Налайх дүүргийн 2 дугаар хороо, 48 дугаар байр 1 дүгээр орцны хогийн сувагт хог шатаж байна гэсэн дуудлага энэ амралтын өдрүүдэд НОБГ-ын Аврах, гал унтраах 28 дугаар ангийн тасгийг гаргаж унтраасан байна. Мөн Баянзүрх дүүргийн 19 дүгээр хороо, Тамирчины 6 дугаар гудамжинд байшин шатаж байна гэсэн дуудлагаар Аврах, гал унтраах 63 дугаар ангийн тасгийг гаргахад 11х12 метрийн хэмжээтэй байшингийн дээврийн хэсэг, дотор талд эд хогшил шатаж байсныг унтраасан байна. Түүнчлэн, Баянгол дүүргийн 20 дугаар хороо, Гурвалжингийн гүүрний баруун талд машин байна шатаж байна гэсэн дуудлагын дагуу Аврах, гал унтраах 10 дугаар ангийн 1 дүгээр тасгийг гаргахад "Соната-6" загварын автомашины хөдөлгүүрийн хэсэг шатаж байсныг унтраасан.

Үүгээр зогсохгүй Чингэлтэй дүүргийн 11 дүгээр хороо, Нуурын 12 дугаар гудамжинд гэр шатаж байна гэсэн дуудлагыг 19:49 цагт өгснөөр Аврах, гал унтраах 34 дүгээр ангийн тасгийг гаргахад Prius-10 загварын автомашин шатаж байсныг унтраасан.

Сонгинохайрхан дүүргийн 10 дугаар хороо, Зүүн баян уулын 15 дугаар гудамжинд амбаар шатаж байна гэсэн дуудлагыг 22:03 цагт өгснөөр Аврах, гал унтраах 29 дүгээр ангийн тасгийг гаргахад 1х2 метрийн хэмжээтэй модон жорлон шатаж байсныг унтраасан.

Баянгол дүүргийн 11 дүгээр хороо, Зүүн Ард-Аюушийн 3 дугаар гудамжинд байшин шатаж байна гэсэн дуудлагыг 00:39 цагт өгснөөр Аврах, гал унтраах 10 дугаар ангийн 2 дугаар тасгийг гаргахад 6х8 метрийн хэмжээтэй байшин дотор эд зүйл шатаж байсныг унтраасан.

Сүхбаатар дүүргийн 12 дугаар хороо, 32-ын тойрогийн баруун талд машин шатаж байна гэсэн дуудлагыг 04:30 цагт өгснөөр Аврах, гал унтраах 10 дугаар ангийн 2 дугаар тасгийг гаргахад Соната-5 загварын автомашин осолдож шатаж болзошгүй байсныг аюулгүй болгосон.