Хар далайн эрэг дэх Сочи хотыг дэлхийн анхаарлын төвд аваачсан өвлийн XXII олимпийн наадам өнөөдөр хаалтаа хийх гэж байна. “Сочи-2014” наадмын сүүлийн өдөр бобслей, гүйлтийн цана болон хоккейн аваргууд тодрох учиртай. 16 өдрийн дараагаар 95 багц медалийн эзэд тодорч, зохион байгуулагч ОХУ-ын баг нийт 29 медаль, үүнээс алт-11, мөнгө-10, хүрэл-8 гэсэн амжилтаар медалийн хүснэгтийн тэргүүнд бичигдэж байна. Тэдний араас 26 медалиар Норвегийн баг удаалж байгаа юм.