Өнөөдрийн байдлаар гурван аймгийн 11 сум шүлхий өвчний голомттой байгаа юм. Одоогоор 1000 хол давсан мал шүлхий өвчин тусч, устгагдсан байгаа. Шүлхийгийн вакцин дууссан, өвчний тархалт нэмэгдсээр байгаа энэ үед  шүлхийгээр өвчилсөн малыг эдийн засгийн эргэлтэд оруулах боломжтой гэдгийг Үйлдвэр, хөдөө аж ахуй төрийн нарийн бичгийн дарга Х.Золжаргал хэлжээ. Тодруулбал, шүлхийгээр өвчилсөн малын махыг дулааны боловсруулалт хийж, хүнсэнд хэрэглэж болох аж. Гагцхүү халдвар тараахгүйгээр шүлхийгээр өвчилсөн малыг  эдийн засгийн эргэлтэнд оруулах, нөхцөл бололцоо байхгүй байгаа байгаа гэнэ. Учир нь шүлхийтэй малаа "Мах комбинат" руу зөөх юм бол замд нь халдварын голомт үүсэх магадлалтай учир эхний ээлжинд газар дээр нь устгаж байгаа аж.