Хөтөлийн "Цемент-Шохой" үйлдвэрийн гүицэтгэх захирал А.Шоовдор болон үйлдвэрлэл эрхэлсэн захирал Б.Баатаржав, технологийн бодлого эрхэлсэн дэд захиргы Д.Валяхүү нарыг авлигын хэргээр энэ сарын 19-нд баривчлан саатуүлсан билээ. Тэгвэл Б. Баатаржав, Д. Валяхүү нарыг байцааж дуусаад сулласан байна. Харин үйлдвэрийн гүйцэтгэх захирал А.Шоовдорыг Төв аймгийн цагдан хорих төвд үргэлжлүүлэн шалгаж байгаа бололтой. Харин түүний эхнэрийг мөн баривчилсан гэх мэдээлэл нь худал болохыг эх сурвалж мэдээллээ. “Цемент-Шохой” үйлдвэрийн гүйцэтгэх захирал А.Шоовдорыг авлигын хэргээр баривчилсан гэж байгаа ч яг ямар хэрэг гэдэг нь одоогоор тодорхойгүй байгаа юм. Түүнийг буруутайд тооцвол үйлдвэрийн ажилчид эсэргүүцлээ илэрхийлнэ гэжээ.

Учир нь А.Шоовдор “Цемент-Шохой” үйлдвэрийг 2005 оноос удирдах болсноор хөл дээр нь босгосон гэж ажилчид нь үнэлдэг гэнэ. Тус үйлдвэр 870 ажилчинтай бөгөөд үйлдвэр ашигтай ажиллаж эхэлмэгц ажилчдынхаа дансанд нэг, нэг сая төгрөг байрлуулж, өдрийн хоолыг нь 100 хувь хөнгөлж, сар бүр 10 мянган төгрөгийн витаминжуулалтад хамруулах зэргээр нийгмийн асуудалд нь ихэд анхаардаг байсан байна.

Тиймээс үйлдвэрийн ажилчид даргынхаа төлөө  эсэргүүцийн жагсаал хийхэд ч бэлэн байгаа аж.