Монголын загварын ертөнцийн хамгийн том арга хэмжээ ”Гоёл-2014” наадам өнөөдөр шилдэгүүдээ тодруулах гэж байгаа билээ. Ингээд та бүхэнд энэ наадмын тухай сонирхолтой 24 баримтыг хүргэж байна. 1. Монголын дизайнеруудын холбооноос жил бүр уламжлал болгон зохион явуулдаг “Гоёл” наадам анх 1988 оны өвөл томоохон үйлдвэрүүдийн зохион бүтээх товчоодын дизайнеруудын бүтээлээр хийсэн бичил шоугаар эхэлсэн гэдэг.
2. Анхны “Гоёл” наадамд үслэг болон савхин эдлэлийн үйлдвэр, ОҮН, Сүлжмэлийн үйлдвэр, Шилмэл загвар зохион бүтээх төв зэрэг үйлдвэрүүд бүтээлээ толилуулдаг байв.
3. Өдгөө уг наадам Монголын загварын ертөнцийн хамгийн том арга хэмжээ болоод зогсохгүй, тухайн жилийнхээ загварын чиг хандлага, шинэ нүүр царайг тодорхойлдог гэж үздэг.
4. “Гоёл” наадам 2001 оноос “Топ” хэмээх өргөмжлөлийг хүртээдэг болсон.
5. Уг наадам жил бүрийн 10, 11 дүгээр сард болдог бөгөөд энэ жил 11 дүгээр сарын 30 буюу өнөөдөр шилдэгүүдээ тодруулна.
6. Энэ наадмаас “ТОП” өргөмжлөлийг хүртсэн хэнбугайн ч нэр хүнд суга өсдөг жамтай. Тэр хэрээр рекламны ертөнцөд эрэлттэй болдог байна.
7. Жил бүрийн “Гоёл” наадмын салхийг “Шилмэл загвар” агентлаг хагалдаг бөгөөд энэ агентлагаас ихэнхи “Топ”-ууд төрсөн байдаг.
Наадмыг тойрсон шүүмжлэл
8. Хамгийн анхны “Топ” бол “Мөнхийн залуу хатагтай” манай үеийн хамгийн “Сайхан топ” бүсгүй. 1967 нэгдүгээр сарын 11-нд төрсөн Топ модель маань “Шилмэл загвар” компанийн агентлагаас загварын ертөнцөд хөл тавьсан ч одоо хүртэл тайзнаасаа “буугаагүй” байна.
9. “Топ” –ын титэм чамгүй их хэл ам, хов жив, атаа жөтөө дагуулдаг нь нууц биш. Тэр бүү хэл энэ наадмыг “Монгол газар” компанийн захирал, хүүхний эрлэг гэгддэг Ц.Мянганбаярын наадам болсон хэмээн шүүмжилдэг.
10. Энэ наадмаас төрсөн хамгийн анхны топ Э.Одгэрэл “Болормаа бид Гоёл наадамд ахин оролцохгүй байхаар шийдэж, ярилцсан. Энэ наадам Ц.Мянганбаярын л наадам боллоо” хэмээн хэлж шуугиан тарьж байсан юм.
11. Тийнхүү шүүмжлүүлэх болсон нь 2006 оны топ модель Д.Пүрэвсүрэнгийн хувьд алтны магнаттай сууж, охиныг нь төрүүлж өгсөн байдаг бол 2008 оны топ моделиор шалгарсан Г.Алимаа мөн л Ц.Мянганбаярын нарийн бичгээр ажиллаж байсан төдийгүй өнгөрөгч оны топ модель О.Пүрэвдуламыг бас л Ц.Мянганбаяртай суусан, хүүхдийг нь төрүүлжээ зэрэг мэдээллүүд ар араасаа хөврөөд байгаа хэдий ч аль аль нь энэ тал дээр мэдээлэл өгөөгүй л байгаа.
11. Тийнхүү шүүмжлүүлэх болсон нь 2006 оны топ модель Д.Пүрэвсүрэнгийн хувьд алтны магнаттай сууж, охиныг нь төрүүлж өгсөн байдаг бол 2008 оны топ моделиор шалгарсан Г.Алимаа мөн л Ц.Мянганбаярын нарийн бичгээр ажиллаж байсан төдийгүй өнгөрөгч оны топ модель О.Пүрэвдуламыг бас л Ц.Мянганбаяртай суусан, хүүхдийг нь төрүүлжээ зэрэг мэдээллүүд ар араасаа хөврөөд байгаа хэдий ч аль аль нь энэ тал дээр мэдээлэл өгөөгүй л байгаа.
Энэ наадмын хамгийн хамгийн-аас сонирхуулбал 12. Гурав дахь топ буюу 2002 онд “Топ модель” өргөмжлөл хүртэж байсан Д.Цолмон “Хамгийн том” гэсэн тодотголтой.
13. Гоёлоос тодорсон “Засвартай топ” Уранцэцэг загварынхан дундаасаа хамгийн анх СТА болсон.
14. 14 наснаасаа загварт хөл тавьсан Х.Ундрааг хамгийн “Даруухан топ” хэмээн өргөмжилдөг бөгөөд тэрээр одоо “Mobicom” компанид ажиллаж байгаа.
15. Д.Пүрэвсүрэн. Залуу сайхан насандаа хэцүүхэн амьдрал үзсэн ч ард түмний хайрыг хүлээсэн азтай ч, Жаргалтай топ”. Эршүүд зан, хээгүй яриатай Д.Пүрэвсүрэн олон мэргэжилтэй.
16. Г.Алимаа. 1998 онд сурагчийн ширээнээс загварын тайз руу “шилжсэн” хамгийн “Маргаантай топ” юм. 2008 онд “Гоёл” наадмаас “топ модель” өргөмжлөл хүртсэн бөгөөд тухайн жилдээ Ц.Мянганбаярын нарийн бичгийн даргын алба хашиж байсан түүнийг “топ”-оор өргөмжлүүлэх үед ихэнх хүмүүс эсэргүүцэж байсан гэдэг.
18. “Дорнын тэргүүн мисс”, шилдэг фото мисс гээд чамгүй амжилттай Ч.Уранбилэг хамгийн “Спортлог топ”-оор шалгарчээ. Учир нь тэрээр спортоор хичээллэх дуртай, гольф тоглох, хурдан морины хоббитой гээд нэлээд эршүүд зантай, дайчин бүсгүй гэнэ.
19. “Топ модель” хэмээх цолыг гуйж биш гуядаж авсан “өгзөг” хочит Э.Сэлэнгэ хамшийн “Гоё өгзөгтэй топ”-оор нэрлэгддэг.
Энэ жилийн наадмын сонин хачин
20. "Гоёл-2014"-ийн эргэн тойронд харьцангуй нам гүм байгаа ч амаржаад удаагүй байгаа мисс Х.Бадамгэрэл энэ жилийн топ-д өрсөлдөхөөр болсон нь хамгийн сонин содон мэдээ байв.
21. Одоогоор дуучин Б.Амархүүгийн найз бүсгүй О.Ариунзул, мисс Х.Бадамгэрэл, мисс Д.Долгион, Catwalk хамтлагийн дуучин Т.Туяамаа зэрэг сайхан бүсгүйчүүдийн нэрс энэ жилийн топ-д дуулдаж эхлээд байна. Чухам хэн топ болох нь өнөө орой шийдэгдэнэ.
22. Энэ жилийн “Гоёл” наадамд БНХАУ-ын Хөх хотод ажиллаж байгаа монгол дизайнер н.Түвшинзаяа шинэ коллекциороо өрсөлдсөж байгаа юм.
23. “Гоёл 2014” наадамд 20 гаруй загвар зохион бүтээгчийн коллекцийг “Монгол модель”, “Шилмэл загвар”, “Эра төв”, “Азийн модель” агентлагийн 70 гаруй загвар өмсөгч тайзнаа амилуулаад байна.
24. “Шилдэг загвар зохион бүтээгч”, “Шилдэг загвар өмсөгч”, “Топ модель" гэсэн гурван үндсэн төрлөөр шилдгүүдээ шалгаруулах наадмын эцсийн шатны ёслолын ажиллагаа өнөө орой Соёлын төв өргөөнд болно.
Сэтгэгдэл (5)