Улаанбаатар хотод гардаг зам тээврийн ослын дийлэнх хувь нь  хурд хэтрүүлсэнтэй холбоотой байдаг тухай ЗЦГ-ын Урьдчилан сэргийлэх хэлтэсээс мэдээллээ. Тухайлбал,  энэ оны  эхний есөн сарын   байдлаар хурд хэтрүүлснээс болж 801 хэрэг гарсан байна. Үүний 7.8 хувь нь нийслэлд гарсан бол орон нутагт 13,8 хувь буюу 273 хэрэг гарсан аж.  Нийт 1074 зөрчил гарсан нь зам тээврийн ослын  8.8 хувийг эзэлж буй гэнэ.

Мөн жолооч нар орой үдэш замын хөдөлгөөнд оролцохдоо гэрэл гэрэлтүүлгийг буруу хэрэглэдэг нь  зам тээврийн осол гарах шалтгаан болдог байна. Сүүлийн есөн сарын байдлаар гэрэл гэрэлтүүлэг буруу хэрэглэх, орой үдэш гэрэл шилжүүлээгүйгээс болж Улаанбаатар хотод нэг хувь буюу 104, орон нутагт 1,3 хувь буюу 129 зөрчил гарчээ. Тиймээс жолооч нар замын хөдөлгөөнд оролцохдоо хурдаа тохируулахаас гадна гэрлээ шилжүүлэн оролцохыг замын цагдаагийн газраас анхааруулж байна хэмээн ЗЦГ-ын УСХ-ийн хэвлэл мэдээллийн ажилтан, цагдаагийн дэд ахлагч О.Төгс-Очир мэдээллээ.