Монголын Уул Уурхайн Үндэсний Ассоциаци /МУУҮА/ зохион байгуулж буй “Mine tech 2013” үзэсгэлэн өчигдөр “Мишээл Экспо” төвд нээгдлээ.

    Монголын Уул Уурхайн Үндэсний Ассоциаци /МУУҮА/ зохион байгуулж буй “Mine tech 2013” үзэсгэлэн өчигдөр “Мишээл Экспо” төвд нээгдлээ. Зургаа дахь жилдээ зохиогдож буй үзэсгэлэнд уурхайн тоног төхөөрөмж үйлдвэрлэгч, нийлүүлэгч, үйлчилгээ үзүүлэгчид бүтээлээ дэлгэдэг юм.

Гурван хоног үргэлжлэх “Mine tech 2013” арга хэмжээнд БНХАУ-ын тоног төхөөрөмжийн компаниуд илүүтэй оролцож байна.

Монголын уул уурхайн салбарт ажиллах сонирхолтой гадны компаниудаас гадна “Элгэн”, “Монгол Моторс групп” зэрэг үндэсний зуун хувийн хөрөнгө оруулалттай аж ахуй нэгжүүд шинээр нэвтрүүлж буй техник, технологиудаа танилцуулжээ.

Зохион байгуулагчдын зүгээс МСЭ-тэй хамтран зарласан “Ашигт малтмалын хууль эрх зүйн орчинг боловсронгүй болгох нь” сэдэвт сэтгүүл зүйн шилдэг бүтээлийн уралдааны эздийг өнөөдөр үзэсгэлэнгийн үеэр тодруулах аж.