АН-ын дарга Н.Алтанхуяг Засгийн газрын тэргүүнээр томилогдсоноосоо хойш ард түмнийг орой дээр нь гаргах олон “гайхалтай” үгсийг хэлжээ. Түүний хэлсэн “эрдэнийн сувд” мэт “Алтанхуягизм” хэмээх бодлогогүй үгсийн чуулганыг 24tsag.mn-ийн “24 баримт” булан онцолж байна.
Ард түмэн засгийнхаа тэргүүнийг яагаад “Задгай цагаан”, “Супер задгай” гэх мэтээр алдаршуулах болсны шалтгааныг дараах үгсийг уншаад ойлгож болох юм.

1.    Та нар яасан их хууль мөрддөг юм, айн? (МАН-ын бүлгийн хуралд хэлсэн үг)
2.    Өмнө нь Хамтарсан Засгийн газрын үед үндсэн хууль зөрчиж болдог байсан. Би үндсэн хууль зөрчиж болох юм байна гэж бодсон, (МАН-ын гишүүдийн өмнө хэлсэн үг)
3.    Манай Турк Улсын иргэд эцэг өвгөдийнхөө нутагт чөлөөтэй ирэх боломж нөхцөл бүрдэж байгаа, (Туркийн ерөнхий сайдыг ирэх үед хэлсэн үг)

4.    Манай Турк Улсын иргэд болбол Монгол Улсыг сонирхож биш зорьж ирнэ. Энэ үүд хаалга улам нээлттэй болж байгаа, (Туркийн ерөнхий сайдыг ирэх үед хэлсэн үг)
5.    Яагаад гэдэгийг асуухгүй явж ирсэн чинь улс орныг ийм байдалд авааччихаж, (Төсвийн асуудлаар УИХ-ын чуулганд хэлсэн үг)
6.    Чи хэзээ хууль сахидаг болчихсон юм, (УИХ-ын гишүүн Н.Номтойбаярт хандаж хэлсэн үг)

7.    Би шийдвэрээ урж хаяагүй, хүчингүй л болгосын ш тээ, (Сэтгүүлчидтэй уулзахдаа хэлсэн үг)
8.    Бид хаалттай бүхнийг нээнэ, (Твиттер бичлэг)
9.    Хэн мэддэг юм, би мэдэхгүй юм байна. Мэддэг хүнийг нь дуудчихгүй юу, (Ё.Отгонбаярын эхнэрийн дансны асуудлаар гишүүд асуухад хариулсан үг)

10.    Ч.Сайханбилэг үү?, Х.Тэмүүжин үү? Цагдаагийн газар уу? Тэр мэддэг хүмүүсийг нь авчраад асуу, Би мэдэхгүй, (Ё.Отгонбаярын эхнэрийн дансны асуудлаар гишүүд асуухад хариулсан үг)
11.    Төсвийн хөрөнгө замбараагүй болсон нь үнэн. Гэхдээ одоо цэгцлэхээр ажиллаж байгаа, (Төсөвийн асуудлаар УИх хэлэлцэх үед хэлсэн үг)
12.    Үлдэж байгаа 3 жилд Монгол улсыг галзуу хөгжүүлнэ дээ, (Засгийн газрын 1 жилийн ойн ажлын тайланг хэлэх үеэр хэлсэн үг)

13.    Засгийн газар гял цял, бүх юмыг хийнэ гэж байхгүй ээ. Бид бүх юмыг хийж чадахгүй, Бид бүх юмыг мэдэж чадахгүй, (Засгийн газрын 1 жилийн ойн ажлын тайланг хэлэх үеэр хэлсэн үг)
14.    Эдийн засаг хямраагүй. Би үүнийг баримттайгаар хэлнэ, (30 минут уулзалтын үеэр хэлсэн үг)
15.    Энэ бол хүн амьдарч болмоор нутаг байна, (Говь Алтай аймгийн иргэдтэй уулзахдаа хэлсэн үг)

16.    Одоо гайгүй, бужигнахгүй. Манай намын чөтгөрүүд цөөрчихсөн, (Ардчилсан намд шинээр үүссэн жигүүрийн тухай асуухад хэлсэн үг)
17.    Оюутнууд алах гэж байна лээ, (70000 асуудлаар хэвлэлийн бага хурлын үеэр хэлсэн үг)
18.    Гурван жилийн дотор хотын утаа буурахгүй бол надтай ярь, (30 минут уулзалтын үеэр сэтгүүлчдэд хэлсэн үг)

19.    Т.Блэйр нэг зөвлөлгөө өгсөн. Харин ямар зөвлөлгөө өгсөнийг нь мартчихаж. Удахгүй дахиад зөвлөнө, (Т.Блэйрийн зөвлөлгөөний талаар хэлсэн үг)
20.    Валютын ханшийг жинхэнэ хөөрөгддөг үе шинэ жил. Хэд хоног тэсчих, (30 минут уулзалтын үеэр хэлсэн үг)
21.    Будаа үнэтэй байгаа бол гурилаа аваад идэхгүй юу даа. Яагаад ингээд хэтэрхий тансаг, үрэлгэн байдлыг өөгшүүлээд байдгийг ойлгохгүй юм. Манай арвайн гурил гэж галзуу гоё юм бий шүү дээ, (30 минут уулзалтын үеэр хэлсэн үг)

22.    2017 онд өрийг яаж төлдөг юм билээ гэж толгойгоо гашилгах хэрэггүй, (30 минут уулзалтын үеэр хэлсэн үг)
23.    Чи юм асуучихаад өөр юм хийгээд байна. Наад сониноо унш. Би хариулахгүй, (УИХ-ын гишүүн Ж.Энхбаярын асуусан асуултанд хариулсан үг)
24.    Өндөг 500 төгрөг хүрснийг үнэ өссөн гэдэггүй юм. Бүх юмны үнийг тогтвортой байлгадаг Засгийн газар гэж хаа ч байхгүй, (30 минут уулзалтын үеэр сэтгүүлчдийн өмнө  хэлсэн үг)