Хөх томруулах гоо сайхны пластик мэс заслын талаар “Тод Каннам” гоо сайхны мэс заслын их эмч Д.Тодномбат зөвлөж байна.

Хөхний хэмжээг томруулах бус тухайн хүний хөхний байршил, хэмжээ, нас, биеийн өндөр, жин, хүүхэд төрүүлсэн эсэхийг харгалзан биеийн бүтэц хэлбэрт тохируулан хийх нь хамгийн чухал юм. Мөн хүүхэд төрүүлсэн бүсгүйчүүдийн хувьд хөх суларч унжина. Хэрэв ийм тохиолдолд хөх сойх, өргөх хагалгааг хамтад нь хийвэл илүү үр дүнтэй байдаг. Хөхний хэлбэр засч томруулах мэс засалд гол төлөв “натрийн уусмалтай усны уутанцар”-ыг ашигладаг.

Өмнө нь “силикон”-ыг ашиглах тохиолдол элбэг байсан ч олон төрлийн сөрөг үр дагавар үүсгэж болох магадлалтай гэдэг үүднээс тусгай тохиолдлоос бусад үед ашиглахгүй байгаа. Хөхний орлуулагч эдийг суулгах байдлаас хамааран хөхний эд ба цээжний их булчин хоёрын хооронд суулгах буюу “хөхний доор суулгах” арга ба цээжний их булчин ба бага булчингийн хооронд суулгах “булчин доор суулгах” арга гэж ангилан үзэж болно. Ингэж хөхөнд орлуулагч эд суулгах пластик мэс засал хийлгэсэн бүсгүйчүүд маань төрөх ба төрсний дараа хүүхдээ хөхүүлэх зэрэгт огтын хүндрэл байхгүй. Энэ мэс заслыг бүтэн наркозтай хийх ба 3-5 хоног даруулга боолттой байна. 1-2долоо хоног хүч гаргасан ажил, дасгал хөдөлгөөн зэргийг хийхгүй байх хэрэгтэй. Мэс заслын дараа гол анхаарах зүйл бол гурван cap болтол тогтмол массаж хийн зангирч хатуурсан  булчин ба эдүүдийг суллаж байх явдал юм.

Хөхний толгой засах
Хэвийн хэмжээнд гарч ирсэн байх ёстой хөхний толгой дотогш орсон буюу бүтэн далдлагдсан байдлыг хэлнэ. Ийм хөхний толгой нь харахад тааламжтай бусаас гадна үрэвсэл, арьсны өвчин үүсэх гол үндэс болдог. Үүнийг засч хөхний толгойг хэвийн хэмжээнд гаргаж ирэх иь хагалгааны гол зорилго юм.

Хөхний нуугдсан толгой засах
Хөхний толгойн хоёр талаар зүсэн хөхний толгойг дотогш татаад байгаа булчинг суллах замаар энэ мэс засал явагддаг. Дотогш орсон хэмжээнээс хамааран хөх хэр их гэмтэл авах эсэх нь хамаардаг. Мэс заслаас үүдэлтэй хөхний гэмтэл бага нөхцөлд төрсиий дараа хөхөөр хооллох бүрэн боломжтой.