Монголын Спортын бэлтгэлийн төвийн дарга, гавьяат тамирчин Б.Наранбаатар цагтаа чөлөөт бөхөөр Монголынхоо нэрийг дэлхийн тавцанд гаргаж явсан нэрт тамирчин. Түүний спортын их замналыг дэлгэсэн 24 баримтыг хүргэж байна.

1.  Б.Наранбаатар жирийн нэгэн ажилчин айлын хүүхэд.  Аав, ээж хоёр нь цэргийн ангид ажилладаг.  Ээж нь эмч, аав нь улс төрийн орлогч. Гэхдээ аав нь эмч мэргэжилтэй.

2.   Тамирчин маань хүүхэд байхдаа эмч болох юмсан гэж боддог байжээ.  Гэвч чөлөөт бөхийн спортыг сонгосон.

3.   Хан-Уул Дүүргийн Х сургуулийн долоодугаар ангийн сурагч байхаасаа анх секцэнд явж эхэлсэн. Тэр үед түүний багын найз Энхтөр нь их нөлөөлсөн гэдэг.  Одоо найз нь Хан-Уул дүүргийн Биеийн тамир спортын хорооны ахлах дасгалжуулагчаар ажиллаж байгаа.

4. Залуучуудын улсын аварга шалгаруулах тэмцээнд 18 насандаа түрүүлчихээд 1999 онд анх удаа сонинд ярилцлага өгч байсан гэдэг.

5.   2003 онд УБИС-ийн Багш дасгалжуулагчын ангийг төгссөн. 2009 онд МУИС-ийг Эрх зүйч мэргэжлээр хуулийн анги дүүргэсэн.  Улмаар Нийслэлийн хөдөлгөөнт эргүүлийн газрын харьяан дор барилддаж,  цагдаагийн ахмад цолтой болсон. Нийслэлийн иргэдийн амгалан тайван байдлыг сахиулах Нийслэлийн хөдөлгөөнт эргүүлийн газрын 800 албан хаагчтай байгууллагын нэг эд эс ширхэг нь Б.Наранбаатар.

6.  Афины олимпиос хойш бөхийн чөлөөт барилдааны 55 кг-ын жингийн бүхий л шилдэг бөхчүүдийг тив, дэлхийн дэвжээнд цэвэр ялж, Бээжинд жингийнхээ аварга болох нь тодорхой гэгдэж байсан тамирчин бол Б.Наранбаатар.

7.  Гэвч тэрээр олимпод ялагдсан ч Якутскийн бөхийн холбооноос зохион байгуулж байгаа олон улсын тэмцээнд  оролцоод Хүрэл медальтай ирсэн.

8.  Тэрээр Бээжингийн олимпид В.Кудуховд ялагдсан.  В.Кудухов Б.Наранбаатарыг дэлхийн аваргаар ялж, аварга болсон ч дараа нь Б.Наранбаатар нутагт нь болсон тэмцээнд 6:0-ээр хожиж байсан, эн тэнцүү л хүмүүс байв.

9.  Асашёорюү түүний барилдааныг үзэхээр Бээжинд очиж байв. Харин түүнийг ялагдсаны дараа аварга “Одоо март, март...” гээд л  мөрийг нь алгадаж өгөөд баахан онигоо ярьж суусан гэдэг.

10.  Тэрээр олимпод ялагдсаны дараа эх орондоо ирж хүний царай харахаас ч санаа зовж байсан гэдгээ уншигчдаас нуугаагүй. Гэм хийчихсэн хүн шиг л хэцүү байсан санж.

11.  2020 олимпийн наадмын хөтөлбөрөөс чөлөөт, сонгомол бөхийг хассан нь түүний сэтгэлийг багагүй өвтгөсөн. Тэрээр энэ үед “Бөхийн төрлүүдийн нэгдсэн холбооны менежмент муу байгаатай холбоотой” гэж байсан.

12.  Мөн тэрээр чөлөөт бөх сүүлдээ барилддаг хүн байхгүй шахам болсон. Зугтдаг, шоддог хэмжээнд оччихсон гэв. Тэгэхээр тэрээр өнөөгийн чөлөөт бөхийн хөгжилд их л сэтгэл дундуур байгаа “тамирчин”.

13. Н.Наранбаатар ид барилдаж байх үед  заавал гурван оноо авахын төлөө барилддаг байж. Гурван оноогоо авахгүй бол бүр есөн минут хүртэл сунгаж, бүх хүчээ шавхсан сайхан барилдаан гаргадаг байсан гэдэг. Тэгэхээр түүнийхээр бол барилдаан, тэмцэл багассан гэж дүгнэж байгаа юм.

14. Н.Наранбаатар жүдо бөх шиг олимпийн оноо түүдэг томоохон сорил тэмцээн чөлөөт бөхийнхний дунд зохион байгуулахыг хүсч байдаг.

15.    Б.Наранбаатар эхнэр, хүүгийн хамт амьдардаг.

16.    Спорт бэлтгэлийн төв олимпийн наадамд монголын тамирчдыг бэлтгэх  гол суурь бааз. Энэхүү газрын дарга болсон тэрээр  залуу хүнээс ямар ажлын эрч хүч гарч болдгийг харуулж ажиллахаа өөрөө өөртэй андгайлсан гэдэг.

17.    Бээжингийн олимпийн наадмаас хойш Монголын тамирчдыг дэлхий “тоож” эхэлсэн. Үүний нэг тод жишээ бол Гавьяат тамирчин Б.Наранбаатар. Тэрээр Германы чөлөөт бөхийн Бундеслигт багийнхаа амжилтад чухал нөлөө үзүүлж чадсан.

18.  Н.Наранбаатар Дэлхийн аваргаас олимпийн жингийн төрөлд медаль хүртсэн. Бас эмэгтэйчүүдээс дэлхийн аваргын анхны хошой медальт О.Насанбурмааг дэмждэг.

19. Мөн Насаа, Нараа хоёр Биокомбинатын 10 жилийн аравдугаар дунд сургуулийг төгссөн. Нэг сургуулийн найзууд.

20. Дэлхийн аваргын мөнгө, хүрэл медальт, Дэлхийн цомын аваргын хүрэл медальт, Оюутны “Универсиад” наадмын аварга, Оюутны дэлхийн аварга, Ази тивийн аваргын мөнгөн медальт, Монгол Улсын гавьяат тамирчин юм.

21. Түүнд Туркээс өөрсдийнх нь нэр дээр тоглохыг санал болгож байсан. Харин Б.Наранбаатарын хариулт “Би айргаа ууж, тааваараа жаргаж, Монголдоо амьдармаар байна”.

22.  Тэрээр ер нь үндсэрхэг үзэлтэй. Монгол эр хүн, монгол түмэн, газар ус бүх зүйлээрээ бахархад. Медалийн давцан дээр зогсож байхдаа ч өөрөөрөө биш монголоороо бахархадаг хэмээн ойр тойрныхон нь хэлэх юм билээ.

23. Тэрээр монголын олон баяруудаас шинэ жилийн баярт дуртай. Түүний сэтгэлд үлдсэн хамгийн дурсамжтай шинэ жил гуравдугаар ангид байхад нь өвлийн өвгөнөөс онц сурлагатаны бэлэг авсан баяр гэнэ.

24.  Б.Наранбаатар монгол хүний үнэ цэнийг Герман улсад ёстой л мэдрүүлсэн тамирчин гэдгийг та бүхэн мэдэж байгаа биз ээ.