээр бууруулах зорилт тавин аяныг зохион байгуулж байгаа билээ.
Аяны сүүлд бид ямар үр дүнд хүрснээ хэвлэлийн байгуулагатай хамтран зарлаж цаашид ямар бодлоготой ажиллахаа олон нийтэд танилцуулах тул бидний энэ аяны зорилгыг ойлгож, цаашид хамтран ажиллахыг хүсье. ААНБ-дад хийгдэж байгаа шалгалтанд оролцож мэдээ мэдээллийг дамжуулан нийтэд хүргэж байгаагийн адил та бүхнийг нийтийн тээврийн салбарын бодит байдлыг өөрчлөх ажил дээр хамтран ажиллахыг уриалж байна..
Энэ дашрамд дурдихад манай аяныг нийгмийн хариуцлагын хүрээнд дэмжиж хамтран ажиллаж байгаа Л.Балхжав захиралтай UBS телевиз, М.Уламбадрах захиралтай NTV телевиз, Ц. Хатанбаатар захиралтай Autoradio 96.3, Б.Тэмүүлэн захиралтай News.mn, News week сонин, Л.Ганзориг захиралтай Royal HD телевиз болон бусад хэвлэл мэдээллийн байгууллагуудад талархал илэрхийлж байна.
