Өнгөрөгч гуравдугаар сарын 23-ны бямба гаригт Хорих 461 -р ангийн камерт гал гарч хоригдогч 33 настай Ш.Бааварын бие түлэгдсэн билээ.  ШШГЕГ-ын харьяа хорих ангид гарсан галын дүгнэлттэй холбоотой асуудлаар хохирогч Ш.Бааварын өмгөөлөгч болон ар гэрийнхэн хэвлэлийнхэнд дахин хандлаа.

    Хурлаар Ш.Бааварын сахилгад ямархуу байдалтай байсныг харуулж, туршилт хүртэл хийж үзүүлсэн юм.

        Өмгөөлөгч Л.Баттогтох: Дахин бүрэлдэхүүнтэй шинжээч томилж дүгнүүлнэ

Ш.Батбаярт холбогдох хэрэг нь Эрүүгийн хуулийн тусгай ангийн 192.1 гэсэн заалт байгаа. Энэ зүйл заалтад хамгийн дээд тал нь хоёр жилийн ялтай, 3-6 сарын баривчлах заалттай, бас торгууль, тэнсэнтэй зүйл анги юм.  Ш.Батбаяр өөрийгөө галдан шатаасан гэсэн дүгнэлт гарч байгаа. Ш. Батбаяр хоёр хүүхдийн эцэг, эхнэртэй. Ийм хүн өнөөдөр эцэг хүнийхээ үүргийг биелүүлэх үүрэгтэй учир өөрийгөө шатаах боломжгүй. Зарим нэг мэдээллийн хэрэгслээр "Галын дүгнэлт дээр таван шалгуурыг тавьсан байгаа. Нэгдүгээрт гал орны толгой,  хана орчмоос гарсан, хоёрдугаарт галын дохиолол хэвийн ажиллаж байсан, агаарын солилцооны улмаас гал түймэр гарсан, хүний үйл ажиллагаанаас болж гал гарсан гэсэн үндэслэлүүдийг тавьсан байсан. Тэгвэл үүнд би хуулийн хүрээнд няцаалт хиймээр байна. Өнөөдөр галын дүгнэлтийг ЦЕГ-аас гарсан галын дүгнэлтийн байцаагч гаргасан. Өөрөөр хэлбэл нэг л хүн энэ дүгнэлтийг гаргасан. Энэ бол урьдчилсан дүгнэлт. Бодит дүгнэлт биш. Эрүүгийн хуулинд тусгайлан заасан байцаан шийтгэх хуулийн 165 дугаар зүйл ангид галын дүгнэлт нь өөрөө будлиантай, маргаантай тохиолдолд бүрэлдэхүүний шинжээчийг дахин томилох, шинжээчийн тоо гурваас дээш байх ёстой гэж заасан байдаг. Тэгэхээр гурваас дээш хүний бүрэлдэхүүнтэй дүгнэлтэнд ямар статустай оролцох вэ гэхээр  Шүүх шинжилгээний үндэсний хүрээлэн, Онцгой байдлын Ерөнхий газар, Түлэнхийн эмнэлгээс мэргэжилтэн оруулна. 

Түүнчлэн  Ш.Батбаяр гавтай байж гал гаргах боломж байсан уу гэдгийг туршилтаар гаргаж ирэх хэрэгтэй.

Сахилгын камерт хорих 461 дүгээр ангийн өөрсдийнх нь зохиож хийсэн зэвсгээр Ш.Бааварыг дөнгөлсөн. Гэтэл тийм дөнгөтэй хүн өнөөдөр гал тавих боломжгүй. Галын дүгнэлтээр орны толгой болон хана хэсгээс гал гарсан гэж байгаа. Тэгэхээр нэг ялгааг сайн олох хэрэгтэй.
Энэ нь Ш.Батбаяр сахилгын камерт орохоос өмнө тусгаарлах камер гэж өөр өрөөнд орсон. Тодруулбал хэрүүл маргаан гарсны дараа тусгаарлах камерт орсох. Тусгаарлах камер гэдэг сахилгын өмнөх камер. Сахилгын өмнөх камер  өндөр ортой харин 00 байхгүй.  Харин тусгаарлах камер 00-ын суултууртай. Ийм ялгаатай. Тэгэхээр орны толгойноос дээш, хана орчмоос гал гарсан гэх дүгнэлт гавтай хүн гал тавих боломжгүй гэсэн бодит байдалтай зөрж байна. Галын дүгнэлт эргэлзээтэй, буруу байсан. Тиймээс бид үүнийг дахин бүрэлдэхүүнтэй шинжээч томилж дүгнүүлнэ. Нэг хүний дүгнэлтээр асуулдыг шийддэг юм биш.

    Ш.Батбаярын эмнэлэгт хүргэгдэж ирсэн зургийг сайн ажиглаарай. Дүгнэлттэй нийцэхгүй байгаа. Өөрөөр хэлбэл энэ түлэгдэлт хайрагдалт биш, цонож түлэгдэж байгаа юм. Мөн Эрүүгийн байцаан шийтгэх хуулийн 28 дугаар зүйлд Мөрдөн байцаагч, хэрэг бүртгэгч, прокурорын эрх үүрэг гэж заасан байдаг. Энэ зүйл дээр дээрх хүмүүс үзлэг, нэгжлэг хийнэ, эд хөрөнгө битүүмжлэх, хамгаалах эрх үүрэгтэй. Хуулийн байгууллагаас дансалж, битүүмжилсэн зүйлийг бусдад дэлгэвэл эрүүгийн хариуцлага хүлээлгэх зүйл заалт мөн бий. Камерийн бичлэг, нотлох баримтыг бусдад дэлгэсэн нь Хорих 461 дүгээр ангийн буруутай үйл ажиллагаа.

    Тусгаарлах камерьт бие засаад сууж байгаа Ш.Батбаярын зургийг олон нийтэд цацаж байгаа нь хүний нэр хүндэд халдаж байгаа төдийгүй доромжлол юм. Зовлонгоор жаргал хийж байна. Хуульч хүний хувьд үзэхэд Эрүүгийн хуулийн тусгай ангийн 110 зүйл ангиар мөрдөн байцаах ажиллагааны нууцыг задруулсан, битүүмжилсэн эд хөрөнгө болон, нотлох баримтыг бусдад дэлгэсэн, доромжилсон гэсэн гурван үндэслэлээр ШШГЕГ-ын харьяа хорих 461 дүгээр ангийг өнөөдөр Прокурорын дэргэдэх мөрдөн байцаах албанд гомдол гаргаж шалгуулах гэж байна.
 

 Одоогоор дүүгийн маань биеийн байдал эрчимт эмчилгээ хийлгэсэн учир арай дээрдэж байна. 4-5 удаагийн хагалгаанд орно. Өнөөдөр эхний хагалгаандаа орлоо. Гадуур хэвлэл мэдээллийн хэрэгслээр буруу ташаа мэдээлэл их цацагдаж байна. Дүүгийнхээ ийм байдалтай болсонд Хорих 461 дүгээр ангид гомдолтой байна. Түүнээс Хууль зүйн сайдтай холбож улс төржүүлж ярихаа болих хэрэгтэй. Коридорт зодсон бичлэг яагаад байхгүй байгаа юм. Үүнийг бас сэргээж өгөхөд анхаарах хэрэгтэй байна.