“Амьдралын ээдрээ” киноны Ким Инха нэрээр монголчууд бидэнд танил болсон Солонгосын нэрт жүжигчин И Бёнг Хёны тухай 24 баримтыг хүргэж байна. 1. И Бёнг Хён нь 1970 оны 7 дугаар сарын 12-нд Сөүлийн дагуул хот Сонгнамд төрж тэндээ бага насаа үджээ.
2. Тэрээр аялах хоббитой бөгөөд усанд сэлэхээс гадна таквендогоор хичээллэдэг.
3. И Бёнг Хён 1991 онд KBS телевизид телевизийн олон драмд туслах дүр бүтээн жүжигчин болох гараагаа эхэлсэн.
4. 1995 онд “Намайг хэн галзууруулдаг вэ”, “Run away” кинонд гол дүр бүтээснээрээ Солонгосын драмд нэгэн шинэ од мэндэлсэнийг мэдэгдэв.
5. Тэрээр дуулах урлагт хүчээ сорин 1999 онд анхны дебют цомгоо гаргасан байдаг. Гэвч энэ нь тийм ч амжилттай болсонгүй. Тиймээс жүжиглэх талдаа бүх анхаарлаа хандуулахаар шийджээ.
6. 1999 онд цэрэгт татагдаж уран бүтээлээ түр хугацаагаар завсарласан. Түүнийг цэргийн алба хааж байхад аав нь тэнгэрт хальж тэрээр хугацаанаасаа өмнө буюу ердөө 6 сарын дараа цэргээс халагдсан байдаг.
7. Солонгосын алдарт найруулагч Пак Чан Үкийн “JSA” кинонд гол дүрийг бүтээсэн нь шуугиан тарьж түүнийг дэлхий мэдэх болжээ. Уг кинонд Хойд өмнөд Солонгосын хил дээрхи харуулын цэргүүдийн өвөрмөц харилцааг харуулсан.
8. Тэрээр 2003 онд “All in” /Монголын телевизээр “Амьдралын ээдрээ”, “Гурван марал од” нэртэйгээр гарч байсан/ драмд тоглов. Уг драма түүний нэрийн хуудас нь болсон гэхэд хилсдэхгүй бөгөөд төрөлх нэрнээсээ илүүтэйгээр тус драмын гол дүр Ким Ин Ха-гийн нэрээр алдаршсан.
9. “All in” драм нь Европ, Америкийн ихэнх орон, Азийн бүх оронд гарч, ялангуяа Японд жинхэнэ алдар хүнд дагуулсан юм. И Бён Хёны хамгийн том фэн клуб Японд байдаг.
10. 2011 онд Японд болсон аймшигт цунамид өртсөн ард иргэдэд хамгийн түрүүнд тусламж үзүүлэн 700,000 доллар хандивласан байна. Түүгээр ч барахгүй И Бён Хон нь Японы төв телевиз NHK-ийн 20 цагийн мэдээний шууд эфирт орсон анхны гадаад хүн болжээ.
13. Холливуд дахь түүний дараагийн алхам нь домогт жүжигчин Брюс Уиллисын амжилттай уран бүтээл болох тэтгэвэрт гарсан тагнуулчдын адал явдлыг дүрсэлсэн “RED” киноны хоёрдугаар ангид тоглосон юм. Кино өнгөрсөн онд олны хүртээл болж багагүй амжилт олсон.
15. 2003 оноос “All in” драмд цуг тоглосон жүжигчин Сун Хе Гюу ( Song Hye Kyo )-тэй дурлалын романс үүсгэсэн. Тэр хоёрыг хүмүүс төгс хосууд гэдэг байсан бөгөөд хурим л үлдсэн байв. Гэвч удалгүй тэдний романс төгссөн юм.
16. Сун Хе Гюу-гээс салсны дараа И Бёнг Хён найман жил ганц бие явсан.
17. 2012 оны 6-р сарын 23-ны өдөр И Бён Хоны хувьд мартагдашгүй өдөр байв. Энэ өдөр тэрээр Hollywood Walk of Fame буюу Холливудын алдартнуудын гудамжинд Азийн жүжигчдээс анх удаа гарын хээгээ дарсан ази гаралтай жүжигчин болсон юм.
18. Тэрээр 2012 онд жүжигчин И Мин Жонтэй ( Lee Min Jung ) үерхэж эхэлсэн бөгөөд өнгөрсөн жилийн найман сард хосууд хуримаа хийсэн.
19. Сөүл хотын “Grand hat” зочид буудалд болсон хосуудын хуриманд Солонгосын болон дэлхийн кино урлагийн нөлөө бүхий 200 зочин оролцжээ.
20. Түүний хувьд хамгийн чухал хүмүүс бол ээж охин дүү хоёр нь. Охин дүү И Ын Хи нь 1996 оны Солонгосын мисс.
21. Тэрээр олон тооны загварын агентлагуудтай хамтран хувцасны загвар гаргаж байсан. Түүний энгийн үед өмсөх дуртай хувцас нь подволк, жинсэн өмд, бейсбол малгай, пүүз гэнэ.
22. И Бёнг Хён буддын шашинтай.
23. Тэрээр буддын шашинт Энэтхэг, Монгол хоёр улсын аль нэгийг сонгон амьдарч, сахил хүртэх бодолтой байгаа тухай Солонгосын хэвлэлүүдэд гарч байсан.
24. Тэрээр нэгэн телевизийн нэвтрүүлэгт оролцохдоо “Монгол улс миний анхаарлыг их татаж байгаа. Их сайхан үзэсгэлэнт байгальтай гэж сонссон. Ойрын хугацаанд Монгол оронд очиж үзэхийг хүсч байна” хэмээн ярьж байсан удаатай.
Сэтгэгдэл (9)