Ч.Гансүх нарын 13 хүнд холбогдох шүүх хуралдаан цагдан хорих 461 буюу хуучнаар ганц худагт явагдаж байгаа. Шүүх хурал тав дэхь өдрөө үргэлжилж байна. Шүүх хуралд  шинжээчийн дүгнэлт гаргасан бүх шинжээчид оролцож байгаа ба шүүгдэгч Х.Хандсүрэнгийн өмгөөлөгч Г.Тунгалагийн хүсэлтээр гэрчээр ОХУ-ын иргэн Платонов Максим Викторович оролцож байгаа юм.

Таван өдөр үргэлжил байгаа уг шүүх хуралд 21 өмгөөлөгч ажиллаж байгаа ба 9 гэрч ирсэнийг албаны эх сурвалж мэдээлж байна. Юутай ч шүүх хурлын явц маш ээдрээтэй байгаа бөгөөд Ч.Гансүх нарыг буруугүй гэж тогтоогоод байгаа шүүхийн шинжээчид нотолгоогоо сайн хийж чадахгүй байгаа аж. Тэд буруугүйг нь чухам яаж тогтоосон нь ойлгомжгүй, нотолгоогүй сайн хийж өгч чадахгүй будилж байгаа гэнэ. Гэвч тэдний шүүх хурал өнөөдөр дуусах бололтой. Учир нь шүүгчдийн зүгээс нэмэлт мөрдөн байцаалтад буцааж магадгүй байгааг эх сурвалж онцоллоо.

Дашрамд хэлэхэд, АНУ-ын иргэн Жон Мартин Кийнийг хөнөөсөн гэж буруутгагдаад байгаа Ч.Баттуул нарын өмгөөлөгчид Ч.Гансүхийн өмгөөлөгчөөр ажиллаж байгаа аж.